भारतीय भाषाओं द्वारा ज्ञान

Knowledge through Indian Languages

Dictionary

Kumbarike Vrutti Padakosha (Kannada-Kannada)(KASAPA)

Kannada Sahitya Parishattu (KASAPA)

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें।
Please click here to view the introductory pages of the dictionary

ಕುಡಕಿ ಬಿರುಸು

(ನಾ)
ಮಸಿ ಗಡಿಗೆ, ಮದ್ದಿನ ಕುಡಕಿ

ಕುದುಬಿನ ಸೊಳ

(ನಾ)
ಗಡಿಗೆಗಳನ್ನು ತಟ್ಟಲು ಮೊದಲ ಹಂತದಲ್ಲಿ ಉಪಯೋಗಿಸುವ ಸೊಳ.

ಕುದುರು

(ನಾ)
ಮಡಿಕೆಗಳ ಕಂಠ

ಕುದುಪೆ

(ನಾ)
ಹಾಲು ಕಾಯಿಸಲು ಮತ್ತು ಮೊಸರು ಹೆಪ್ಪು ಹಾಕಲು ಬಳಸುವ ಗಡಿಗೆ, ತುಳುಪದ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಬಳಕೆಯಲ್ಲಿದೆ.

ಕುದುಮು

(ಕ್ರಿ)
ತಟ್ಟು ಬಡಿ, ಸೊಳದಿಂದ ಮಡಿಕೆಗಳನ್ನು ತಟ್ಟುವುದು.

ಕುರುಪಿ

(ನಾ)
ಮಣ್ಣನ್ನು ಅಗೆದು ತರಲು ಬಳಸುವ ಸಾಧನ

ಕುಲುವಲಿಗೆ

(ನಾ)
ಸೊಳ, ಮಡಿಕೆ ತಟ್ಟಲು ಬಳಸುವ ಸಲಕರಣೆ ಇದನ್ನು ಕಟ್ಟಿಗೆಯಿಂದ ತಯಾರಿಸುವರು ಕಲ್ಲಿನ ತೆಳುವಾದ ಹಲಗೆಯಿಂದಲೂ ಮಾಡುವರು.

ಕುಲಾಲ

(ನಾ)
ಕುಂಬಾರ, ಕುಲಾಲ ಎಂಬ ಮಾತು ವೈದಿಕ ವಾಙ್ಮಯದಲ್ಲಿಯೂ ಮಧ್ಯಕಾಲೀನ ಗ್ರಂಥಗಳಲ್ಲಿ ಹೆಚ್ಚು ಬಳಕೆಯಲ್ಲಿದೆ. ದಕ್ಷಿಣ ಕನ್ನಡದಲ್ಲಿ ಈ ಪದ ವ್ಯಾಪಕವಾಗಿ ಬಳಕೆಯಲ್ಲಿದೆ.

ಕುಲಾಲಕರಣ

(ಕ್ರಿ)
ಕುಂಬಾರಿಕೆ. Doing the work of potter

ಕುಲಾಲ ಚಕ್ರ

(ನಾ)
ಕುಂಬಾರನ ತಿಗುರಿ, ಚಕ್ರ, ಮಡಕೆ ಮಾಡುವ ಚಕ್ರ.

ಕುಲಾಲಿ

(ನಾ)
ಕುಂಬಾರತಿ, ಕುಂಬಾರಗಿತ್ತಿ The wife of a potter

ಕುಳ್ಳಿ

(ನಾ)
ಮಿಳ್ಳಿ, ಗಿಂಡಿ, ಚಿಕ್ಕಗಡಿಗೆ ಮೊಸರು ಮಜ್ಜಿಗೆ ಹಾಕಿಡಲು ಬಳಸುವರು. ಮಸಿದೌತಿ

ಕೂನಿ

(ನಾ)
ಮುಸರಿಗಡಗಿ

ಕೆಂಡ ಎತ್ತುವ ಜಾಲರಿ

(ನಾ)
ಆವಿಗೆ ಸುಡುವಾಗ ಕುಂಬಾರರು ಬಳಸುವ ಸಾಧನ

ಕೇಲು

(ನಾ)
ಸಣ್ಣ ಕೊಡ, ಕಲಶ, ಐರಾಣಿಗಳಲ್ಲಿ ಒಂದು, ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಇದರಲ್ಲಿ ನೀರು ತುಂಬಿ, ಕಂಠದ ಸುತ್ತಲು ಮಾವಿನ ಎಲೆಗಳನ್ನಿಟ್ಟು ಅವುಗಳ ಮೇಲೆ ತೆಂಗಿನ ಕಾಯಿ ಇಟ್ಟು ಅರಿಶಿಣ ಕುಂಕುಮ ಹಚ್ಚಿ ಪೂಜಿಸುವರು ಗ್ರಾಮದೇವತೆಗಳ ಉತ್ಸವದಲ್ಲಿ ಕುಂಬಾರರ ಮನೆಯಿಂದ ಕೇಲನ್ನು ಭಕ್ತಿಯಿಂದ ಒಯ್ಯುವ ಪದ್ಧತಿ ಕೆಲವು ಕಡೆ ಇದೆ.

ಕೈ

(ನಾ)
ಪಾತ್ರೆ ಆಕಾರದ ಮಡಕೆ. ಮದುವೆ, ಮೊದಲಾದ ಸಮಾರಂಭಗಳಲ್ಲಿ ಸಾರು ಬಡಿಸಲು ಇದನ್ನು ಉಪಯೋಗಿಸುವರು. ಅದಕ್ಕೆ ಮುಂದುಗಡೆ ಮೂತಿ ಇರುತ್ತದೆ. ಕೆಲವೆಡೆ ಕೈ ಒಳಲೆ ಎಂದು ಕರೆಯುವರು.

ಕೈಗಡಿಗೆ

(ನಾ)
ಕೈಯಿಂದ ತಯಾರಿಸುವ ಮಡಕೆ, ಕುಂಬಾರ ಹೆಣ್ಣು ಮಕ್ಕಳು ಕೈಯಿಂದ ತಯಾರಿಸುವ ಪಾತ್ರೆಗಳು.

ಕೈಪಣತಿ

(ನಾ)
ಕೈದೀಪ, ಬೇಕಾದಾಗ ಮನೆಯೊಳಗೆ ಹಿಡುದುಕೊಂಡು ಓಡಾಡಲು ಅನುಕೂಲವಾದ ಮಣ್ಣಿನ ಪಣತಿ.

ಕೈಪಾಳಿ

(ನಾ)
ಮುಚ್ಚುಳ

ಕೈಸಾಮಾನು

(ನಾ)
ಕೈಯಿಂದ ಮಾಡಿದ ಕುಡಿಕಿ, ಚಟಕಿ, ಬೋಗುಣಿ ಮುಂತಾದ ಮಣ್ಣಿನ ವಸ್ತುಗಳು.

Languages

Dictionary Search

Loading Results

Quick Search

Follow Us :   
  भारतवाणी ऐप डाउनलोड करो
  Bharatavani Windows App