Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Navakarnataka Vijnana Tantrajnana Padasampada (2011)

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಱ ಲ ಳ ವ ಶ ಷ ಸ ಹ

Please click here to read PDF file Navakarnataka Vijnana Tantrajnana Padasampada (2011)

ಈಕ್ವಟೋರಿಯಲ್ ಟೆಲಿಸ್ಕೋಪ್

(ಖ) ಭೂ ಅಕ್ಷಕ್ಕೆ ಸಮಾಂತರವಾದ ಅಕ್ಷದ ಮೇಲೆ, ವಿಷುವದ್ ವೃತ್ತಕ್ಕೆ ಲಂಬವಾಗಿ ಎರಡೂ ದಿಕ್ಕುಗಳಲ್ಲಿ ಸುತ್ತುವಂತೆ ಅಳವಡಿಸಿರುವ, ಈ ದಿಕ್ಕುಗಳನ್ನು ಓದಲು ಸಾಧ್ಯ ಮಾಡಿ ಕೊಡುವಂಥ ಅಳತೆ ಪಟ್ಟಿಗಳು ಇರುವ, ದೂರದರ್ಶಕ. ಇದರಿಂದ ಉದ್ದಿಷ್ಟ ನಕ್ಷತ್ರವನ್ನು ದೀರ್ಘಕಾಲ ಯಾವುದೇ ತಿದ್ದುಪಾಟಿಲ್ಲದೆ ವೀಕ್ಷಿಸ ಬಹುದು. ವಿಷುವದ್ದೂರದರ್ಶಕ

equatorial telescope

Transliterate :

ಈಗ್ರೆಟ್

(ಪ್ರಾ) ಸಿಕೋನೈಯಿಫಾರ್ಮೀಸ್ ಗಣದ ಆರ್ಡಯಿಡೀ ಕುಟುಂಬಕ್ಕೆ ಸೇರಿದ ಹಲವಾರು ಜಾತಿ ಹಕ್ಕಿಗಳ ಸಾಮಾನ್ಯ ಹೆಸರು ಬೆಳ್ಳಕ್ಕಿ. ಅಚ್ಚ ಬಿಳಿ ಬಣ್ಣದ ಹಕ್ಕಿಗಳಿವು. ಸಂತಾನ ವೃದ್ಧಿಯ ಕಾಲದಲ್ಲಿ ಕೆಲವು ಗರಿಗಳು ಉದ್ದವಾಗುತ್ತವೆ

egret

Transliterate :

ಈಜುರೆಕ್ಕೆ

(ಪ್ರಾ) ಈಜಲು, ಸಮತೋಲ ಏರ್ಪಡಿಸಿಕೊಳ್ಳಲು ಮತ್ತು ದಿಕ್ಕು ಬದಲಿಸಲು ಅನುಕೂಲಿಸುವಂತೆ ಮೀನು ಮತ್ತಿತರ ಜಲಚರ ಪ್ರಾಣಿಗಳ ಒಡಲಿನ ವಿವಿಧ ಭಾಗಗಳಲ್ಲಿ ಬೆಳೆದಿರುವ ತೆಳು ಚಪ್ಪಟೆಯಾದ ಅಂಗಭಾಗವೇ ಈಜುರೆಕ್ಕೆ

fin

Transliterate :

ಈಟಿಗಾಳ

(ತಂ) ಮೀನು, ತಿಮಿಂಗಿಲ ಮುಂತಾದ ಜಲಚರಗಳ ಬೇಟೆಗೆ ಪೂರ್ವಶಿಲಾಯುಗದ ಮ್ಯಾಗ್ಡಲೀನಿಯನ್ ಸಂಸ್ಕೃತಿಯಲ್ಲಿ ಹೆಚ್ಚಾಗಿ ಬಳಕೆಯಲ್ಲಿದ್ದ ಹಗ್ಗ ಕಟ್ಟಿದ ಈಟಿಯಂಥ ಎಸೆಸಾಧನ. ಪ್ರಾಣಿಗಳ ಮೂಳೆ ಅಥವಾ ಜಿಂಕೆಯ ಕೊಂಬಿನಿಂದ ಮಾಡಿದುದು. ಭಾರತದಲ್ಲಿ ಕ್ರಿಪೂ ೨ನೆಯ ಸಹಸ್ರಮಾನದ ಅಂತ್ಯದಲ್ಲಿ ಗಂಗಾನದೀ ಬಯಲಿನ ತಾಮ್ರ ಯುಗೀನ ಸಂಸ್ಕೃತಿಯಲ್ಲಿ ಕಂಡುಬರುತ್ತದೆ. ಹಾರ್ಪೂನ್

harpoon

Transliterate :

ಈಡುಗಾರ ಮೀನು

(ಪ್ರಾ) ಪರ್ಸಿಫಾರ್ಮೀಸ್ ಗಣ, ಟಾಕ್ಸೂಟಿಡೀ ಕುಟುಂಬಕ್ಕೆ ಸೇರಿದ ಸಿಹಿನೀರ ಮೀನು. ಕೀಟಗಳನ್ನು ಸೆರೆಹಿಡಿಯಲು ಇದು ಬಾಯಿ ಯಿಂದ ನೀರಿನ ಧಾರೆಯನ್ನು ಅಂಬಿನಂತೆ ಚಿಮ್ಮಿಸುತ್ತದೆ. ಇಂತಹ ಮೀನು ಇಂಡೋನೇಷ್ಯದಲ್ಲಿ ಕಂಡುಬರುತ್ತದೆ. ಬಿಲ್ಲು ಮೀನು

archer fish

Transliterate :

ಈಥರ್

(ರ) C2H5.O.C2H5 ಎರಡು ಹೈಡ್ರೊಕಾರ್ಬನ್ ಗುಂಪುಗಳು ಒಂದು ಆಕ್ಸಿಜನ್ ಪರಮಾಣುವಿನೊಂದಿಗೆ R-O-R| ಎಂಬ ಸಾಮಾನ್ಯ ಸೂತ್ರಕ್ಕನುಗುಣವಾಗಿ ರಚನೆಗೊಂಡ ಆರ್ಗ್ಯಾನಿಕ್ ಸಂಯುಕ್ತ ವಸ್ತು. ಮಧುರ ವಾಸನೆಯ ನಿರ್ವರ್ಣ ದ್ರವ. ಅರಿವಳಿಕೆಯಾಗಿ ಬಳಕೆ (ಭೌ) ವಿದ್ಯುತ್ಕಾಂತ ವಿಕಿರಣ ಸಾಗಣೆಗೆ ಅವಶ್ಯವೆಂದು ಒಮ್ಮೆ ಭಾವಿಸಲಾಗಿದ್ದ ಮಾಧ್ಯಮ. ನಿರಪೇಕ್ಷ ವ್ಯೋಮ ದಲ್ಲಿ (ಸ್ಪೇಸ್) ಈಥರ್ ವಿಶ್ರಾಂತಸ್ಥಿತಿಯಲ್ಲಿರುತ್ತದೆಂಬ ನಂಬಿಕೆ ಅನವಶ್ಯವೆಂದು ವಿಶೇಷ ಸಾಪೇಕ್ಷತಾ ಸಿದ್ಧಾಂತ ಸ್ಥಾಪಿಸಿತು (೧೯೦೫)

ether

Transliterate :

ಈಥೇನ್

(ರ) C2H6. ವರ್ಣ ಮತ್ತು ವಾಸನೆಯಿಲ್ಲದ ಅನಿಲ ರೂಪದ ಹೈಡ್ರೊಕಾರ್ಬನ್. ನೀರಿನಲ್ಲಿ ಅವಿಲೇಯ. ಆಲ್ಕೇನ್ ಶ್ರೇಣಿಯ ದ್ವಿತೀಯ ಸದಸ್ಯ. ಕುಬಿಂ -೮೮0ಸೆ. ದ್ರಬಿಂ -೧೮೩0ಸೆ. ನೈಸರ್ಗಿಕ ಅನಿಲದಲ್ಲಿ ದೊರೆಯುತ್ತದೆ. ತೆಳುವರ್ಣದ ಜ್ವಾಲೆ ಯೊಂದಿಗೆ ಉರಿಯುತ್ತದೆ

ethane

Transliterate :

ಈಥೈಲ್

(ರ) C2H5- ರ‍್ಯಾಡಿಕಲ್ ಇರುವಿಕೆಯ ಸೂಚಕ ನಾಮ

ethyl

Transliterate :

ಈಥೈಲ್ ಆಲ್ಕಹಾಲ್

(ರ) C2H5OH. ಮದ್ಯ ತಯಾರಿಕೆಯಲ್ಲಿ ಬಳಕೆಯಾಗುವ ಸಂಯುಕ್ತ. ಇದನ್ನು ಅಪ್ಪಟ ಆಲ್ಕಹಾಲ್ ಎಂದು ಕರೆಯಲಾಗುತ್ತದೆ. ಶೇ. ೪.೩ ನೀರು ಇರುವ ಆಲ್ಕಹಾಲನ್ನು ಆಸವಿತ ಆಲ್ಕಹಾಲ್ ಎಂದು ಕರೆಯುತ್ತಾರೆ

ethyl alcohol

Transliterate :

ಈಪಾಕ್ಸಿ ರಾಳಗಳು

(ರ) ಉಷ್ಣಭದ್ರ ರಾಳಗಳು. ಬಿಸ್‌ಫಿನಾಲ್‌ನಂಥ ಪಾಲಿಹೈಡ್ರಿಕ್ ಸಂಯುಕ್ತಗಳು ಎಪಿ ಕ್ಲೋರೋ ಹೈಡ್ರಿನ್‌ನೊಂದಿಗೆ ಕ್ರಿಯಾವರ್ಧಕದ ಸಮ್ಮುಖದಲ್ಲಿ ವರ್ತಿಸಿದಾಗ ದೊರೆಯುವ ರಾಳಗಳು ವಿದ್ಯುದುಪಕರಣಗಳಲ್ಲಿ ಬಳಕೆ

epoxy resins

Transliterate :

<< First << Prev < 1 ........2 > Next >> Last >>