Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Navakarnataka Vijnana Tantrajnana Padasampada (2011)

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಱ ಲ ಳ ವ ಶ ಷ ಸ ಹ

Please click here to read PDF file Navakarnataka Vijnana Tantrajnana Padasampada (2011)

ಆಜನ್ಮ ವಕ್ರಪಾದ

(ವೈ) ಹುಟ್ಟಿನಿಂದಲೇ ಸೊಟ್ಟಗಾಗಿ ಇರುವ ಕಾಲು

club foot

Transliterate :

ಆಜನ್ಮ ವಿಕಲತೆ

(ವೈ) ಹುಟ್ಟಿದಾಗ ಕಂಡುಬಂದ ನ್ಯೂನತೆ/ವಿರೂಪತೆ. ಇದು ಆನುವಂಶಿಕವಾಗಿ ಬಂದುದಾಗಿರಬೇಕಾಗಿಲ್ಲ. ಗರ್ಭದಲ್ಲಿಯ ಪರಿಸರ ಇದಕ್ಕೆ ಕಾರಣ ವಾಗಿರಬಹುದು. ಉದಾ: ತಾಲಿಡೊಮೈಡ್ ಶಿಶುಗಳು (ನೋಡಿ)

congenital deformity

Transliterate :

ಆಟೊಕ್ಲೇವ್

(ತಂ) ರಾಸಾಯನಿಕ ಕ್ರಿಯೆಗಳನ್ನು ಉಚ್ಚ ಒತ್ತಡ ಮತ್ತು ತೀವ್ರ ಉಷ್ಣತೆಗಳಲ್ಲಿ ನಡೆಸಲು ನೆರವಾಗುವ ದಪ್ಪ ಭಿತ್ತಿಯ ಉಕ್ಕಿನ ಪಾತ್ರೆ ಅಥವಾ ಉಪಕರಣ. (ವೈ) ವೈದ್ಯಕೀಯ ಉಪಕರಣ ಗಳನ್ನು ಕ್ರಿಮಿಮುಕ್ತಗೊಳಿಸಲು ಬಳಸುವ ಸಾಧನ. ಇದೊಂದು ಕುದಿ ಪಾತ್ರೆ. ಪಾತ್ರೆಯಲ್ಲಿ ಸ್ವಲ್ಪ ನೀರಿರುತ್ತದೆ. ಕ್ರಿಮಿಮುಕ್ತಗೊಳಿಸ ಬೇಕಾದ ಉಪಕರಣಗಳನ್ನು ಸೂಕ್ತ ಆವರಣದೊಂದಿಗೆ ಪಾತ್ರೆಯಲ್ಲಿಟ್ಟು ಅವನ್ನು ಉಗಿಯ ನೆರವಿನಿಂದ ಉನ್ನತ ಒತ್ತಡದಲ್ಲಿ ಶುದ್ಧೀಕರಿಸಲಾಗುತ್ತದೆ

autoclave

Transliterate :

ಆಡರ್

(ಪ್ರಾ) ವೈಪರಿಡೀ ಕುಟುಂಬಕ್ಕೆ ಸೇರಿದ, ಸಾಮಾನ್ಯ ವಾಗಿ ಯೂರೋಪ್ ಖಂಡದಲ್ಲಿ ಕಂಡುಬರುವ ವಿಷವುಳ್ಳ ಹಾವು; ತಲೆಯ ಮೇಲೆ ಹಳದಿ-ಕಂದು ಬಣ್ಣದ ನಾಮವಿದೆ. ವಿಷಸರ್ಪ, ಮಂಡಲದ ಹಾವು, ಸಾಮಾನ್ಯ ವೈಪರ್

adder

Transliterate :

ಆಡಿಯೊಮೀಟರ್

(ಭೌ) ನೋಡಿ: ಶ್ರವಣ ಸಾಮರ್ಥ್ಯ ಮಾಪಕ

audiometer

Transliterate :

ಆಡು

(ಪ್ರಾ) ಬೋವಿಡೀ ಕುಟುಂಬಕ್ಕೆ ಸೇರಿದ ಸ್ತನಿ. ಕ್ಯಾಪ್ರಹಿರ್ಕಸ್ ವೈಜ್ಞಾನಿಕ ನಾಮ. ದನಕರುಗಳಲ್ಲಿ ಇರುವಂತೆ ಟೊಳ್ಳು ಕೊಂಬು, ಸೀಳುಗೊರಸು ಇವೆ. ಮೆಲುಕು ಹಾಕುತ್ತದೆ. ಕುರಿಯ ಹತ್ತಿರ ಸಂಬಂಧಿ. ಹೆಣ್ಣು ಆಡು, ಗಂಡು ಹೋತ. ಗದ್ದದ ಕೆಳಗೆ ಉದ್ದನೆಯ ದಾಡಿ. ನೈಋತ್ಯ ಏಷ್ಯ ತವರು. ಹಾಲು, ಮಾಂಸ, ಕೂದಲು, ತೊಗಲು ಹಾಗೂ ಗೊಬ್ಬರಗಳಿಗಾಗಿ ಸಾಕುತ್ತಾರೆ. ಆಡಿನ ಹಾಲು ಹಸುವಿನ ಹಾಲಿಗಿಂತ ಪುಷ್ಟಿಕರ. ಮೇಕೆ

goat

Transliterate :

ಆಣಿ

(ಪ್ರಾ) ಅಂಗಾಲಿನಲ್ಲಿ ಬೆಳೆಯುವ ಕೊಂಬಿನ ಪದಾರ್ಥದಂಥ ಗಡಸುಗಂಟು. ಕಲ್ಲೊತ್ತು. ಒತ್ತುಗಂಟು. ಕಿಡು

corn

Transliterate :

ಆಣ್ವಿಕ ದೂಲ ಅಧಿಪದರಣ

(ತಂ) ತೆಳುಫಿಲ್ಮುಗಳ ಅಧಿಪದರಣ. ಪದರದ ಮೇಲೆ ಪದರವನ್ನು ಕ್ರಮವಾಗಿ ತಯಾರಿಸುವ ಅತ್ಯಾಧುನಿಕ ಹಾಗೂ ಕ್ಲಿಷ್ಟ ವಿಧಾನ. ಇಲ್ಲಿ ಒಂದಕ್ಕಿಂತ ಹೆಚ್ಚು ಆಣ್ವಿಕ ಅಥವಾ ಪರಮಾಣವಿಕ ದೂಲಗಳ ನಡುವಿನ ಅಂತರಕ್ರಿಯೆಯು ಅತಿಗರಿಷ್ಠ ನಿರ್ವಾತದಲ್ಲಿ ಬಿಸಿಯಾದ ಸ್ಫಟಿಕೀಯ ತಲಾಧಾರದ ಮೇಲೆ ಘಟಿಸುವಂತೆ ಮಾಡಿ ತೆಳುಫಿಲ್ಮು ಗಳನ್ನು ತಯಾರಿಸಲಾಗುತ್ತದೆ. ಈ ವಿಧಾನದಲ್ಲಿ ಅತ್ಯಂತ ನಿಕಟವಾಗಿ ಅಧಿಪದರಣ ಕ್ರಮವಾಗಿ ಬೆಳೆಯುವ ತೆಳುಫಿಲ್ಮುಗಳ ತಯಾರಿಕೆಯನ್ನು ನಿಯಂತ್ರಿಸಬಹುದು. ಉದಾ: ಗ್ಯಾಲಿಯಂ ನೈಟ್ರೈಡ್ ಫಿಲ್ಮುಗಳು

molecular bean epitaxy

Transliterate :

ಆತಂಕ

(ಮ) ತೀವ್ರ ಭಯಮಿಶ್ರಿತ ಅಹಿತಕರ ಮನಃಸ್ಥಿತಿ, ಕಾರಣ ಸಾಮಾನ್ಯವಾಗಿ ಅಸ್ಪಷ್ಟ

anxiety

Transliterate :

ಆತಿಥೇಯ

(ಜೀ) ಪರೋಪಜೀವಿಗೆ ತನ್ನ ರಕ್ತ ಅಥವಾ ಸಾರವನ್ನು ಆಹಾರವಾಗಿ ಒದಗಿಸಿ ಆಶ್ರಯ ನೀಡುವ ಪ್ರಾಣಿ ಅಥವಾ ಸಸ್ಯ

host

Transliterate :

<< First << Prev < 96 97 98 99 100 101 102 103 104 105 106 107 108 109 110 111 112 113 114 115 116 117 ........1107 > Next >> Last >>