Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Odiya Loka Sanskruti Sabdakosa

ଅ ଆ ଇ ଈ ଉ ଊ ଋ ଌ ଏ ଓ ଔ କ ଖ ଗ ଘ ଙ ଚ ଛ ଜ ଝ ଞ ଟ ଠ ଡ ଢ ଣ ତ ଥ ଦ ଧ ନ ପ ଫ ବ ଭ ମ ଯ ର ଲ ଳ ଵ ଶ ଷ ସ ହ

Please click here to read PDF file Odiya Loka Sanskruti Sabdakosa

ଅନ୍ଧୁଣି(ଳି)

ମାଛ ଧରିବା ପାଇଁ ବ୍ୟବହୃତ ବାଉଁଶ କାଠି ବା ନଡ଼ିଆ ଖଡିକାରେ ପ୍ରସ୍ତୁତ ଦେଶୀ ମାଛଧରା ଯନ୍ତ୍ର l ଏହା ଗୋଟାଏ ଛୋଟ ବାକ୍ସ ଆକୃତିର l ହିଡରେ ପାଣି ଯାତାୟାତ କରୁଥିବା ସ୍ଥାନରେ ଏହାକୁ ବସାଯାଏ l ଏହା ଭିତରକୁ ଥିବା ଛୋଟ ବାଟଦେଇ ମାଛ ପଶିଲେ ତହିଁରୁ ବାହାରିବା ସମ୍ଭବ ହୁଏ ନାହିଁ l ଏହାଦ୍ଵାରା ମାଛ ଭିତରେ ରହେ ଓ ଅନ୍ଧୁଳି ବସାଇଥିବା ଲୋକ ଏହାକୁ ଉପରକୁ ଆଣି, ଏହା ଭିତରୁ ମାଛ ବାହାର କରନ୍ତି l

Transliterate :

ଅନ୍ନଛତ୍ର

ବଢ଼ି, ମରୁଡ଼ି ପ୍ରଭୃତି ଦୁର୍ବିପାକ ସମୟରେ ଆଶ୍ରିତ, ଅସହାୟ ଓ ବୁଭୁକ୍ଷୁମାନଙ୍କୁ ଦୟାଳୁ ଲୋକେ ରନ୍ଧା ଖାଦ୍ୟ ଦାନ କରନ୍ତି l ଗୋଟାଏ କୋଠ ଜାଗାରେ ବହୁଲୋକଙ୍କ ପାଇଁ ରୋଷେଇ ହୁଏ ଏବଂ ଭୋକିଲା ଲୋକଙ୍କୁ ଏଠି ରନ୍ଧାଖାଦ୍ୟ ବଣ୍ଟାଯାଏ l

Transliterate :

ଅନ୍ନ

ଭାତ l ଜଗନ୍ନାଥଙ୍କ ଅବଢ଼ା,ଅଭଡା l ପ୍ରଭୁଙ୍କୁ ଘିଅ‌ଅନ୍ନ, କାନିକା, ଓରିଆ, ପୀତ‌ଅନ୍ନ, ରସାବଳୀ ଅନ୍ନ, ଏକବର୍ଣ୍ଣି ଇତ୍ୟାଦି ବିବିଧ ଧରଣର ଅନ୍ନ ନୈବେଦ୍ୟ କରାଯାଏ l

Transliterate :

ଅନ୍ନଦାନ

ବ‌ଇତ୍ରିଣୀ ବା ଶୁଦ୍ଧଘର କର୍ମରେ ଦାନ ଦିଆ ଯାଉଥିବା ଅନ୍ନ l ଦଶଦାନ ଭିତରେ ଅନ୍ନଦାନ ବା ଭୋଜନଦାନ ଅନ୍ୟତମ ବିଶେଷ ଦାନ l

Transliterate :

ଅନ୍ନପ୍ରାଶନ

ପିଲାର ପ୍ରଥମ ଖିରିଚଟା ଉତ୍ସବ l ନୂଆ ଥାଳିଆରେ, ଅରୁଆ ଚାଉଳର ଖିରିକରି ପିଲାକୁ ଖୋ‌ଇ ଦିଆଯାଏ lଏହା ହେଉଛି ଶିଶୁର ପ୍ରଥମ ଅନ୍ନ ଆହାର କରିବାର ସଂସ୍କାର l ଏହା ଖିରିଖିଆ ରୂପେ ପରିଚିତ l

Transliterate :

ଅପରା ଏକାଦଶୀ

ଜ୍ୟେଷ୍ଠମାସ କୃଷ୍ଣପକ୍ଷର ଏଇ ଏକାଦଶୀ ଜଳକ୍ରୀଡ଼ା ଏକାଦଶୀ ଭାବରେ ଖ୍ୟାତ l ଏଇଦିନ ଶ୍ରୀମନ୍ଦିର ବେଢ଼ାରେ ଜଳକ୍ରୀଡ଼ା ମଣ୍ଡପରେ ମଦନମୋହନଙ୍କ ଜଳଲାଗି ଉତ୍ସବ ପାଳିତ ହୁଏ l ଏଇ ଏକାଦଶୀ ପାଳନ ଦ୍ଵାରା ଯାବତୀୟ ପାପ ଖଣ୍ଡିତ ହୋ‌ଇଥାଏ l

Transliterate :

ଅପର୍ତ୍ତିଆଣି

ପ୍ରଥମ କେତୋଟି ସନ୍ତାନ ମରିଯିବା ପରେ ପରବର୍ତ୍ତୀ ସନ୍ତାନ ମଧ୍ୟ ମରିଯିବ ବୋଲି ଆଶଙ୍କା ଥାଏ l ମାତ୍ର ଯେଉଁ ସନ୍ତାନଟି କୌଣସି ପ୍ରକାରେ ବଂଚି ରହେ, ତାକୁ ଅପର୍ତ୍ତିଆଣି କୁହାଯାଏ l ଏପରି ସନ୍ତାନ ପ୍ରତି ଅଧିକ ସ୍ନେହ ଥାଏ l ଯମ ହାବୁଡ଼ରୁ ଏହାକୁ ବଂଚାଇବା ନିମିତ୍ତ କେହି କେହି ଏହାକୁ କୌଣସି ଦେବ ଦେବୀଙ୍କୁ ବିକ୍ରି କରି ଦେଇଥାନ୍ତି l କେହି କେହି ଏହାର ଶରୀରରେ ମଧ୍ୟ କ୍ଷତ ସୃଷ୍ଟି କରନ୍ତି l ଚଡୁଦାଗ ଏବଂ କାନଫୋଡ଼ା ଇତ୍ୟାଦି ଏହାର ଦୃଷ୍ଟାନ୍ତ l

Transliterate :

ଅପର୍ତ୍ତିବାହା

ଆଦିବାସୀ ସମାଜରେ ଅନୁଷ୍ଠିତ ଏକ ପ୍ରକାର ବିବାହ l ଏଥିରେ କନ୍ୟାକୁ ବର ଜୋର୍‌ ଜବରଦସ୍ତି ଉଠାଇ ଆଣେ l

Transliterate :

ଅପାଳକ

ଚାଷ ପାଇଁ ନଥିବା ଉପଯୁକ୍ତ ପାଣିପାଗ l ବର୍ଷା ଅଭାବରୁ ଶସ୍ୟହାନି l ଉପଯୁକ୍ତ ପରିମାଣଠାରୁ ଅଧିକବର୍ଷା ହେଲେ ଧୋ‌ଇ ଏବଂ ଅଳ୍ପବର୍ଷା ହେଲେ ମରୁଡ଼ି ହୁଏ l ଏହାକୁ ଅପାଳକ କୁହାଯାଏ l

Transliterate :

ଅଫିମ

ନିଶାଦ୍ରବ୍ୟ l ଅଫିମଗଛର ଫଳ ବା ବକଡ଼ାରୁ ଏହା ବାହାରିଥାଏ l

Transliterate :

<< First << Prev < 8 9 10 11 12 13 14 15 16 17 18 19 20 21 22 23 24 25 26 27 28 29 ........663 > Next >> Last >>