Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Navakarnataka Vijnana Tantrajnana Padasampada (2011)

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಱ ಲ ಳ ವ ಶ ಷ ಸ ಹ

Please click here to read PDF file Navakarnataka Vijnana Tantrajnana Padasampada (2011)

ಮಕಮಲ್ಲು ಹೆಗ್ಗಣ

(ಪ್ರಾ) ಟಾಲ್ಪಿಡೀ ಕುಟುಂಬಕ್ಕೆ ಸೇರಿದ ಕೀಟಾಹಾರಿ ಸ್ತನಿಗಳ ೧೯ ಪ್ರಭೇದಗಳಲ್ಲೊಂದು. ನಸುಕಪ್ಪಿನ ಮಕಮಲ್ಲಿನಂಥ ತುಪ್ಪುಳು ಚರ್ಮ, ಬಲು ಸಣ್ಣ ಕಣ್ಣು ಹಾಗೂ ಕಿವಿಗಳು, ಬಿಲ ತೋಡಲು ಸಹಕಾರಿಯಾದಂಥ ಮುಂಗಾಲುಗಳು ಇದರ ವಿಶಿಷ್ಟ ಲಕ್ಷಣ. ಬಿಲವಾಸಿ

mole

Transliterate :

ಮಕರಂದ

(ಸ) ಹೂವಿನ ಯಾವುದಾದರೂ ಭಾಗದಿಂದ ಅಥವಾ ಕೆಲವು ವೇಳೆ ಸಸ್ಯದ ಇತರ ಭಾಗಗಳಿಂದ, ಒಸರುವ ಶರ್ಕರ, ಅಮೀನೊಆಮ್ಲ ಮತ್ತಿತರ ಪೋಷಕಗಳಿರುವ ಸಿಹಿ ದ್ರವ ಪದಾರ್ಥ. ಕೀಟಗಳನ್ನು ಆಕರ್ಷಿಸಿ ಅವುಗಳಿಂದ ಪರಾಗಣ ಕ್ರಿಯೆ ಜರಗುವುದಕ್ಕೆ ನೆರವಾಗುತ್ತದೆ

nectar

Transliterate :

ಮಕರಾಯನ

(ಖ) ಭೂಮಿಯ ಸುತ್ತ ಸೂರ್ಯನ ಉತ್ತರ-ದಕ್ಷಿಣ ದಿಶಾಚಲನೆ ಸ್ಥಗಿತಗೊಂಡು ದಕ್ಷಿಣ-ಉತ್ತರ ದಿಶಾಚಲನೆ ಆರಂಭವಾಗುತ್ತ ಮಕರ ಸಂಕ್ರಾಂತಿಗೆ ತಾಳೆಯಾಗುತ್ತಿದ್ದ ಬಿಂದು. ಈಗ ಡಿಸೆಂಬರ್ ೨೨ ಉತ್ತರಾಯಣಾರಂಭ ದಿನ. ಸೂರ್ಯ ವಿಷುವದ್ ವೃತ್ತದಿಂದ ಅತಿ ದಕ್ಷಿಣಕ್ಕೆ ಸರಿದಿರುವ ನೆಲೆ. ಶಿಶಿರ ಅಯನ ಸಂಧಿ

winter solstice

Transliterate :

ಮಕಾಕ್ ಕೋತಿ

(ಪ್ರಾ) ಸ್ತನಿವರ್ಗ, ಪ್ರೈಮೇಟ್ ಗಣ, ಸರ್ಕೋಪಿತಿಡೀ ಕುಟುಂಬ ಹಾಗೂ ಮಕಾಕ ಜಾತಿಗೆ ಸೇರಿದ ಕೋತಿ. ಆಫ್ರಿಕ, ಭಾರತ, ಆಗ್ನೇಯ ಏಷ್ಯಾ ವಾಸಿ. ೧೨ ಪ್ರಭೇದಗಳು ಉಂಟು. ಭಾರಿ ಗಾತ್ರದವಲ್ಲವಾದರೂ ಸದೃಢ ಮೈಕಟ್ಟು, ಪುಷ್ಪವಾದ ಕೈಕಾಲು, ಕೆನ್ನೆ ಚೀಲ, ಉದ್ದವಾದ ಬಾಲ ಇರುವ ಬಲಶಾಲಿಯೂ ಧೈರ್ಯಶಾಲಿಯೂ ಆದ ಕೋತಿ. ಪಳಗಿಸಿ, ಆಟ ಆಡಿಸಿ ಮನರಂಜನೆಗೆ ಬಳಸ ಲಾಗುತ್ತದೆ. ವೈದ್ಯಕೀಯ ಹಾಗೂ ಬಾಹ್ಯಾಕಾಶ ಪ್ರಯೋಗಗಳಲ್ಲೂ ಉಪಯೋಗಿಸಿದ್ದಿದೆ

macaque

Transliterate :

ಮಕ್ರೂರ

(ಪ್ರಾ) ಏಡಿ, ಸೀಗಡಿ, ಪ್ರಾನ್ ಮುಂತಾದವನ್ನು ಒಳಗೊಂಡ ರೆಪ್ಟಾಂಷಿಯ ಉಪವಿಭಾಗಕ್ಕೆ ಸೇರಿದ ದಶಪಾದಿ ವಲ್ಕವಂತಗಳ ಒಂದು ಗುಂಪು. ವಿಸ್ತೃತಗೊಂಡ ಉದರ ಹಾಗೂ ಚೆನ್ನಾಗಿ ಅಭಿವರ್ಧನೆಗೊಂಡ ಬಾಲತೋಕೆ ಇವಕ್ಕೆ ಇರುತ್ತವೆ

macrura

Transliterate :

ಮಖಮಲ್ಲು

(ಪ್ರಾ) ಸಾರಂಗದ ವರ್ಧಿಸುತ್ತಿರುವ ಕವಲು ಕೊಂಬನ್ನು ಆವರಿಸಿರುವ ಊತಕ ಪದರಗಳುಳ್ಳ ಚರ್ಮ. (ಸಾ) ಒಂದು ಪಕ್ಕದಲ್ಲಿ ಮೋಟುಮೋಟಾದ ದಟ್ಟವಾದ ತುಪ್ಪುಳ ಜುಂಗು ಇರುವ, ಒತ್ತಾಗಿ ಹೆಣೆದ ನುಣುಪಾದ ಹೊಳಪುಳ್ಳ ಬಟ್ಟೆಯ ಜಾತಿ

velvet

Transliterate :

ಮಂಗ

(ಪ್ರಾ) ಪ್ರೈಮೇಟ್ ಗಣಕ್ಕೆ ಸೇರಿದ ಸಾಮಾನ್ಯವಾಗಿ ವೃಕ್ಷವಾಸಿಯಾದ ಬಾಲವುಳ್ಳ ಪ್ರಾಣಿ. ಪ್ರಾಚೀನ ಹಾಗೂ ನವ ಪ್ರಪಂಚದ ಉದ್ದ ಬಾಲದ ಪ್ರಾಣಿಗಳಿಗೂ ಮ್ಯಾರ್ಮಸೆಟ್ ಗಳಿಗೂ ಆಗ್ನೇಯ ಏಷ್ಯ, ಜಪಾನ್, ಜಿಬ್ರಾಲ್ಟರ ಹಾಗೂ ಉತ್ತರ ಆಫ್ರಿಕದ ಮೋಟುಬಾಲದ ಪ್ರಾಣಿಗಳಿಗೂ ಈ ಹೆಸರು ಅನ್ವಯವಾಗುತ್ತದೆ. ಕೋತಿ

monkey

Transliterate :

ಮಂಗನ ಬಾವು

(ವೈ) ಕುತ್ತಿಗೆಯಲ್ಲಿ ಕರ್ಣೋಪಾಂತ ಗ್ರಂಥಿಗಳೂ ಲಾಲಾ ಗ್ರಂಥಿಗಳೂ ಊದಿಕೊಂಡು ನೋವು ಉಂಟುಮಾಡುವ ಒಂದು ತೀವ್ರತರ ಸಾಂಕ್ರಾಮಿಕ ಜಾಡ್ಯ

mumps

Transliterate :

ಮಗುತನ

(ಮ) ವ್ಯಕ್ತಿಯ ಅಭಿವರ್ಧನೆಯಲ್ಲಿ ಎರಡನೆಯ ಹಂತ. ವಯೋಮಿತಿ ಸುಮಾರು ೧-೫ ವರ್ಷ

childhood

Transliterate :

ಮಗ್ಗ

(ತಂ) ನೂಲಿನಿಂದ ಬಟ್ಟೆಯನ್ನು ನೇಯುವಯಂತ್ರ. ಇದರಲ್ಲಿ ‘ಹಾಸು’ ಹಾಗೂ ‘ಹೊಕ್ಕು’ ಎಂಬ ಎರಡು ಸೆಟ್ ದಾರಗಳಿರುತ್ತವೆ. ‘ಹೊಕ್ಕು’ ದಾರ ವನ್ನು ‘ಹಾಸು’ ದಾರದ ಮೇಲೆ ಅತ್ತಿಂದಿತ್ತ ಒಯ್ಯುತ್ತ ಲಾಳಿಯು ಹಾಸು-ಹೊಕ್ಕುಗಳನ್ನು ಪರಸ್ಪರ ಹೆಣೆದು ವಸ್ತ್ರವನ್ನು ತಯಾರಿಸುತ್ತದೆ

loom

Transliterate :

<< First << Prev < 1 2 3 4 5 6 7 8 9 10 11 12 13 14 15 16 17 18 19 20 21 ........65 > Next >> Last >>