(ಭೌ) (ಬಲ ಅಥವಾ ಬಲಯುಗ್ಮದ) ಭ್ರಮಣ ಪ್ರಮಾಣ. ಬಿಂದುವೊಂದರಲ್ಲಿ ಬಲದ ಮಹತ್ತ್ವ = ಬಲ ´ನಿಗದಿತ ಬಿಂದುವಿನಿಂದ ಬಲದ ಕ್ರಿಯಾರೇಖೆಗಿರುವ ಲಂಬದೂರ; ಬಲ ಯುಗ್ಮದ ಮಹತ್ತ್ವ = ಬಲ´ ಬಲಗಳ ನಡುವಿನ ಲಂಬದೂರ
moment
ಮಹಾ ಏಕೀಕೃತ ಸಿದ್ಧಾಂತ
(ಭೌ) ನಾಲ್ಕು ಮೂಲಬಲಗಳನ್ನು ಏಕೈಕ ಬಲವಾಗಿ ವ್ಯಕ್ತಪಡಿಸಿ ವಿಶ್ವದ ಮೂಲಕಣ ಗಳನ್ನು ವಿವರಿಸುವ ಸಿದ್ಧಾಂತ. ನೋಡಿ: ಏಕೀಕೃತ ಕ್ಷೇತ್ರ ಸಿದ್ಧಾಂತ
grand unified theory
ಮಹಾ ಹಿಮಯುಗ
(ಭೂವಿ) ಭೂಮಿಯ ಇತಿಹಾಸದಲ್ಲಿ ಟರ್ಷಿಯರಿ ಅನಂತರದ ಪ್ಲಯಿಸ್ಟೊಸೀನ್ ಕಾಲಾವಧಿ. ಉತ್ತರ ಗೋಳಾರ್ಧದಲ್ಲಿ ಈಗಿರುವುದಕ್ಕಿಂತ ಹೆಚ್ಚಿನ ಭೂ ಭಾಗಗಳು ಹಿಮದಿಂದ ಆವೃತವಾಗಿದ್ದ ಕೊನೆಯ ೨೦ ಲಕ್ಷ ವರ್ಷಗಳ ಕಾಲಾವಧಿ
great ice age
ಮಹಾಗನಿ
(ಸ) ಮೀಲಿಯೇಸೀ ಕುಟುಂಬದ ಉಷ್ಣ ವಲಯದ ಕೆಂಪು-ಕಂದು ಮಿಶ್ರಿತ ಚೌಬೀನೆ ಮರ. ಸ್ವೈಟೀನಿಯ ಮ್ಯಾಕ್ರೊಫಿಲ್ಲ ವೈಜ್ಞಾನಿಕ ನಾಮ. ಮಧ್ಯ ಅಮೆರಿಕ ಸಸ್ಯ. ಪೀಠೋಪಕರಣ ತಯಾರಿಕೆಯಲ್ಲಿ ಬಳಕೆ. ಬೇವುಡ್
mahagony
ಮಹಾಧಮನಿ ಪದರ ಬೇರ್ಪಡೆ
(ವೈ) ಹೃದಯದಿಂದ ಹೊರಡುವ ಮಹಾಧಮನಿಯು ದೇಹದ ಎಲ್ಲ ಭಾಗ ಗಳಿಗೂ ಆಕ್ಸಿಜನ್ಭರಿತ ರಕ್ತವನ್ನು ಪೂರೈಸುತ್ತದೆ. ಈ ಧಮನಿಯು ಮೂರು ಪದರಗಳನ್ನು ಹೊಂದಿರುತ್ತದೆ. ಅಪರೂಪಕ್ಕೆ ಈ ಪದರಗಳು, ಒಂದು ಪ್ಲೈವುಡ್ ಹಲಗೆಯನ್ನು ಮಳೆಯಲ್ಲಿ ನೆನೆಯಲು ಬಿಟ್ಟರೆ ಅದರ ಪದರಗಳೆಲ್ಲಾ ಹೇಗೆ ಬೇರ್ಪಡುತ್ತವೆಯೋ ಹಾಗೆ ಬೇರ್ಪಡ ಬಹುದು. ಇದೊಂದು ಜೀವಕ್ಕೆ ಅಪಾಯಕಾರಿಯಾಗಬಹುದಾದ ಸ್ಥಿತಿ. ಆಗ ತುರ್ತು ಶಸ್ತ್ರಚಿಕಿತ್ಸೆ ಅಗತ್ಯವಾಗುತ್ತದೆ. ಅನಿಯಂತ್ರಿತ ಅತಿ ರಕ್ತದೊತ್ತಡ, ಮಾರ್ಫನ್ ಲಕ್ಷಣಾವಳಿ, ಸಿಫಿಲಿಸ್ಗ್ರಸ್ತ ಮಹಾಧಮನಿ ಇಂತಹ ಪ್ರಸಂಗಗಳಲ್ಲಿ ಈ ಸ್ಥಿತಿ ತಲೆದೋರಬಹುದು
aortic dissection
ಮಹಾಭಕ್ಷಿ
(ಪ್ರಾ) ದೊಡ್ಡ ಆಹಾರ ಕಣಗಳನ್ನು ತಿನ್ನುವ (ಜೀವಿ)
macrophagous
ಮಹಾವೃತ್ತ
(ಖ) ಗೋಳಕೇಂದ್ರದ ಮೂಲಕ ಹಾಯುವ ಸಮತಲದಿಂದ ಗೋಳವನ್ನು ಛೇದಿಸಿದಾಗ ದೊರೆಯುವ ವೃತ್ತ. ಗೋಳ ಕೇಂದ್ರವೇ ಇದರ ಕೇಂದ್ರ ಆಗಿರುತ್ತದೆ. ತ್ರಿಜ್ಯವೂ ಸಹ ಹಾಗೆಯೇ ಆಗಿರುತ್ತದೆ. ಕೇಂದ್ರದ ಮುಖಾಂತರ ಸಮತಲವು ಸಾಗಿಹೋಗಲು ಆಗದಾಗ ದೊರೆಯುವ ಗೋಳಛೇದಕ್ಕೆ ಅಲ್ಪವೃತ್ತ (ನೋಡಿ) ಎಂದು ಹೆಸರು
great circle
ಮಹಾಸಂಕುಚಿತ
(ಖ) ವ್ಯಾಕೋಚಿಸುತ್ತಿರುವ ವಿಶ್ವದಲ್ಲಿ ಅಗತ್ಯವಿರುವಷ್ಟು ದ್ರವ್ಯ ಇದ್ದಲ್ಲಿ, ಮುಂದೊಮ್ಮೆ ವ್ಯಾಕೋಚನೆ ಸ್ಥಗಿತವಾಗಿ ಇಡೀ ವಿಶ್ವ ಕುಸಿತಗೊಂಡು ಮತ್ತೆ ಮೊದಲಿನ ಸ್ಥಿತಿಯತ್ತ ಸಂಕುಚಿತಗೊಳ್ಳಬಹುದೆಂಬ ಊಹೆ
big crunch
ಮಹಾಸಿರೆ
(ವೈ) ದೇಹದ ಅಗ್ರ ಮತ್ತು ಪಶ್ಚ ಭಾಗ ಗಳಿಂದ ಆಕ್ಸಿಜನ್ ಪೂರ್ಣ ಪೂರೈಕೆಯಾಗಿರದ ರಕ್ತವನ್ನು ಹೃದಯಕ್ಕೆ ಸಾಗಿಸುವ ಎರಡು ಪ್ರಧಾನ ಸಿರೆಗಳಲ್ಲೊಂದು. ಅಗ್ರ ಮಹಾಸಿರೆಯು ತಲೆ ಮತ್ತು ಕತ್ತಿನಿಂದ ಬಲಹೃತ್ಕರ್ಣಕ್ಕೆ ರಕ್ತವನ್ನು ಒಯ್ದರೆ ಪಶ್ಚ ಮಹಾಸಿರೆಯು ಸೊಂಟ ಮತ್ತು ಹಿಂಬದಿ ಅಂಗಗಳಿಂದ ರಕ್ತವನ್ನು ಹೊರಹರಿಸುತ್ತದೆ. ಮಹಾಭಿಧಮನಿ