(ಪ್ರಾ) ಎಲಿಫಿಂಟಿಡೀ ಕುಟುಂಬಕ್ಕೆ ಸೇರಿದ ಸಾಮಾನ್ಯವಾಗಿ ೯ ಅಡಿ ಎತ್ತರದ ೪ ಟನ್ ತೂಗುವ ಚತುಷ್ಪಾದಿ ಸ್ತನಿ. ಮೂಗು ಮತ್ತು ಮೇಲ್ದುಟಿ ಸೇರಿ ಸೊಂಡಿಲಾಗಿ ಮಾರ್ಪಟ್ಟಿರುತ್ತದೆ. ಭಾರತೀಯ ಆನೆಗಳಲ್ಲಿ ಹಣೆಯ ಬಳಿ ಹಳ್ಳ ಇರುತ್ತದೆ. ಆಫ್ರಿಕದ ಆನೆಗಳಲ್ಲಿ ಹಣೆ ಉಬ್ಬಾಗಿದ್ದು ಕಿವಿಗಳು ಅಗಲವಾಗಿರುತ್ತವೆ. ಅಲ್ಲದೆ ಅವುಗಳಲ್ಲಿ ಹೆಣ್ಣು ಮತ್ತು ಗಂಡು ಎರಡಕ್ಕೂ ದಂತ ಇರುತ್ತದೆ
elephant
ಆನೆಕಾಲು ರೋಗ
(ವೈ) ಸೊಳ್ಳೆಯ ಕಡಿತದ ಮೂಲಕ ವೊಚೆರಿಯ ಬ್ಯಾನ್ಕ್ರಾಫ್ಟೈ ಅಥವಾ ಬ್ರೂಗಿಯ ಮಲಾಯಿ ಎಂಬ ಜಂತುಗಳು (ಸಣ್ಣ ಕ್ರಿಮಿಗಳು) ಮಾನವನ ಒಡಲನ್ನು ಪ್ರವೇಶಿಸಿ ದುಗ್ಧನಾಳಗಳಲ್ಲಿ ರಕ್ತ ಮತ್ತು ದುಗ್ಧರಸ ಚಲನೆಗೆ ಅಡಚಣೆಯನ್ನುಂಟುಮಾಡಿದಾಗ ಅಡಚಣೆಯುಂಟಾದ ಭಾಗವು ಊದಿಕೊಂಡು ಆನೆಯ ಕಾಲಿನ ಹಾಗೆ ದಪ್ಪವಾಗಿ, ಚರ್ಮ ಒರಟಾಗುವ ರೋಗ
elephantiasis
ಆನೋಡೀಕರಿಸು
(ರ) ಅಲ್ಯೂಮಿನಿಯಮ್ ಇಲ್ಲವೇ ಲಘು ಮಿಶ್ರಲೋಹಗಳ ಮೇಲೆ ಗಡಸಾದ ಮತ್ತು ಸಂಕ್ಷಾರಣ ಶೀಲವಲ್ಲದ ಆಕ್ಸೈಡ್ ಪೊರೆಯನ್ನು ನಿಕ್ಷೇಪಿಸುವ ಪ್ರಕ್ರಿಯೆ; ಇಲ್ಲಿ ಅಲ್ಯೂಮಿನಿಯಮ್ಮೇ ಆನೋಡ್
anodizing
ಆನೋಡ್
(ಭೌ) ಧನ ಎಲೆಕ್ಟ್ರೋಡ್, ವಿದ್ಯುದ್ವಿಭಜನೆಯಲ್ಲಿ ಆನಯಾನ್ಗಳು ಇದರತ್ತ ಆಕರ್ಷಿತವಾಗುತ್ತವೆ. ಧನ ವಿದ್ಯುದ್ದ್ವಾರ
anode
ಆನೋವ
(ಪ್ರಾ) ಪೆಸಿಫಿಕ್ ಸಾಗರದ ಸೆಲೆಬಸ್ ದ್ವೀಪದ ಕಾಡುಗಳಲ್ಲಿರುವ ಗುಜ್ಜಾರಿ ಎಮ್ಮೆ ಜಾತಿ ಪ್ರಾಣಿ
anova
ಆನ್ಹೈಡ್ರೈಟ್ ವಿಧಾನ
(ರ) ಆನ್ ಹೈಡ್ರೈಟ್ (ನಿರ್ಜಲ) ಸಲ್ಫೇಟ್ನಿಂದ (CaSO4) ಸಲ್ಫ್ಯೂರಿಕ್ ಆಮ್ಲ (H2SO4) ತಯಾರಿಸುವ ಬಗೆ
anhydrite process
ಆಪತನ
(ಭೌ) ನೇರ ಗತಿಯಲ್ಲಿ ಚಲಿಸುತ್ತಿರುವ ವಸ್ತುವು (ಉದಾ: ಬೆಳಕಿನ ಕಿರಣ) ತಲದ ಮೇಲೆ ಬೀಳುವುದು. ಆಪಾತ
incidence
ಆಪಾತಕಿರಣ
(ಭೌ) ಆಕರದಿಂದ ಬರುವ ಬೆಳಕಿನ ಕಿರಣಕ್ಕೆ ಆಪಾತಕಿರಣವೆಂದೂ ವಸ್ತುವಿನಿಂದ (ಉದಾ: ಕನ್ನಡಿಯಿಂದ) ಹಿಂದಿರುಗಿಸಲ್ಪಟ್ಟ ಕಿರಣಕ್ಕೆ ಪ್ರತಿಫಲಿತ ಕಿರಣವೆಂದೂ ಹೆಸರು
incident ray
ಆಪಾತಕೋನ
(ಭೌ) ಸಮತಲದ ಮೇಲೆ ಬೀಳುವ ಕಿರಣಕ್ಕೂ ಸ್ಪರ್ಶ ಬಿಂದುವಿನಲ್ಲಿ ಆ ಸಮತಲಕ್ಕೆಳೆದ ಲಂಬಕ್ಕೂ ನಡುವಿನ ಕೋನ
angle of incidence
ಆಂಪೇರ್
(ಭೌ) ವಿದ್ಯುತ್ ಪ್ರವಾಹದ ಎಸ್ಐ ಏಕಮಾನ. ಅನಂತ ಉದ್ದ ಮತ್ತು ನಿರ್ಲಕ್ಷಿಸಬಹುದಾದ ಅಡ್ಡ ಕೊಯ್ತವಿರುವ ಎರಡು ವಾಹಕಗಳನ್ನು ನಿರ್ವಾತದಲ್ಲಿ ಸಮಾಂತರವಾಗಿ ೧ ಮೀ ಅಂತರದಲ್ಲಿಟ್ಟು ಇವುಗಳ ಮೂಲಕ ಹರಿಯಬಿಟ್ಟ ಪ್ರವಾಹ ಆ ವಾಹಕಗಳ ನಡುವೆ ಉತ್ಪಾದಿಸುವ ಬಲವು ಮೀಟರ್ ಉದ್ದಕ್ಕೆ ೨X೧೦-೭ ನ್ಯೂಟನ್ ಆಗಿದ್ದರೆ ಆ ಪ್ರವಾಹ ೧ ಆಂಪೇರ್ ಎನ್ನುತ್ತೇವೆ. ಫ್ರೆಂಚ್ ಭೌತವಿಜ್ಞಾನಿ ಆಂದ್ರೆ ಮಾರಿ ಆಂಪೇರ್ (೧೭೭೫-೧೮೩೬) ಗೌರವಾರ್ಥ ಈ ಹೆಸರು