(ಸಂಕ) ವಿವಿಧ ಮೌಲ್ಯಗಳ ಒಂದು ಗಣದಲ್ಲಿಯ ಆವೃತ್ತಿ ವಿತರಣೆಯನ್ನು ಸೂಚಿಸುವ ಆಯತಾಕಾರದ ಪಟ್ಟಿ. ಇದರಲ್ಲಿ ಗಣದ ಕನಿಷ್ಠ ಮತ್ತು ಗರಿಷ್ಠ ಮೌಲ್ಯಗಳ ಸಾಪೇಕ್ಷ ಸ್ಥಾನಗಳನ್ನೂ ಮಾಧ್ಯಕ ಹಾಗೂ ಚತುರ್ಥಕಗಳ ಸಾಪೇಕ್ಷ ಸ್ಥಾನಗಳನ್ನೂ ಗುರುತಿಸಲಾಗಿರುತ್ತದೆ
box plot
ಆಯಾಮ
(ಗ) ಯಾವುದೇ ನಿರ್ದಿಷ್ಟ ದಿಶೆಯಲ್ಲಿ ವಿಸ್ತರಣ ಸಾಧ್ಯತೆಯ ಸೂಚ್ಯಂಕ. ಚುಕ್ಕಿಗೆ ಇಂಥ ಸಾಧ್ಯತೆ ೦, ಸರಳರೇಖೆಗೆ ೧, ಸಮತಲಕ್ಕೆ ೨, ಘನಾಕೃತಿಗೆ ೩. ಎಂದೇ ಇವುಗಳ ಆಯಾಮಗಳು ಅನುಕ್ರಮವಾಗಿ ೦, ೧, ೨, ೩, ಮೂರರಿಂದ ಆಚೆಗೆ ಭೌತ ಆಯಾಮಗಳಿಲ್ಲ. ಕಾಲವನ್ನು ಸಾಧಾರಣವಾಗಿ ನಾಲ್ಕನೆಯ ಆಯಾಮವೆನ್ನುವುದುಂಟು
dimension
ಆಯಾಸ
(ವೈ) ಯಾವುದೇ ಒಂದು ದೈಹಿಕ ಅಥವಾ ಮಾನಸಿಕ ಚಟುವಟಿಕೆಯ ನಂತರ ಮತ್ತೆ ಮೊದಲಿನ ಪ್ರಮಾಣದಲ್ಲಿ ಚಟುವಟಿಕೆಯನ್ನು ಮಾಡಲಾಗದಂತಹ ಸ್ಥಿತಿ. ಈ ಸ್ಥಿತಿಯಲ್ಲಿ ನಿರುತ್ಸಾಹ, ಜೂಗರಿಕೆ, ಕಿರಿಕಿರಿಗಳು ಕಂಡುಬರಬಹುದು. ಬಳಕೆಯಾದ ಶಕ್ತಿ ಮತ್ತೆ ಕೂಡುವ ಮುನ್ನಿನ ಸ್ಥಿತಿ. ಉದಾ: ಕೆಲಸದ ನಂತರ ಸಾಕಷ್ಟು ಆಹಾರ, ನಿದ್ರೆಗಳು ದೊರೆಯುವುದಕ್ಕೂ ಮುನ್ನಿನ ಸ್ಥಿತಿ. ೨. ಸೂಕ್ತ ಪ್ರಚೋದನೆಯಿಲ್ಲದ ಕಾರಣ ಒಬ್ಬ ವ್ಯಕ್ತಿ ಅನುಭವಿಸಬಹುದಾದ ನಿರುತ್ಸಾಹದ, ಬೇಸರದ, ಏಕತಾನತೆಯ ಸ್ಥಿತಿ. ೩. ಆಯಾಸವು ಕೇವಲ ಒಂದು ಅಂಗಕ್ಕೆ ಮಾತ್ರ ಸೀಮಿತ ವಾಗಿರಬಹುದು. ಉದಾ: ಸತತವಾಗಿ ಕಣ್ಣೀರನ್ನು ಉತ್ಪಾದಿಸಿದ ನಂತರ ದಣಿದ ಅಶ್ರುಗ್ರಂಥಿ. (ತಂ) ಲೋಹಗಳು ಮತ್ತೆ ಮತ್ತೆ ಪೆಟ್ಟಿಗೆ ಸಿಕ್ಕಾಗ ಅದರಲ್ಲಿ ಉಂಟಾಗುವ ದೌರ್ಬಲ್ಯ. ಶ್ರಮಗೆಲಸ
fatigue
ಆಯುಧಶಾಲೆ
(ತಂ) ಪಿಸ್ತೂಲ್, ಬಂದೂಕ ಮೊದಲಾದ ಅಸ್ತ್ರಗಳನ್ನು ತಯಾರಿಸುವ ಸ್ಥಳ. ಶಸ್ತ್ರಾಸ್ತ್ರಗಳನ್ನು ದಾಸ್ತಾನು ಮಾಡುವ ಸ್ಥಳ. ಆಯುಧಗಳ ಉಗ್ರಾಣ, ಶಸ್ತ್ರಾಗಾರ
armoury
ಆಯುರ್ನಿರೀಕ್ಷೆ
(ಸಂಕ) ದತ್ತಗುಂಪಿನ ಜೀವಿಗಳು ಯಾವುದೇ ವಯಸ್ಸು ತಲಪಿದ ಬಳಿಕ, ಮರಣ ಕೋಷ್ಟಕಾನುಸಾರ, ಬದುಕಿರಬಹುದಾದ ವರ್ಷಗಳ ಸರಾಸರಿ
expectation
ಆಯುರ್ನಿರೀಕ್ಷೆ
(ವೈ) ಯಾವುದೇ ವಯಸ್ಸಿನಲ್ಲಿ ಒಬ್ಬ ವ್ಯಕ್ತಿ ಅಲ್ಲಿಂದ ಮುಂದೆ ಎಷ್ಟು ಕಾಲ ಬದುಕಿರಬಹುದು ಎಂಬುದರ ಅಂದಾಜು
life expectancy
ಆಯುಷ್ಯ ಕೋಷ್ಟಕ
(ಸಾ) ಮೊದಲು ಜೀವವಿಮಾ ಕಂಪನಿಗಳು ಯೋಜಿಸಿ ಈಗ ಪರಿಸರ ವಿಜ್ಞಾನಿಗಳು ವನ್ಯಜೀವಿ ಅಧ್ಯಯನದಲ್ಲಿ ಬಳಸುತ್ತಿರುವ ಜನಾಯುರ್ಮಾನ ಪಟ್ಟಿ. ಸರಾಸರಿ ಆಯುಷ್ಯದ ಗಣನಪಟ್ಟಿ. ಆಯುರ್ದಾಯ ಕೋಷ್ಟಕ
life table
ಆರಂಭಕಾರಿ
(ರ) ಸರಣಿ ಕ್ರಿಯೆಯನ್ನು ಪ್ರಾರಂಭಿಸುವ (ಅಭಿಕಾರಕವಲ್ಲದ) ವಸ್ತು ಅಥವಾ ಅಣು. ಪಾಲಿಮರೀಕರಣ (ಬಹುರೂಪೀಕರಣ)ದಲ್ಲಿರುವಂತೆ. ಅಸಿಟಿಲ್ ಪರಾಕ್ಸೈಡ್
initiator
ಆರಿಕ್ ಆಮ್ಲ
(ರ) Au2O3 ಆರಿಕ್ ಆಕ್ಸೈಡ್. ಚಿನ್ನದ ಕ್ಷಾರೀಯ ಮತ್ತು ಆಮ್ಲೀಯ ಗುಣಗಳೆರಡೂ ಇರುವ ತ್ಸಿವೇಲೆನ್ಸೀಯ ಆಕ್ಸೈಡ್
auric acid
ಆರೀನ್
(ರ) ಆರೊಮ್ಯಾಟಿಕ್ ಹೈಡ್ರೋಕಾರ್ಬನ್ಗಳ ಉದಾ: ಬೆನ್ಝೀನ್, ಟಾಲೀನ್, ನ್ಯಾಫ್ತಲೀನ್ಗಳ ಸಾರ್ವತ್ರಿಕ ನಾಮ