Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Navakarnataka Vijnana Tantrajnana Padasampada (2011)

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಱ ಲ ಳ ವ ಶ ಷ ಸ ಹ

Please click here to read PDF file Navakarnataka Vijnana Tantrajnana Padasampada (2011)

ಆಂಫಿಪೊಡ

(ಪ್ರಾ) ವಲ್ಕವಂತ ವರ್ಗದ ಅಲ್ಪಗಾತ್ರ ಪ್ರಾಣಿಗಳ ಗಣ; ಚಪ್ಪಟೆ ದೇಹ; ಗಡಸು ಹೊದಿಕೆ ಇಲ್ಲ; ಕೆಲವು ಜಲಚರಿ, ಕೆಲವು ಭೂವಾಸಿ, ಕೆಲವು ಪರೋಪಜೀವಿ

amphipoda

Transliterate :

ಆಂಫಿಬೊಲೈಟ್

(ಭೂವಿ) ಆಂಫಿಬೋಲ್ ಅಗತ್ಯ ಘಟಕವಾಗಿದ್ದು, ಫೆಲ್ಡ್‌ಸ್ಪಾರ್ ಜೊತೆಗೆ ಅನೇಕ ವೇಳೆ ಗಾರ್ನೆಟ್ ಬೆರೆತಿರುವ, ಒರಟು ಕಣಗಳಿಂದಾದ ಸ್ಫಟಿಕಾತ್ಮಕ ಶಿಲೆ

amphibolite

Transliterate :

ಆಂಫಿಬೋಲ್‌ಗಳು

(ಭೂವಿ) ಶಿಲಾರೂಪಣೆಗೆ ಕಾರಣವಾದ ಕಪ್ಪು ಬಣ್ಣದ ಸಿಲಿಕೇಟ್‌ಗಳ ಪ್ರಮುಖ ಗುಂಪು. ಉದಾ: ಹಾರ್ನ್‌ಬ್ಲೆಂಡ್

amphiboles

Transliterate :

ಆಂಫಿಯಾಸ್ಟರ್

(ಪ್ರಾ) ಮಯಾಸಿಸ್‌ನಿಂದ/ಮೈಟೊಸಿಸ್‌ನಿಂದ ಕೋಶ ವಿಭಜನೆ ಆಗುವ ವೇಳೆ ಪ್ರಕಟವಾಗುವ ಎರಡು ನಕ್ಷತ್ರ ಸದೃಶ ಕಾಯಗಳು, ಇವನ್ನು ಜೋಡಿಸುವ ಕದಿರು

amphiaster

Transliterate :

ಆಂಬರ್‌ಗ್ರಿಸ್

(ಪ್ರಾ) ವಿಶಿಷ್ಟ ಜಾತಿಯ ಮೃತ ತಿಮಿಂಗಲದ ಕರುಳಿನಿಂದ ಪಡೆಯುವ ಬೂದು ಬಿಳಿ ಬಣ್ಣದ ಸುಗಂಧಯುಕ್ತ ಕೊಬ್ಬು ಪದಾರ್ಥ. ಪರಿಮಳ ದ್ರವ್ಯಗಳ ತಯಾರಿಕೆಯಲ್ಲಿ ಸ್ಥಾಯಿಕಾರಿಯಾಗಿ ಬಳಕೆ. ಪನ್ನಂಬರ

ambergris

Transliterate :

ಆಂಬ್ರೋಸಿಯ

(ಸ) ಕೆಲವು ಬಗೆಯ ಜೀರುಂಡೆಗಳು ತಮ್ಮ ಆಹಾರವಾಗಿ ಕೃಷಿ ಮಾಡುವ ಮಿಶ್ರ ಜಾತಿಯ ಶಿಲೀಂಧ್ರಗಳು. ಸಾಮಾಜಿಕ ಜೇನ್ನೊಣಗಳು ಮರಿ ಹುಳುಗಳಿಗೆ ಉಣಿಸಲೋಸುಗ ಸಂಗ್ರಹಿಸುವ ಪುಷ್ಪ ಪರಾಗ

ambrosia

Transliterate :

ಆಂಶಿಕ

(ಸಾ) ಸಂಕೀರ್ಣ ನಾದದ ಏಕಾವೃತ್ತಿ ಘಟಕಗಳ ಪೈಕಿ ಯಾವುದೇ ಒಂದು. ಸಂಗೀತದ ಹೆಚ್ಚಿನ ಸಂಕೀರ್ಣ ನಾದಗಳಲ್ಲಿ ಆಂಶಿಕಗಳು ಆಧಾರ ಶ್ರುತಿಯೊಂದನ್ನು ಕುರಿತು ಸಂಗತಾ ವೃತ್ತಿಗಳಾಗಿರುತ್ತವೆ. ಭಾಗಶಃ

partial

Transliterate :

ಆಂಶಿಕ ಅವಕಲನ

(ಗ) ಒಂದಕ್ಕಿಂತ ಹೆಚ್ಚು ಚರಗಳು ಇರುವ ಸಮೀಕರಣ ಅಥವಾ ಫಲನವನ್ನು ನಿರ್ದಿಷ್ಟ ಚರದ ಹೊರತು ಉಳಿದವನ್ನು ಸ್ಥಿರಗಳೆಂದು ಭಾವಿಸಿ ನಡೆಸುವ ಅವಕಲನ ಪ್ರಕ್ರಿಯೆ. ಉದಾ: f(x,y,z)= ax2+by2+cz2+2hxy+2gyz+2fzx+lx+my+ nz+k ಫಲನವನ್ನು xನ ಹೊರತು y ಮತ್ತು zಗಳನ್ನು ಸ್ಥಿರಗಳೆಂದು ಭಾವಿಸಿ xನ್ನು ಕುರಿತು ಆಂಶಿಕವಾಗಿ ಅವಕಲಿಸಿದರೆ ದೊರೆಯುವ ಫಲ. ಪ್ರತೀಕ xನ್ನು ಕುರಿತು ಆಂಶಿಕ ಅವಕಲನ ಎಂಬುದನ್ನು ಸೂಚಿಸುತ್ತದೆ

partial differentiation

Transliterate :

ಆಂಶಿಕ ಗ್ರಹಣ

(ಖ) ಯಾವುದೇ ಆಕಾಶಕಾಯದ ಬೆಳಕು ಇನ್ನೊಂದು ಆಕಾಶಕಾಯ ಅಡ್ಡ ಬರುವುದರಿಂದಾಗಿ ಭಾಗಶಃವಷ್ಟೆ ಅಗೋಚರ ಅಥವಾ ಮಸುಕಾಗುವುದು. ಖಂಡಗ್ರಹಣ. ನೋಡಿ : ಗ್ರಹಣ

partial eclipse

Transliterate :

ಆಂಶಿಕ ಭಿನ್ನರಾಶಿ

(ಗ) ಒಂದು ಬೀಜ ವಾಕ್ಯದಲ್ಲಿ ಅಂಶ ಹಾಗೂ ಛೇದಗಳಲ್ಲಿ ಬಹುಪದೋಕ್ತಿಗಳಿದ್ದು, ಆ ಬೀಜ ವಾಕ್ಯವು ಛೇದದ ಅಪವರ್ತನಗಳನ್ನು ಛೇದಗಳಾಗಿ

partial fraction

Transliterate :

<< First << Prev < 90 91 92 93 94 95 96 97 98 99 100 101 102 103 104 105 106 107 108 109 110 111 ........1107 > Next >> Last >>