Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Navakarnataka Vijnana Tantrajnana Padasampada (2011)

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಱ ಲ ಳ ವ ಶ ಷ ಸ ಹ

Please click here to read PDF file Navakarnataka Vijnana Tantrajnana Padasampada (2011)

ಚಲ ತರಂಗ

(ಭೌ) ಮಾಧ್ಯಮದ ಒಂದು ಭಾಗದಿಂದ ಇನ್ನೊಂದಕ್ಕೆ ಶಕ್ತಿ ಸಾಗಿಸುವ ಅಲೆ. ಸ್ಥಿರ ಅಲೆಗೆ ವಿರುದ್ಧ

travelling wave

Transliterate :

ಚಲಚ್ಚಿತ್ರ

(ತಂ) ವಿಶೇಷ ಉಪಕರಣ ವೊಂದರಿಂದ ತೆಗೆದ, ಒಂದರ ನಂತರ ಮತ್ತೊಂದರಂತೆ ತ್ವರಿತ ಗತಿಯಲ್ಲಿ ನೋಡಿದಾಗ ನಿರಂತರತೆಯ ಹಾಗೂ ಚಲನೆಯ ಭಾವನೆ ಮೂಡಿಸುವ, ಛಾಯಾಚಿತ್ರಗಳ ಸರಣಿ. ಯಾವುದೇ ವಿಷಯಕ್ಕೆ ಹೊಂದಿಸಿ ರಚಿಸಿದ ಚಿತ್ರಗಳ ಸಂಪೂರ್ಣ ಒಳಸಾರ. ಸಿನಿಮಾ. ಚಲನಚಿತ್ರ

motion picture

Transliterate :

ಚಲನ ಅಸ್ವಸ್ಥತೆ

(ವೈ) ವೇಗೋತ್ಕರ್ಷದಲ್ಲಿ ಹಠಾತ್ತಾಗಿ ಏರುಪೇರಾದಾಗ ಮಾವನ ಶರೀರದಲ್ಲಿ ತೋರುವ ಅಸ್ವಸ್ಥತೆ, ಸಾಮಾನ್ಯವಾಗಿ ಹಡಗು/ವಿಮಾನ/ವಾಹನಗಳಲ್ಲಿ ಚಲಿಸುವಾಗ ಇದರ ಅನುಭವವಾಗುತ್ತದೆ. ಬೆವರಿಕೆ, ಬಾಯಿ ಒಣಗುವುದು, ಮಂಪರು ಮತ್ತು ವಾಂತಿ ಇದರ ಲಕ್ಷಣಗಳು

motion sickness

Transliterate :

ಚಲನ ನಿಯಮಗಳು

(ಭೌ) ಐಸಾಕ್ ನ್ಯೂಟನ್ (೧೬೪೨-೧೭೨೭) ೧೬೮೭ರಲ್ಲಿ ಮಂಡಿಸಿದ ಭೌತ ಚಲನ ನಿಯಮಗಳು ಮೂರು: ೧. ಬಾಹ್ಯಬಲ ಪ್ರಯೋಗವಾದ ವಿನಾ ಪ್ರತಿಯೊಂದು ಕಾಯವೂ ನಿಶ್ಚಲ ಸ್ಥಿತಿಯಲ್ಲಿಯೇ ಇರುವುದು ಅಥವಾ ಸರಳರೇಖೆಯ ನೇರ ಏಕರೀತಿ ಚಲನೆಯಲ್ಲಿ ಮುಂದುವರಿಯುತ್ತ ಇರುವುದು. ೨. ಸಂವೇಗದ ದರದಲ್ಲಿಯ ವ್ಯತ್ಯಯವು, ಪ್ರಯೋಗಿಸಿದ ಬಲಕ್ಕೆ ಅನುಪಾತೀಯ ಮತ್ತು ಬಲದ ದಿಶೆಯಲ್ಲಿ ಸಂಭವಿಸುವುದು. ೩. ಕ್ರಿಯೆ ಮತ್ತು ಪ್ರತಿಕ್ರಿಯೆ ಸಮ ಮತ್ತು ವಿರುದ್ಧ. ಅಂದರೆ, ಎರಡು ಕಾಯಗಳು ಪರಸ್ಪರ ಅಂತರವರ್ತಿಸುವಾಗ ಮೊದಲನೆಯದು ಎರಡನೆಯದರ ಮೇಲೆ ಪ್ರಯೋಗಿಸುವ ಬಲ ಎರಡನೆಯದು ಮೊದಲನೆಯದರ ಮೇಲೆ ಪ್ರಯೋಗಿಸುವ ಬಲಕ್ಕೆ ಸಮವೂ ವಿರುದ್ಧವೂ ಆಗಿರುವುದು

laws of motion

Transliterate :

ಚಲನ ವಿಜ್ಞಾನ

(ಭೌ) ಕಾಯಗಳ ಚಲನೆಗೂ ಅವುಗಳ ರಾಶಿ ಮತ್ತು ಅವುಗಳ ಮೇಲೆ ಪ್ರಯೋಗವಾಗುವ ಬಲಗಳಿಗೂ ಇರುವ ಸಂಬಂಧವನ್ನು ಕುರಿತ ಭೌತವಿಜ್ಞಾನ ವಿಭಾಗ. ಬಲಗಳು ಕಾಯದ ಚಲನೆಯಲ್ಲಿ ಉಂಟುಮಾಡುವ ಬದಲಾವಣೆಗಳನ್ನು ಅಧ್ಯಯನ ಮಾಡುವ ಭೌತವಿಜ್ಞಾನ ವಿಭಾಗ. (ರ) ರಾಸಾಯನಿಕ ಕ್ರಿಯೆಗಳ ದರಗಳನ್ನು ಅಳೆಯುವ, ಅಧ್ಯಯನ ಮಾಡುವ ಭೌತ-ರಸಾಯನಶಾಸ್ತ್ರ ಶಾಖೆ. ಉಷ್ಣತೆ, ಒತ್ತಡ, ಇತ್ಯಾದಿಗಳ ವಿಭಿನ್ನ ಪರಿಸ್ಥಿತಿಗಳಲ್ಲಿ ರಾಸಾಯನಿಕ ಕ್ರಿಯೆಗಳ ದರಗಳ ಅಧ್ಯಯನ ಮಾಡುವ ಮೂಲಕ ಕ್ರಿಯೆಗಳ ರೀತಿ, ವಿಧಾನಗಳನ್ನು ನಿರ್ಧರಿಸುವುದು ಇದರ ಗುರಿ

kinetics

Transliterate :

ಚಲನ ಶಕ್ತಿ

(ಭೌ) ಚಲನೆಯಿಂದ ಉದ್ಭವಿಸುವ ಶಕ್ತಿ. v ವೇಗದಲ್ಲಿ ಚಲಿಸುತ್ತಿರುವ m ರಾಶಿಯ ಕಣದ ಚಲನಶಕ್ತಿ ½mv2. ಕಾಯದ ರಾಶಿ M ಜಡತಾ ಮಹತ್ತ್ವ Ig, ಗುರುತ್ವ ಕೇಂದ್ರದ ವೇಗ vg ಮತ್ತು ಕೋನೀಯ ವೇಗ w ಆಗಿದ್ದಲ್ಲಿ ಆಗ ಚಲನ ಶಕ್ತಿ Ig w2

kinetic energy

Transliterate :

ಚಲನಶೀಲ

(ಭೌ) ಚಲಿಸಲಾಗುವ; ಚಲಿಸುವಂತೆ ಮಾಡಲಾಗುವ (ಪ್ರಾ) ಒಂದೊಂದೂ ಸ್ವಲ್ಪ ಸ್ವತಂತ್ರ ಚಲನಶಕ್ತಿ ಇರುವ ಒಂದುಗೂಡಿರುವ ಮೂಳೆಗಳ ನಡುವಿನ ಸಂಬಂಧ

movable

Transliterate :

ಚಲನಾವಕಾಶ

(ತಂ) ಯಂತ್ರ ಮೊದಲಾದವುಗಳ ಭಾಗಗಳು ಸಲೀಸಾಗಿ ಚಲಿಸುವಂತೆ ಮಾಡುವುದು. ಪ್ಲೇ

play

Transliterate :

ಚಲನೀಯ

(ತಂ) ಚಲನ ಸ್ವಾತಂತ್ರ್ಯವಿರುವ. ಸ್ಥಳದಿಂದ ಸ್ಥಳಕ್ಕೆ ಸುಲಭವಾಗಿ ಒಯ್ಯಲಾಗುವ. (ಉದಾ: ದೂರವಾಣಿ ಸಾಧನ). ಗತಿಶೀಲ

mobile

Transliterate :

ಚಲನೆ

(ಭೌ) ಕಾಲಕ್ಕೆ ಸಂಬಂಧಿಸಿದಂತೆ ಕಾಯವೊಂದರ ಸ್ಥಾನದ ನಿರಂತರ ಬದಲಾವಣೆ. ಸಾಪೇಕ್ಷ ಚಲನೆಯನ್ನಷ್ಟೆ ಅಳೆಯಲು ಸಾಧ್ಯ. ನಿರಪೇಕ್ಷ ಚಲನೆ ಎಂಬುದು ಅರ್ಥಹೀನ ಪರಿಕಲ್ಪನೆ

motion

Transliterate :

<< First << Prev < 6 7 8 9 10 11 12 13 14 15 16 17 18 ........19 > Next >> Last >>