ಕೊಪ್ಪರಿಗೆ, ದೊಡ್ಡ ಪಾತ್ರೆ, ವಾಡೆ, ನೀರು ಮತ್ತು ಕಾಳುಕಡಿ ಹಾಕಿಡಲು ಬಳಸುವ ಸಾಧನ, ರಂಜಣಿಗೆ ಎನ್ನುವ ಪದ ವಾಡೆಗೆ ಬದಲಾಗಿ ವಿಜಾಪುರ ಜಿಲ್ಲೆಯಲ್ಲ ಹೆಚ್ಚು ಬಳಕೆಯಲ್ಲಿದೆ ನೋಡಿ - ವಾಡೆ
ರಜ
(ನಾ)
ಕಸ, ಆವಿಗೆ ಸುಡುವಾಗ ಉಪಯೋಗಿಸುವ ಸೆದೆ.
ರಾಡಿ
(ನಾ)
ಕೌಳಿ, ಕೆಸರು, ಕುಂಬಾರಗಿತ್ತಿ ಕೈಯಿಂದ ಮಡಕೆ ಮಾಡುವಾಗ, ಕುಂಬಾರ ತಿಗುರಿಯಿಂದ ಮಡಕೆ ಗೇಯುವಾಗ ಕೈಗೆ ಅಂಟಿಕೊಳ್ಳುವ ತೆಳುವಾದ ಮಣ್ಣು.
"ಕೈಯಾನ ರಾಡಿ ತೊಕ್ಕೋಳೋ" (ಆಡುಮಾತು. )
">
ರೊಟ್ಟಿ ಕೈಪಳ
(ನಾ)
ಹಂಚಿನಲ್ಲಿ ಸುಟ್ಟ ರೊಟ್ಟಿಯನ್ನು ತೆಗೆದು ಹಾಕಿಡುವ ಅಗಲಬಾಯಿಯ ಕಿವಿಯುಳ್ಳ ಪಾತ್ರೆ.
ರೊಟ್ಟಿ ಹಂಚು
(ನಾ)
ಮಣ್ಣಿನ ತವೆ, ದಪ್ಪ ತಳವುಳ್ಳ ಮಣ್ಣಿನ ತವೆ. ಕೈ ರೊಟ್ಟಿಗಳನ್ನು ಮಾಡಲು ಹಳ್ಳಿಗಳಲ್ಲಿ ಇಂದಿಗೂ ಈ ಹಂಚನ್ನು ಬಳಸುವರು.
'ನನ್ನ ಕವಿತೆ ಸುಡುವ ಹಂಚಿನರೊಟ್ಟಿ' (ಆನಂದ ಝಂಜರವಾಡ)
ಹಂಚಿಗೆ ರೊಟ್ಟಿ ಚೆಂದ, ಹಚ್ಚಿ ಹಣೇಗ ಚೆಂದ (ಒಡಪು)