Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Navakarnataka Vijnana Tantrajnana Padasampada (2011)

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಱ ಲ ಳ ವ ಶ ಷ ಸ ಹ

Please click here to read PDF file Navakarnataka Vijnana Tantrajnana Padasampada (2011)

ಅಂತರ್ವೃತ್ತ

(ಗ) ನೋಡಿ: ಅಂತಃಸ್ಪರ್ಶಕ ವೃತ್ತ

incircle

Transliterate :

ಅಂತರ್ವೇಶ

(ಸಾ) ಅನ್ಯಾವೃತ ಭಾಗ. ಪರಾವೃತ ಪ್ರದೇಶ. (ವೈ) ಬೇರ್ಪಟ್ಟ ಒಂದು ಬಗೆಯ ಊತಕ ಮತ್ತೊಂದು ಊತಕದಲ್ಲಿ ಹುದುಗಿರುವುದು. ಉದಾ: ಮುಖ್ಯ ಗ್ರಂಥಿಯಿಂದ ಬೇರ್ಪಟ್ಟು ಮತ್ತೆಲ್ಲೋ ಹುದುಗಿರುವ ಗ್ರಂಥಿ ತುಣುಕು. ಪರಾವರಣ

enclave

Transliterate :

ಅಂತರ್ವೇಶನ

(ಗ) ಫಲನದ ಎರಡು eತ ಬೆಲೆಗಳ ನಡುವಿನ ಒಂದು ಬೆಲೆಯನ್ನು ಆ ಫಲನವೇ ಸೂಚಿಸುವ ನಿಯಮದ ಹೊರತಾಗಿ ಬೇರಾವುದೇ ನಿಯಮ ವಿಧಾನದಿಂದ ಶೋಧಿಸುವ ಪ್ರಕ್ರಿಯೆ. ಉದಾ: ರೇಖೀಯ ಅಂತರ್ವೇಶನ

interpolation

Transliterate :

ಅಂತರ್ವೇಶನ

(ತಂ) ಬಿಟುಮೆನ್ ಸಾಮಗ್ರಿಯ ತಪಾಸಣೆಯಲ್ಲಿ ಬಳಸುವ ಪದ. ನಿರ್ದಿಷ್ಟ ಹೇರಿಕೆ, ಕಾಲ ಹಾಗೂ ಉಷ್ಣತೆ ಇರುವ ಪರಿಸ್ಥಿತಿಗಳಲ್ಲಿ ಸಾಮಗ್ರಿಯೊಳಕ್ಕೆ ಸೂಜಿಯೊಂದು ಲಂಬವಾಗಿ ಎಷ್ಟು ಒಳಕ್ಕೆ ತೂರಬಲ್ಲದು ಎಂಬುದರ ಮೂಲಕ ಆ ಸಾಮಗ್ರಿಯ ಅಂತರ್ವೇಶನ ಪ್ರಮಾಣವನ್ನು ವ್ಯಕ್ತಪಡಿಸಲಾಗುತ್ತದೆ

penetration

Transliterate :

ಅಂತರ್ವ್ಯಾಪನ

(ವೈ) ೧. ಒಳಚಲಿಸುವ ಕ್ರಿಯೆ. ಜೀವಕೋಶ ಅಥವಾ ಊತಕದೊಳಕ್ಕೆ ಅನಿಲ, ದ್ರವ ಅಥವಾ ಕರಗಿರುವ ವಸ್ತುವಿನ ಒಳತೂರಿಕೆ. ೨. ಶರೀರದ ಅಂಗಗಳಲ್ಲಿ ಸೋಂಕು ಕ್ರಮೇಣ ಹರಡುವುದು. ಉದಾ: ಶ್ವಾಸಕೋಶ ಗಳಲ್ಲಿರುವ ಕ್ಷಯ ಸೋಂಕು. ೩. ಮೂಲಸ್ಥಾನದಿಂದ ಜೀವ ಕೋಶಗಳ ಹರಡುವಿಕೆ. ಹರಡಿದ ಜೀವಕೋಶಗಳು ನಿರ್ದಿಷ್ಟ ಸ್ಥಳದಲ್ಲಿ ಕೇಂದ್ರೀಕೃತವಾಗಬಹುದು, ಅನಿಯತವಾಗಿ ಸಂಗ್ರಹ ವಾಗಬಹುದು ಇಲ್ಲವೇ ವಿಸ್ತೃತ ಪ್ರದೇಶದಾದ್ಯಂತ ಹರಡ ಬಹುದು. ಈ ಕ್ರಿಯೆಯು ಸಾಮಾನ್ಯವಾಗಿ ಉರಿಯೂತದಲ್ಲಿ ಹಾಗೂ ಕೆಲವು ರೀತಿಯ ಕ್ಯಾನ್ಸರ್‌ಗಳಲ್ಲಿ ಕಂಡುಬರುತ್ತದೆ

infiltration

Transliterate :

ಅಂತಸ್ಥಶಿಲೆ

(ಭೂವಿ) ಕಿರು ಪ್ರಾಯದ ಶಿಲಾಸ್ತರಗಳಿಂದ ಸುತ್ತುವರಿದ ಅಥವಾ ಆವೃತವಾದ ಯಾವುದೇ ಹಳೆಯ ಶಿಲಾಸ್ತರ

inlier

Transliterate :

ಅಂತಸ್ಥ ಸಮೀಕರಣ

(ಗ) ವಕ್ರರೇಖೆಯ ಮೇಲಿನ ಯಾವುದೇ ಬಿಂದುವಿನ ಕಂಸದೂರ sನ್ನು ಅಲ್ಲಿಯ ಪ್ರವಣತೆಯ ಕೋನ ಜೊತೆ ಸಂಬಂಧಿಸುವ ಸಮೀಕರಣ: s=f((). ಇದು ಯಾವ ನಿರ್ದೇಶಕ ವ್ಯವಸ್ಥೆಯನ್ನೂ ಅವಲಂಬಿಸಿಲ್ಲ. ವಕ್ರರೇಖೆಯ ಅಂತರ್ಗತ ಗುಣ ನಿರೂಪಿಸುತ್ತದೆ

intrinsic equation

Transliterate :

ಅಂತಸ್ಸರಣ

(ಭೂವಿ) ಒಂದು ಶಿಲೆಯನ್ನು ಛೇದಿಸಿದಂತೆ ಅಗ್ನಿಜನ್ಯ ಶಿಲೆಯೊಂದು ತೂರಿರುವುದು. ಉದಾ: ಗ್ರಾನೈಟ್ ಶಿಲೆಯೊಳಕ್ಕೆ ಡಾಲೆರೈಟ್ ಶಿಲೆ ನುಗ್ಗಿರುವುದು

intrusion

Transliterate :

ಅಂತಸ್ಸ್ನಾಯು

(ವೈ) ಸ್ನಾಯುವಿನ ಒಳಗಿರುವ ಅಥವಾ ಒಳಕ್ಕೆ ಹೋಗುವ

intramuscular

Transliterate :

ಅಂತಸ್ಸ್ರಾವಕ ಗ್ರಂಥಿಗಳು

(ವೈ) ಪ್ರಾಣಿ ಗಳಲ್ಲಿರುವ ಎರಡು ಸಂಪರ್ಕ ವ್ಯವಸ್ಥೆಗಳಲ್ಲಿ ಮೊದಲನೆಯದು ನರಮಂಡಲ. ಎರಡನೆಯದು ಅಂತಸ್ಸ್ರಾವಕ ಗ್ರಂಥಿಗಳ ವ್ಯವಸ್ಥೆ. ಈ ಗ್ರಂಥಿಗಳು ಪ್ರೊಟೀನ್ ರೂಪದ ತಮ್ಮ ಸ್ರಾವಗಳನ್ನು ಯಾವುದೇ ನಾಳಗಳ ನೆರವಿಲ್ಲದೆ ನೇರವಾಗಿ ರಕ್ತ ಪ್ರವಾಹದೊಳಕ್ಕೆ ಬಿಡುಗಡೆ ಮಾಡುತ್ತವೆ. ಹಾರ್ಮೋನುಗಳೆಂಬ ಈ ರಾಸಾಯನಿಕಗಳು ಒಂದು ಕಡೆ ಉತ್ಪಾದನೆಯಾಗಿ ಮತ್ತೆಲ್ಲಿಯೋ ಇರುವ ಅಂಗಗಳ ಮೇಲೆ ಪರಿಣಾಮವನ್ನು ಬೀರುತ್ತವೆ. ಗ್ರಂಥಿ ಸ್ರವಣದಲ್ಲಿ ಒಂದಕ್ಕಿಂತ ಹೆಚ್ಚಿನ ಹಾರ್ಮೋನುಗಳಿರಬಹುದು. ಉದಾ: ಅಪಾಯಕರ ಸನ್ನಿವೇಶಗಳಲ್ಲಿ ಅಡ್ರಿನಲ್ ಗ್ರಂಥಿಯು ಅಡ್ರಿನಾಲಿನ್ ಎಂಬ ಹಾರ್ಮೋನನ್ನು ಉತ್ಪಾದಿಸುತ್ತದೆ. ಇದು ಅಪಾಯವನ್ನು ಎದುರಿಸಲು ಅಥವಾ ಅಪಾಯದಿಂದ ಪಾರಾಗಲು ಅಗತ್ಯವಾದ ಸಿದ್ಧತೆಗಳನ್ನು ದೇಹದಲ್ಲಿ ಉಂಟುಮಾಡುತ್ತದೆ. ಅಂತಸ್ಸ್ರಾವಕ ಗ್ರಂಥಿಗಳು ಹೃದಯ, ಜಠರ ಮುಂತಾದವುಗಳ ಸ್ನಾಯುಗಳಂತೆ ಅನೈಚ್ಛಿಕವಾಗಿ ಕಾರ್ಯ ನಿರ್ವಹಿಸುತ್ತವೆ

endocrine glands

Transliterate :

<< First << Prev < 12 13 14 15 16 17 18 19 20 21 22 23 24 25 26 27 28 29 30 31 32 33 ........1107 > Next >> Last >>