(ರ) ಕಬ್ಬಿಣದ ಒಂದು ಖನಿಜ. Fe2O3.H2O. ಇದು FeCO3 ಮತ್ತು Fe3O4 ಮೇಲೆ ನೈಸರ್ಗಿಕ ಪ್ರಕ್ರಿಯೆಗಳು ವರ್ತಿಸುವುದರ ಫಲವಾಗಿ ಮೈದಳೆಯುತ್ತದೆ. ವಿವಿಧ ರೂಪಗಳನ್ನು ತಳೆಯುತ್ತದೆ. ಸಾಧಾರಣವಾಗಿ ಕಪ್ಪು ಕಂದು ಅಥವಾ ಹಳದಿ ಬಣ್ಣದ್ದು
limonite
ಲಿಮ್ನಾಲಜಿ
(ಪವಿ) ಸರೋವರ, ಕೊಳ ಹಾಗೂ ತೊರೆ ಮುಂತಾದ ಸಿಹಿನೀರಿನ ಆಕರಗಳ ವೈಜ್ಞಾನಿಕ ಅಧ್ಯಯನ. ಈ ವೈಜ್ಞಾನಿಕ ಅಧ್ಯಯನದಲ್ಲಿ ಈ ಆಕರಗಳಲ್ಲಿ ಜೀವಿಸುವ ಜೀವಿಗಳ ಮತ್ತು ಸಸ್ಯಗಳ ಜೈವಿಕ, ರಾಸಾಯನಿಕ, ಭೌತಿಕ ಗುಣಲಕ್ಷಣಗಳನ್ನೂ ಅಭ್ಯಸಿಸಲಾಗುತ್ತದೆ
limnology
ಲಿಯಾನ
(ಸ) ಉಷ್ಣವಲಯದ ಕಾಡುಗಳಲ್ಲಿ ಇತರ ಮರಗಳ ಮೇಲೆ ಹಬ್ಬಿಕೊಳ್ಳುವ, ದಾರುಮಯವಾದ ಅನೇಕ ಬಗೆಯ ಬಳ್ಳಿ ಅಥವಾ ಲತೆಗಳಲ್ಲಿ ಒಂದು
liana
ಲಿಯೊಂಟಿಯಾಸಿಸ್ ಆಸ್ಸಿಯ
(ವೈ) ಮುಖದ ಮೂಳೆಗಳ ಅಧಿಕ ಬೆಳವಣಿಗೆಯ ಕಾರಣ ಮುಖ ಸಿಂಹದಂತೆ ಕಾಣುವ ಅಪರೂಪದ ಅಸಹಜ ಸ್ಥಿತಿ. ಪ್ಯಾರಾಥೈರಾಯ್ಡ್ನ ಅತಿ ಚಟುವಟಿಕೆ, ಪೆಜೆಟ್ ರೋಗ ಹಾಗೂ ಇತರ ಕೆಲವು ಸ್ಥಿತಿಗಳಲ್ಲಿ ಇದು ಕಂಡುಬರಬಹುದು. ಸಿಂಹಮುಖಿ
leontiasis ossiea
ಲಿಯೊನಿಡ್ಗಳು
(ಖ) ಸಿಂಹರಾಶಿಯಿಂದ ಉಗಮಿಸುವಂತೆ ಭಾಸವಾಗುವ ಉಲ್ಕೆಗಳ ಸಮೂಹ. ಇವು ನವಂಬರ್ ೧೦ ಹಾಗೂ ೧೫ರ ನಡುವೆ ಗೋಚರಿಸುತ್ತವೆ
leonids
ಲಿಯೊಸಿಸ್ಟೋಸಿಸ್
(ಪ್ರಾ) ಕೀಟ ರೂಪಾಂತರದಲ್ಲಿ ಆಗುವಂತೆ ಊತಕದಲ್ಲಿ ಹೊರಗೆ ಸ್ರವಿಸಿದ ಕಿಣ್ವಗಳ ಕ್ರಿಯೆ ಯಿಂದಾಗಿ ಜರಗುವ ಊತಕ ವಿಭಜನೆ
lyocystosis
ಲಿಲಿ
(ಸ) ಲಿಲಿಯೇಸೀ ಕುಟುಂಬಕ್ಕೆ ಸೇರಿದ ಲಿಲಿಯಮ್ ಜಾತಿಗೆ ಸೇರಿದ ಯಾವುದೇ ಗಿಡ ಅಥವಾ ಹೂ. ತೆಳು ಉದ್ದ ದಂಟಿನ ತುದಿಯಲ್ಲಿ ತುತ್ತೂರಿ ಆಕಾರದ ಬಿಳಿ ಕೆಂಪು ಅಥವಾ ಧೂಮ್ರ ಛಾಯೆಯ ಅಂದವಾದ ದೊಡ್ಡ ಹೂ ಬಿಡುವ ಗಡ್ಡೆ ಬೇರಿನ ಯಾವುದೇ ಸಸ್ಯ. ಮಡೋನಾ ಲಿಲಿ, ಟೈಗರ್ ಲಿಲಿ ಇದರ ಕೆಲವು ಪ್ರಭೇದಗಳು. ನೆಲ ನೈದಿಲೆ. ಸ್ಥಲ ಕುವಲಯ
lily
ಲೀನವಾಗು
(ರ) ನೋಡಿ: ವಿಲೀನಿಸು
dissolve
ಲೀಮರ್
(ಪ್ರಾ) ಪ್ರೈಮೇಟ್ ಗಣದ ಲೀಮರಿಡೀ ಕುಟುಂಬಕ್ಕೆ ಸೇರಿದ ವೃಕ್ಷವಾಸಿ ಪ್ರಾಣಿಗಳ ಸಾಮಾನ್ಯ ಹೆಸರು. ಮಡಗಾಸ್ಕರ್ ಮತ್ತು ಹತ್ತಿರದ ದ್ವೀಪಗಳ ನಿವಾಸಿಗಳು. ಉದ್ದ ಬಾಲ, ಮೃದು ತುಪ್ಪಳ, ದೊಡ್ಡ ಕಣ್ಣು ಇವುಗಳ ಮುಖ್ಯ ಲಕ್ಷಣ. ಕೆಲವು ನಿಶಾಚರಿಗಳು
lemur
ಲುಪ್ತ
(ಜೀ) ಹಿಂದಿನ ಹಂತಗಳಲ್ಲಿ ಇದ್ದುದಕ್ಕಿಂತ ಅಥವಾ ಅದೇ ಕುಲದ ಇತರ ಪ್ರಾಣಿಗಳಲ್ಲಿ ಇರುವುದಕ್ಕಿಂತ, ಕಡಿಮೆ ವಿಕಾಸವಾಗಿರುವ. ಹಳತಾಗಿ ಹೋದ