भारतीय भाषाओं द्वारा ज्ञान

Knowledge through Indian Languages

Dictionary

Kumbarike Vrutti Padakosha (Kannada-Kannada)(KASAPA)

Kannada Sahitya Parishattu (KASAPA)

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें।
Please click here to view the introductory pages of the dictionary

< previous123456Next >

ಕಂಗಜ

(ನಾ)
ಬಟ್ಟೆ ಹಾಕಿಡಲು ಬಳಸುತ್ತಿದ್ದ ಹರವಿ ಆಕಾರದ ತುಸು ಚಿಕ್ಕ ಬಾಯಿಯ ಮಡಕೆ. ಮಲೆನಾಡಿನ ಶೈವ ಒಕ್ಕಲಿಗರು ಇದನ್ನು ಬಳಸುತ್ತಿದ್ದರು.

ಕಂಠ

(ನಾ)
ಗಡಿಗೆಯ ಕುತ್ತಿಗೆ, ಹರವಿಯ ಕಂಠ, ಕೊರಳು

ಕಂಠಕಟ್ಟು

(ಕ್ರಿ)
ಕುಂಬಾರ ಗಿತ್ತಿಯರು ಬೋಸಿ ತೀಡಿ ಅದು ಸ್ವಲ್ಪ ಒಣಗಿದ ನಂತರ ಮಣ್ಣಿನ ಸುರಳಿ ಮಾಡಿ ಬಾಯಿಗೆ ಕಂಠ ಕಟ್ಟುವರು ಇದನ್ನೇ ಕಂಠ ಹಚ್ಚುವದು ಎನ್ನುವರು.

ಕಂದಲು

(ನಾ)
ಮಣ್ಣಿನ ಚಿಕ್ಕ ಪಾತ್ರೆ, ಗಿಂಡಿ, ಬಟ್ಟಲು
“ಹಾಲು ಕಂದಲು ತುಪ್ಪದ ಮಡಿಕೆಯ-ಬೊಡು ಮುಕ್ಕೆನಬೇಡ” – ಬಸವಣ್ಣ

ಕಂಬಿ

(ನಾ)
ಕೋಲು, ಟೊಳ್ಳಾದ ದಪ್ಪನೆಯ ಬಿದಿರು, ತಿಗರಿಯ ಮೇಲೆ ಹರವಿ, ಕೊಡ, ಗಡಿಗೆ ಮಾಡುವಾಗ ಅವುಗಳ ಕಂಠಗಳನ್ನು ನುಣುಪು ಮಾಡಲು ಉಪಯೋಗಿಸುವ ಸಾಧನ.

ಕಚ್ಚಣಿ

(ನಾ)
ಮುಚ್ಚಳ

ಕಚ್ಚುಹೊಡೆ

(ಕ್ರಿ)
ಕಚ್ಚು ಹಾಕು, ಅಚ್ಚು ಹಾಕುವುದು ಮಡಕೆ, ಕೊಡ ಬಿಂದಿಗೆ, ಹರವಿ, ಮೊದಲಾದ ಪಾತ್ರೆಗಳು ಅಂದವಾಗಿ ಕಾಣಲೆಂದು ಅವುಗಳ ಕಂಠ ಮತ್ತು ಮಧ್ಯಭಾಗದ ಸುತ್ತಲೂ ಕಚ್ಚುಸೂಳದಿಂದ ಕಚ್ಚುಹೊಡೆಯುವರು. ಮಡಿಕೆಗಳು ಹಸಿ ಇರುವಾಗ, ಕಚ್ಚು ಮತ್ತು ಮುದ್ರೆಗಳನ್ನು ಒತ್ತುವರು.

ಕರ್ಜನ

(ನಾ)
ಬಟ್ಟೆ ಇಡಲು ಬಳಸುತ್ತಿದ್ದ ಮಣ್ಣಿನ ಪಾತ್ರೆ. ಹಿಂದಿನ ಕಾಲದಲ್ಲಿ ಇಂಥ ಅಪೂರ್ವ ಪಾತ್ರೆಗಳನ್ನು ಬಳಸುತ್ತಿದ್ದರು. ದಕ್ಷಿಣ ಕನ್ನಡಜಿಲ್ಲೆಯಲ್ಲಿ ಸೂಳ್ಯ ತಾಲ್ಲೂಕಿನಲ್ಲಿ ಒಂದು ಕರ್ಜನ್ ಪಾತ್ರೆದೊರೆತಿದ್ದು, ಅದನ್ನು ಮೈಸೂರು ವಿಶ್ವವಿದ್ಯಾನಿಲಯದ ಜಾನಪದ ವಸ್ತು ಸಂಗ್ರಾಹಲಯದ ಕ್ಯುರೇಟರರಾದ ಯು.ಎಸ್. ರಾಮಣ್ಣ ಅವರು ಸಂಗ್ರಹಿಸಿದ್ದಾರೆ.

ಕಟಕಿ

(ನಾ)
ಕುಡಕಿ, ಚಿಕ್ಕ ಗಡಿಗೆ, ಕುಡಿಕೆ

ಕಟ್ಟಿಗೆ ಹಣಗಿ

(ನಾ)
ಹಸಿಮಡಿಕೆಗಳ ಮೇಲೆ ವಿವಿಧ ಗೆರೆಗಳನ್ನು ಹಾಕಲು ಬಳಸುವ ಸಾಧನ. ತಲೆ ಹಿಕ್ಕುನ ಕಟ್ಟಿಗೆ ಹಣಿಗೆಯ ತುಂಡನ್ನಾಗಲಿ, ಇಲ್ಲವೆ ಐದಾರು, ಸೂಜಿಗಳನ್ನ್ನು ಹಣಿಗೆಯಂತೆ ಜೋಡಿಸಿ ಕಟ್ಟಿ ಮಡಿಕೆಗಳ ಕಂಠ ಮತ್ತು ಬದಿಗಳ ಸುತ್ತಲೂ ಗೆರೆ ಹಾಕಲು ಇದನ್ನು ಉಪಯೋಗಿಸುವರು.

ಕಠೊರಿ

(ನಾ)
ಕಠೊರೆ, ಮೊಹರಂ ಹಬ್ಬದಲ್ಲಿ ಮುಸ್ಲಿಂ ಜನಾಂಗದವರು ಮಡಿಕೆಯಲ್ಲಿಪಾನಕ ಒಯ್ಯುವಾಗ ಅದಕ್ಕೆ ಮುಚ್ಚುವ ಮಣ್ಣಿನ ಮುಚ್ಚಳ.

ಕಡಬಿನ ಪಾಸಾಲೆ

(ನಾ)
ಮುಚ್ಚಳ, ಕಡಬು ಬೇಯಿಸುವ ಪಾತ್ರೆಗೆ ಮುಚ್ಚಲು ಬಳಸುವ ಮುಚ್ಚಳ. ದಕ್ಷಿಣ ಕರ್ನಾಟದಲ್ಲಿ ಬಳಕೆಯಲ್ಲಿದೆ.

ಕಡ್ಲೆಕಾಯಿ ಬೇಯಿಸುವ ಪಾತ್ರೆ

(ನಾ)
ಕಡ್ಲೆಕಾಯಿ ಬೇಯಿಸುವ ಮಡಕೆ. ಅಗಲ ಬಾಯಿಯುಳ್ಳ ಚಟಿಗೆ ಇದರ ಸೊಂಟದ ಭಾಗದಲ್ಲಿ ಚಿಕ್ಕ-ಚ್ಚಿಕ್ಕ ರಂಧ್ರಗಳನ್ನು ಮಾಡಿರುವರು. ಬೆಂಗಳೂರು ಮತ್ತು ಕೋಲಾರ ಜಿಲ್ಲೆಗಳಲ್ಲಿ ಹೆಚ್ಚಾಗಿ ಇದರ ಬಳಕೆ ಇದೆ.

ಕತ್ತ

(ನಾ)
ನಾರಿನ ಹುರಿಹಗ್ಗ

ಕತ್ತಬಳೆ

(ನಾ)
ಈಸುಕೋಲು-ನೋಡಿ

ಕತ್ತಿ

(ನಾ)
ಕಾಡಿನಿಂದ ಗಿಡಗಂಟಿ ಕೊಯ್ದು ತರಲು ಬಳಸುವ ಉದ್ದನೆಯ ಕತ್ತಿ ಆವಿಗೆಯನ್ನು ತೆಗೆಯುವಾಗ ಬಿಸಿ ಮಡಕೆಗಳನ್ನು ಎತ್ತಿ ಹೊರಗೆ ತೆಗೆಯಲು ಕೂಡ ಬಳಸುವರು.

ಕನ್ನಕೊರೆ

(ಕ್ರಿ)
ಕಿಂಡಿ ಮಾಡುವುದು. ಹರವಿ ಮುಂತಾದ ದೊಡ್ಡ ದೊಡ್ಡ ಪಾತ್ರೆಗಳನ್ನು ತಯಾರಿಸುವಾಗ ಸೊಳಕಲ್ಲಿನಿಂದ ತಟ್ಟಲು ಕೈಗೆ ನಿಲುಕದು. ಆಗ ಮಡಿಕೆಯಲ್ಲಿ ಕೈ ಹೋಗುವಷ್ಟು ಕಿಂಡಿ ಕೊರೆದು ರಂಧ್ರಮಾಡುವ ಕ್ರಿಯೆ. ಆರಂಧ್ರದಲ್ಲಿ ಕೈಹಾಕಿ ಅದನ್ನು ತಟ್ಟುವರು. ಆ ಕೆಲಸ ಮುಗಿದ ಮೇಲೆ ಆ ರಂಧ್ರವನ್ನು ಮುಚ್ಚುವರು.

ಕರ್ಪರ

(ನಾ)
ಗಡಿಗೆ, ಭಿಕ್ಷೆ ಬೇಡುವ ಮಣ್ಣಿನ ಪಾತ್ರೆ

ಕಪ್ಪಾಲ

(ನಾ)
ಭತ್ತ ನೆನೆ ಹಾಕುವ ಮಣ್ಣಿನ ಪಾತ್ರೆ, ದಕ್ಷಿಣ ಕನ್ನಡದಲ್ಲಿ ಬಳಕೆಯಲ್ಲಿದೆ.

ಕಪ್ಪು-ಬಸಿ

(ನಾ)
ಚಹ ಕುಡಿಯುವ ಬಟ್ಟಲು ಮತ್ತು ಲೋಟ, ಜೇಡಿ ಮಣ್ಣಿನಲ್ಲಿ ಇವುಗಳನ್ನು ತಯಾರಿಸುವರು. ಜಪಾನಿಯರು ಅಂದವಾದ ಕಪ್ಪು-ಬಸಿಗಳನ್ನು ತಯಾರಿಸುವರು. ಪಿಂಗಾಣಿ ಕಪ್ಪು ಬಸಿ ಬಹಳ ಬಳಕೆಯಲ್ಲಿದೆ.
< previous123456Next >

Languages

Dictionary Search

Loading Results

Quick Search

Follow Us :   
  भारतवाणी ऐप डाउनलोड करो
  Bharatavani Windows App