Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Navakarnataka Vijnana Tantrajnana Padasampada (2011)

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಱ ಲ ಳ ವ ಶ ಷ ಸ ಹ

Please click here to read PDF file Navakarnataka Vijnana Tantrajnana Padasampada (2011)

ಆಂತರಿಕ ಶಕ್ತಿ

(ಭೌ) ಕೆಲಸ ಮಾಡುವ ಸಾಮರ್ಥ್ಯವೇ ಶಕ್ತಿ. ವಸ್ತು ತಾನಿರುವ ಸ್ಥಾನದ ದೆಸೆಯಿಂದ ವಿಭವ ಶಕ್ತಿಯನ್ನೂ ಮತ್ತು ತನ್ನ ಚಲನೆಯ ಫಲವಾಗಿ ಚಲನ ಶಕ್ತಿಯನ್ನೂ ಪಡೆದಿರುತ್ತದೆ. ಇವೆರಡರ ಮೊತ್ತವೇ ಅದರ ಆಂತರಿಕ ಶಕ್ತಿ. ಇದನ್ನು e ಎಂಬ ಸಂಕೇತದಿಂದ ಸೂಚಿಸುವುದು ವಾಡಿಕೆ. ಇದರ ಮೌಲ್ಯವು ವ್ಯವಸ್ಥೆಯ ತಾಪ, ಗಾತ್ರ, ಒತ್ತಡ ಮತ್ತು ರಾಸಾಯನಿಕ ಸಂಯೋಜನೆ ಗಳನ್ನು ಅವಲಂಬಿಸಿರುತ್ತದೆ. ಅದರ ನಿರಪೇಕ್ಷ ಬೆಲೆಯನ್ನು ಕಟ್ಟುವುದು ಅಸಾಧ್ಯ. ಆದರೆ ವ್ಯವಸ್ಥೆಯ ತಾಪ, ಗಾತ್ರ, ಒತ್ತಡ ಮತ್ತು ಸಂಯೋಜನೆಗಳಲ್ಲಿ ಉಂಟಾಗುವ ವ್ಯತ್ಯಾಸಗಳನ್ನು ಗಮನಿಸಿ ಅದರ ಆಂತರಿಕ ಶಕ್ತಿಯಲ್ಲಿ ಉಂಟಾಗುವ ವ್ಯತ್ಯಾಸವನ್ನು ಮಾತ್ರ ಲೆಕ್ಕ ಹಾಕಬಹುದು. ಆದರೆ ಆಂತರಿಕ ಶಕ್ತಿ ಒಂದು ಸ್ಥಿತಿಧರ್ಮ

internal energy

Transliterate :

ಆಂತರಿಕ ಸ್ರಾವ

(ಪ್ರಾ) ರಕ್ತದೊಳಕ್ಕೆ ನೇರವಾಗಿ ಸೇರುವ, ಗ್ರಂಥಿ ಉತ್ಪಾದಿಸುವ ವಸ್ತು. ವಿಶೇಷ ಪರಿಣಾಮ ಉಂಟು ಮಾಡಲು ಶರೀರದ ಇತರ ಭಾಗಗಳಿಗೆ ಸಾಗಿಸಲಾಗುವ ಮಿದುಳು ಮತ್ತು ಮಿದುಳು ಬಳ್ಳಿಯ ತರಲ. ರಸದೂತ (ಹಾರ್ಮೋನ್)

internal secretion

Transliterate :

ಆಂತೆಲ್ಮಿಂತಿಕ್

(ವೈ) ಕರುಳಿನಲ್ಲಿ ವಾಸಿಸುವ ಪರೋಪಜೀವಿ ಹುಳುಗಳನ್ನು ಕೊಲ್ಲುವ/ಹೊರಬರುವಂತೆ ಮಾಡುವ ಔಷಧಿಗಳು. ಜಂತುನಾಶಕ. ಕರುಳು ಹುಳು ರೋಧಕ

anthelminthic

Transliterate :

ಆಂತ್ರೇತರ

(ವೈ) ಅನ್ನನಾಳದ ಮೂಲಕವಲ್ಲದೆ ರಕ್ತನಾಳ ಅಥವಾ ಅಡಿ ಚರ್ಮದ ಮೂಲಕ ಆಹಾರಾಂಶಗಳನ್ನು ಅಥವಾ ಚಿಕಿತ್ಸಕ ಕಾರಕಗಳನ್ನು ಕರುಳಿಗೆ ನೀಡುವುದು

parenteral

Transliterate :

ಆಂದೋಲನ ಕೇಂದ್ರ

(ಭೌ) ಸಂಯುಕ್ತ ಲೋಲಕ ನಿಶ್ಚಲವಾಗಿರುವಾಗ ನಿಲಂಬನ ಬಿಂದುವಿನ ನೇರ ಕೆಳಕ್ಕೆ, ಸಮಾನ ಸರಳ ಲೋಲಕದ (ಅಂದರೆ, ಇದೇ ಅವಧಿ ಇರುವ ಸರಳ ಲೋಲಕದ) ಉದ್ದದಷ್ಟು ದೂರದಲ್ಲಿರುವ ಬಿಂದು. ಈ ಲೋಲಕವನ್ನು ಆಂದೋಲನ ಕೇಂದ್ರದಲ್ಲಿ ತೂಗಿದಾಗ ಇದರ ಅವಧಿ ಹಿಂದಿನದೇ ಆಗಿರುವುದು

centre of oscillation

Transliterate :

ಆಂದೋಲನಗಳು

(ಭೌ) ೧. ಕಾಲದ ಸಮಾವಧಿಗಳಲ್ಲಿ ಪುನರಾವರ್ತಿಸುವ ಯಾವುದೇ ಚಲನೆ. ಆವರ್ತಕ ಚಲನೆ. ಇದರಲ್ಲಿ ಒಂದು ಕಾಯ ಅದೇ ಪಥದಲ್ಲಿ ಹಿಂದಕ್ಕೂ ಮುಂದಕ್ಕೂ ಚಲಿಸು ತ್ತಿರುತ್ತದೆ. ಆಂದೋಲಿಸುತ್ತಿರುವ ಕಾಯ ಚಲನೆಯ ಒಂದು ಮಿತಿ/ಮೌಲ್ಯದಿಂದ ಇನ್ನೊಂದು ಮಿತಿ/ಮೌಲ್ಯಕ್ಕೆ ಚಲಿಸಿ ಮೊದಲಿನದಕ್ಕೆ ಹಿಂತಿರುಗಿದಾಗ ಪೂರ್ಣ ಆಂದೋಲನ ಮಾಡಿರುತ್ತದೆ. ೨. swing ಮುಕ್ತವಾಗಿ ತೂಗುಹಾಕಲಾದ ವಸ್ತು ಎರಡು ಸ್ಥಿರ ಬಿಂದುಗಳ ನಡುವೆ ಉಯ್ಯಾಲಾಡುವುದು. ತೊನೆತ, ಉದಾ: ಲೋಲಕ

oscillations

Transliterate :

ಆಂದೋಲನ ಲೇಖ

(ತಂ) ಪರ್ಯಾಯ ವಿದ್ಯುತ್ತಿನ ಅಥವಾ ಇತರ ದೋಲಕ ವಿದ್ಯುತ್ ಬಲದ ತರಂಗ ರೂಪಗಳನ್ನು ವಕ್ರರೇಖೆಯ ರೂಪದಲ್ಲಿ ದಾಖಲಿಸುವ ಮತ್ತು ಸಾಮಾನ್ಯವಾಗಿ ಒಂದು ಕ್ಯಾಥೋಡ್ ಕಿರಣ ನಳಿಗೆಯಿಂದ ಕೂಡಿದ ಉಪಕರಣ

oscillograph

Transliterate :

ಆಂಪೇರ್

(ಭೌ) ವಿದ್ಯುತ್ ಪ್ರವಾಹದ ಎಸ್‌ಐ ಏಕಮಾನ. ಅನಂತ ಉದ್ದ ಮತ್ತು ನಿರ್ಲಕ್ಷಿಸಬಹುದಾದ ಅಡ್ಡ ಕೊಯ್ತವಿರುವ ಎರಡು ವಾಹಕಗಳನ್ನು ನಿರ್ವಾತದಲ್ಲಿ ಸಮಾಂತರವಾಗಿ ೧ ಮೀ ಅಂತರದಲ್ಲಿಟ್ಟು ಇವುಗಳ ಮೂಲಕ ಹರಿಯಬಿಟ್ಟ ಪ್ರವಾಹ ಆ ವಾಹಕಗಳ ನಡುವೆ ಉತ್ಪಾದಿಸುವ ಬಲವು ಮೀಟರ್ ಉದ್ದಕ್ಕೆ ೨X೧೦-೭ ನ್ಯೂಟನ್ ಆಗಿದ್ದರೆ ಆ ಪ್ರವಾಹ ೧ ಆಂಪೇರ್ ಎನ್ನುತ್ತೇವೆ. ಫ್ರೆಂಚ್ ಭೌತವಿಜ್ಞಾನಿ ಆಂದ್ರೆ ಮಾರಿ ಆಂಪೇರ್ (೧೭೭೫-೧೮೩೬) ಗೌರವಾರ್ಥ ಈ ಹೆಸರು

ampere

Transliterate :

ಆಂಪೇರ್ ಗಂಟೆ

(ಭೌ) ವಿದ್ಯುದಾವೇಶದ ಏಕಮಾನ. ೩೬೦೦ ಕೂಲಮ್‌ಗಳಿಗೆ ಸಮ. ೧ ಗಂಟೆ ಕಾಲ ೧ ಆಂಪೇರ್ ವಿದ್ಯುತ್ ಹರಿವಿನ ಅಳತೆ. ಸಂಚಯಕ ಹೊರ ಹರಿಸುವ ಶಕ್ತಿಯನ್ನು ಅಳೆಯಲು ಬಳಕೆ

ampere hour

Transliterate :

ಆಂಪ್ಯೂಲ್

(ವೈ) ಮೊಹರು ಮಾಡಿದ ಸಣ್ಣ ಗಾಜಿನ ಬುರುಡೆ. ಇದರೊಳಗೆ ಕ್ರಿಮಿಶುದ್ಧ ಪೂರ್ವಕವಾಗಿ ತಯಾರಿಸಿದ ದ್ರವ ಔಷಧ, ಕ್ರಿಮಿಶುದ್ಧ ನೀರಿನಲ್ಲಿ ಬೆರೆಸಿ ಬಳಸಲು ಬರುವಂತಹ ಪುಡಿ, ಲಸಿಕೆ, ವಸೆ ಇತ್ಯಾದಿಗಳಿರುತ್ತವೆ. ಇವನ್ನು ಸಿರೆ, ಅಂತರ್ಸ್ನಾಯು ಅಥವಾ ಅಡಿಚರ್ಮದೊಳಕ್ಕೆ ಚುಚ್ಚುಮದ್ದಿನ ಮೂಲಕ ದೇಹಕ್ಕೆ ನೀಡಬಹುದು

ampoule

Transliterate :

<< First << Prev < 89 90 91 92 93 94 95 96 97 98 99 100 101 102 103 104 105 106 107 108 109 110 ........1107 > Next >> Last >>