Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Janapada Vastukosha (Kannada)

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಱ ಲ ಳ ವ ಶ ಷ ಸ ಹ

ಊದುಬತ್ತಿ ಸ್ಟ್ಯಾಂಡ್

ಮನೆಗಳ ಜಗಲಿಯಲ್ಲಿ, ದೇವರಕೋಣೆ, ದೇವರ ಫೋಟೋ ಅಥವಾ ದೇವರ ಮೂರ್ತಿಗಳ ಮುಂಭಾಗದಲ್ಲಿ ಊದು ಬತ್ತಿ ಉರಿಸಿಡಲು ಬಳಸುವ ಸಾಧನ. ಇದು ಸುಮಾರು ಏಳು ಇಂಚು ಎತ್ತರವಿದ್ದು, ತಳಭಾಗದಲ್ಲಿ ಆಯಾತಾಕಾರದ ಪೀಠವಿದೆ. ಈ ಪೀಠಕ್ಕೆ ನಾಲ್ಕು ಕಾಲುಗಳಿದ್ದು, ಪೀಠದ ಮೇಲ್ಭಾಗದಲ್ಲಿ ಹೂವಿನ ಚಿತ್ತಾರದ ಹಿತ್ತಾಳೆಯ ಕೊಕ್ಕೆಗಳಿವೆ. ಈ ಕೊಕ್ಕೆಗಳ ಮೇಲ್ಭಾಗದಲ್ಲಿರುವ ರಂಧ್ರಗಳಿಗೆ ಊದುಬತ್ತಿಯನ್ನು ಸಿಕ್ಕಿಸುತ್ತಾರೆ. ಕೆಲವರು ದಿನನಿತ್ಯ ಬಳಸಿದರೆ ಇನ್ನು ಕೆಲವರು ಹಬ್ಬ, ಜಾತ್ರೆ, ಉತ್ಸವ, ಮುಂತಾದ ವಿಶೇಷ ಪೂಜಾಕಾರ್ಯಗಳಲ್ಲಿ ಬಳಕೆ ಮಾಡುತ್ತಾರೆ.

Transliterate :

ಊರುಗೋಲು

ವಯಸ್ಸಾದವರು ಸ್ವತಂತ್ರವಾಗಿ ನಡೆಯಲು ಸಾಧ್ಯವಾಗದೇ ಹೋದಾಗ ಸಹಾಯಕ್ಕಾಗಿ ಬಳಸುವ ಮರದ ದೊಣ್ಣೆ. ಇದು ಸುಮಾರು ಮೂರರಿಂದ ಐದು ಅಡಿಗಳಷ್ಟು ಎತ್ತರವಿದೆ. ಎರಡು ಇಂಚಿನಿಂದ ಮೂರು ಇಂಚಿನಷ್ಟು ಸುತ್ತಳತೆ ಇದೆ. ಊರುಗೋಲುಗಳನ್ನು ಬೆತ್ತ, ಬಿದಿರು, ಜೋಣಿಗಿಡದಂಥ ಗಿಡಗಳ ಕೋಲುಗಳಿಂದ ಮಾಡಲಾಗುತ್ತದೆ. ಕೋಲಿನ ತುದಿಗೆ ಕಬ್ಬಿಣದ ಬಳೆಯನ್ನು ಜೋಡಿಸಿರುತ್ತಾರೆ. ಶ್ರೀಮಂತರು ಕಂಚಿನ ಬಳೆಗಳನ್ನು ಹಾಕಿರುವುದೂ ಉಂಟು. ಹಿಡಿಯ ಮೇಲ್ಭಾಗದಲ್ಲಿ ಬಾಗಿದ ಹಿಡಿಕೆ ನಾಗರ ಹೆಡೆಯಾಕಾರದಲ್ಲಿಯೂ ಇರುತ್ತದೆ.

Transliterate :

ಊರುಗೋಲು ಕತ್ತಿ

ಪಾಳೇಗಾರರು, ಊರಿನ ಗೌಡರು, ಶ್ರೀಮಂತರು, ತಮ್ಮ ಆತ್ಮರಕ್ಷಣೆಗಾಗಿ ಬಳಸುವ ಸಾಧನ. ಇದು ಸುಮಾರು ಎರಡರಿಂದ ಎರಡೂವರೆ ಅಡಿ ಉದ್ದವಿದ್ದು ಅರ್ಧ ಅಡಿ ಮರದ ಹಿಡಿಕೆ ಹೊಂದಿರುತ್ತದೆ. ಕತ್ತಿಯ ಎರಡು ಪಾರ್ಶ್ವಗಳೂ ಹರಿತವಾಗಿರುತ್ತವ, ತುದಿ ಚೂಪಾಗಿರುತ್ತದೆ. ಇದನ್ನು ಕಣ್ಣಿಗೆ ಕಾಣದ ಹಾಗೆ ಊರುಗೋಲ ಒಳಗಡೆ ಅಳವಡಿಸಿರುತ್ತಾರೆ. ಅವಶ್ಯಕತೆ ಬಂದಾಗ ಮಾತ್ರ ಅದನ್ನು ಹೊರಗೆ ತೆಗೆಯುತ್ತಾರೆ. ಕಳ್ಳಕಾಕರು, ದರೋಡೆಕೋರರು, ಶತ್ರುಗಳಿಂದ ತಮ್ಮನ್ನು ರಕ್ಷಿಸಿಕೊಳ್ಳುವುದಕ್ಕೆ ಮಾತ್ರ ಈ ಕತ್ತಿಯನ್ನು ಬಳಸುತ್ತಾರೆ. ನೋಡುಗರಿಗೆ ಕೇವಲ ಆಸರೆ, ದರ್ಪ, ಘನತೆಗಾಗಿ ಈ ಊರುಗೋಲನ್ನು ಬಳಸುತ್ತಾರೆಂದು ತೋರಿದರೂ ಇದರ ಒಳಗಡೆ ಕತ್ತಿ ಇರುತ್ತದೆ.

Transliterate :

<< First << Prev < 1 >> Last >>