(ಭೂವಿ) ಅಗ್ನಿಶಿಲೆಗಳಲ್ಲಿ ನಸುಬಣ್ಣ ಸೂಚಿಸಲು ಬಳಸುವ ಪದ. ಫೆಲ್ಸಿಕ್ ಖನಿಜಗಳು ಅಧಿಕವಾಗಿ ಇರುವುದರಿಂದಲೂ ಗಾಢ ಮತ್ತು ಭಾರ ಸಿಲಿಕೇಟ್ಗಳು ಅಲ್ಪ ಪ್ರಮಾಣಗಳಲ್ಲಿರುವುದರಿಂದಲೂ ಅಗ್ನಿಶಿಲೆಗಳಲ್ಲಿ ಇಂಥ ನಸು ಬಣ್ಣ ಮೈದಳೆಯುತ್ತದೆ
leucocratic
ಲ್ಯೂಕೊಟಮಿ
(ವೈ) ಮಿದುಳಿನ ಮುಂಭಾಗದ ಹಾಲೆಗಳು ಮತ್ತು ನರಹೊರಡುವ ಸ್ಥಳ ಇವುಗಳ ನಡುವೆ ಇರುವ ತಂತು ಬಂಧವನ್ನು ಶಸ್ತ್ರಕ್ರಿಯೆಯಿಂದ ಛೇದಿಸುವುದು. ತೀವ್ರವಾದ ಷಿ(ಸ್ಕಿ)ಜೊಫ್ರೇನಿಯ ಮತ್ತು ಹುಚ್ಚು ಖಿನ್ನತೆಯನ್ನು ಶಮನ ಗೊಳಿಸಲು ಕೆಲವೊಮ್ಮೆ ಈ ಚಿಕಿತ್ಸೆ ಮಾಡಲಾಗುತ್ತಿತ್ತು. ಇಂಥ ಶಸ್ತ್ರಚಿಕಿತ್ಸೆಯ ನಂತರ ರೋಗಿಯು ಪ್ರಸನ್ನತಾಭಾವ ಪಡೆದು ಉಲ್ಲಾಸಯುತನಾದರೂ ಅವನ ಕೆಲವೊಂದು ಉಚ್ಚ ಮಾನಸಿಕ ಶಕ್ತಿಗಳು ಲೋಪಗೊಳ್ಳುತ್ತವೆ. ಹಾಗಾಗಿ ಇಂತಹ ಶಸ್ತ್ರಚಿಕಿತ್ಸೆ ಈಗ ಹೆಚ್ಚು ಬಳಕೆಯಲ್ಲಿಲ್ಲ. ಮಿದುಳು ಶಸ್ತ್ರಚಿಕಿತ್ಸೆ
leucotomy
ಲ್ಯೂಕೊಸಂಯುಕ್ತ
(ರ) ಬಣ್ಣಗಳ ಅಪಕರ್ಷಣೆಯಿಂದ ರೂಪುಗೊಳ್ಳುವಂಥ ವರ್ಣರಹಿತವಾದ ಸಂಯುಕ್ತಗಳು. ಇವು ಉತ್ಕರ್ಷಣೆಗೊಂಡಾಗ ಮತ್ತೆ ಬಣ್ಣಗಳಾಗಿ ಪರಿವರ್ತನೆಗೊಳ್ಳುತ್ತವೆ
leuco compound
ಲ್ಯೂಪಸ್
(ವೈ) ಚರ್ಮದ ಮೇಲೆ ಹುಣ್ಣುಗಳಾಗುವ ಒಂದು ಬಗೆಯ ಚರ್ಮರೋಗ. ಚರ್ಮಕ್ಷಯ
lupus
ಲ್ಯೂಮೆನ್
(ಭೌ) ೧ ಕ್ಯಾಂಡೆಲಾ ತೀವ್ರತೆಯ ಏಕರೂಪ ಬಿಂದು ಆಕರ ಏಕಮಾನ ಘನಕೋನದಲ್ಲಿ (೧ ಸ್ಟೆರೆಡಿಯನ್) ೧ ಸೆಕೆಂಡಿಗೆ ಉತ್ಸರ್ಜಿಸುವ ಬೆಳಕಿನ ಪ್ರಮಾಣ. ಪ್ರತೀಕ lm. (ಸ) ವಿಶೇಷವಾಗಿ ಕೋಶದಲ್ಲಿ ಮೂಲ ದ್ರವ್ಯವಿಲ್ಲದಾಗ ಭಿತ್ತಿಗಳ ಒಳಗಿನ ಪ್ರದೇಶ. (ಪ್ರಾ) ನಾಳ ಅಥವಾ ನಾಳೀಯ ಆಕಾರದ ಅಂಗದ ಒಳಗಿನ ಪೊಳ್ಳು
lumen
ಲ್ಯೂಸಿನ್
(ರ) C6H13O2N. ಹಾಲಿನಂಥ ಪ್ರೋಟೀನ್ ಯುಕ್ತ ಪದಾರ್ಥಗಳ ಜಲವಿಭಜನೆಯಿಂದಾಗುವ ಅಮೀನೊ ಆಮ್ಲ. ಪ್ರತೀಕ Leu ನೋಡಿ: ಅಮೀನೊ ಆಮ್ಲಗಳು