(ಭೌ) ವಿದ್ಯುದಾವೇಶದ ಏಕಮಾನ. ೩೬೦೦ ಕೂಲಮ್ಗಳಿಗೆ ಸಮ. ೧ ಗಂಟೆ ಕಾಲ ೧ ಆಂಪೇರ್ ವಿದ್ಯುತ್ ಹರಿವಿನ ಅಳತೆ. ಸಂಚಯಕ ಹೊರ ಹರಿಸುವ ಶಕ್ತಿಯನ್ನು ಅಳೆಯಲು ಬಳಕೆ
ampere hour
ಆಂಪ್ಯೂಲ್
(ವೈ) ಮೊಹರು ಮಾಡಿದ ಸಣ್ಣ ಗಾಜಿನ ಬುರುಡೆ. ಇದರೊಳಗೆ ಕ್ರಿಮಿಶುದ್ಧ ಪೂರ್ವಕವಾಗಿ ತಯಾರಿಸಿದ ದ್ರವ ಔಷಧ, ಕ್ರಿಮಿಶುದ್ಧ ನೀರಿನಲ್ಲಿ ಬೆರೆಸಿ ಬಳಸಲು ಬರುವಂತಹ ಪುಡಿ, ಲಸಿಕೆ, ವಸೆ ಇತ್ಯಾದಿಗಳಿರುತ್ತವೆ. ಇವನ್ನು ಸಿರೆ, ಅಂತರ್ಸ್ನಾಯು ಅಥವಾ ಅಡಿಚರ್ಮದೊಳಕ್ಕೆ ಚುಚ್ಚುಮದ್ದಿನ ಮೂಲಕ ದೇಹಕ್ಕೆ ನೀಡಬಹುದು
ampoule
ಆಂಫಿಪೊಡ
(ಪ್ರಾ) ವಲ್ಕವಂತ ವರ್ಗದ ಅಲ್ಪಗಾತ್ರ ಪ್ರಾಣಿಗಳ ಗಣ; ಚಪ್ಪಟೆ ದೇಹ; ಗಡಸು ಹೊದಿಕೆ ಇಲ್ಲ; ಕೆಲವು ಜಲಚರಿ, ಕೆಲವು ಭೂವಾಸಿ, ಕೆಲವು ಪರೋಪಜೀವಿ
amphipoda
ಆಂಫಿಬೊಲೈಟ್
(ಭೂವಿ) ಆಂಫಿಬೋಲ್ ಅಗತ್ಯ ಘಟಕವಾಗಿದ್ದು, ಫೆಲ್ಡ್ಸ್ಪಾರ್ ಜೊತೆಗೆ ಅನೇಕ ವೇಳೆ ಗಾರ್ನೆಟ್ ಬೆರೆತಿರುವ, ಒರಟು ಕಣಗಳಿಂದಾದ ಸ್ಫಟಿಕಾತ್ಮಕ ಶಿಲೆ
amphibolite
ಆಂಫಿಬೋಲ್ಗಳು
(ಭೂವಿ) ಶಿಲಾರೂಪಣೆಗೆ ಕಾರಣವಾದ ಕಪ್ಪು ಬಣ್ಣದ ಸಿಲಿಕೇಟ್ಗಳ ಪ್ರಮುಖ ಗುಂಪು. ಉದಾ: ಹಾರ್ನ್ಬ್ಲೆಂಡ್
amphiboles
ಆಂಫಿಯಾಸ್ಟರ್
(ಪ್ರಾ) ಮಯಾಸಿಸ್ನಿಂದ/ಮೈಟೊಸಿಸ್ನಿಂದ ಕೋಶ ವಿಭಜನೆ ಆಗುವ ವೇಳೆ ಪ್ರಕಟವಾಗುವ ಎರಡು ನಕ್ಷತ್ರ ಸದೃಶ ಕಾಯಗಳು, ಇವನ್ನು ಜೋಡಿಸುವ ಕದಿರು
amphiaster
ಆಫ್ಸೆಟ್
(ತಂ) ೧. ಗೋಡೆ ಮೊದಲಾದವುಗಳಲ್ಲಿ ಮೇಲ್ಭಾಗದ ದಪ್ಪ ಕಡಿಮೆಯಾಗಲು ಆರಂಭ ಸ್ಥಳದಲ್ಲಿ ಮಾಡಿದ ಇಳಿಜಾರು ಅಂಚು. ೨. ನಾಳದ (ಕೊಳವೆಯ) ಮಾರ್ಗಕ್ಕೆ ಅಡ್ಡ ಬರುವ ತಡೆಯನ್ನು ದಾಟಿ ಹೋಗಲು ಅದರಲ್ಲಿ ಮಾಡಿದ ಬಾಗು
offset
ಆಫ್ಸೆಟ್ ಮುದ್ರಣ
(ತಂ) ರಬ್ಬರಿನ ಸಮತಲದ ಮೇಲೆ ಅಥವಾ ಉರುಳೆಯ ಮೇಲೆ ಚಿತ್ರವನ್ನೋ ನಕಾಸೆ ಯನ್ನೋ ಮೂಡಿಸಿ ತಕ್ಕಂತೆ ಒತ್ತಿ ಇದರ ಮೇಲೆ ರೂಪು ಗೊಂಡಂಥ ಚಿತ್ರ ಇತ್ಯಾದಿಗಳ ಪ್ರತಿಗಳನ್ನು ಅನಂತರ ಕಾಗದದ ಮೇಲೆ ಒತ್ತಿ ಪ್ರತಿ ಅಥವಾ ನಕಲು ತೆಗೆಯುವ ವಿಧಾನ
offset printing
ಆಂಬರ್ಗ್ರಿಸ್
(ಪ್ರಾ) ವಿಶಿಷ್ಟ ಜಾತಿಯ ಮೃತ ತಿಮಿಂಗಲದ ಕರುಳಿನಿಂದ ಪಡೆಯುವ ಬೂದು ಬಿಳಿ ಬಣ್ಣದ ಸುಗಂಧಯುಕ್ತ ಕೊಬ್ಬು ಪದಾರ್ಥ. ಪರಿಮಳ ದ್ರವ್ಯಗಳ ತಯಾರಿಕೆಯಲ್ಲಿ ಸ್ಥಾಯಿಕಾರಿಯಾಗಿ ಬಳಕೆ. ಪನ್ನಂಬರ
ambergris
ಆಬಲೋನೆ
(ಪ್ರಾ) ಗ್ಯಾಸ್ಟ್ರಾಪೊಡ ವರ್ಗ, ಪ್ರೊಸೊ ಬ್ರಾಂಕಿಯೇಟ ಗಣಕ್ಕೆ ಸೇರಿದ ಹ್ಯಾಲಿಯೋಟಿಸ್ ಕ್ರಚಿರೊಡೀ ಎಂಬ ಮೃದ್ವಂಗಿ. ಅಮೆರಿಕದ ಪಶ್ಚಿಮತೀರ ನಿವಾಸಿಗಳ ಭಾಷೆಯಲ್ಲಿ ಇದು ಆಬಲೋನೆ. ಇದರಲ್ಲಿ ನಾನಾ ಪ್ರಭೇದಗಳು ಉಂಟು. ಆಹಾರ, ವಾಣಿಜ್ಯ ದೃಷ್ಟಿಯಿಂದ ಮುಖ್ಯ. ಶೈವಲಾಹಾರಿ. ಆಕರ್ಷಕ ಚಿಪ್ಪು ಇದೆ. ಮುತ್ತಿನ ತಾಯಿ