ಅಂಗೈಯಟು

ಅಂಗೈನಷ್ಟು; ಚಿಕ್ಕ ಪ್ರಮಾಣದ; ಸಣ್ಣ ಗಾತ್ರದ (ಬಿಜಾ.ಜಿ)

ಅಂಗೈಯಾಗಾರುತಿ ಬೆಳಗು

ಶಸ್ತ್ರವೊಂದಕ್ಕೆ ಕಕ್ಕಡವನ್ನು ಸುತ್ತಿ, ಅದನ್ನು ಮುಂಗೈ ಮಣಿಕಟ್ಟು ಅಥವಾ ಅಂಗೈಯಲ್ಲಿ ಆರುಪಾರಾಗುವಂತೆ ಚುಚ್ಚಿಕೊಂಡು ಕಕ್ಕಡ ಹೊತ್ತಿಸಿ, ಅದರಿಂದ ದೇವರಿಗೆ ಕಕ್ಕಡಾರತಿ ಬೆಳಗುವುದು (ಬಳ್ಳಾ.ಜಿ) ನೋಡಿ – ಕಕ್ಕಡ

ಅಂಗೈರೇಖು

ಅಂಗೈಯಲ್ಲಿರುವ ಗೆರೆ. ಈ ಗೆರೆಗಳ ವಿನ್ಯಾಸವನ್ನು ಆಧರಿಸಿ ವ್ಯಕ್ತಿಯ ಭವಿಷ್ಯವನ್ನು ಹೇಳಲಾಗುತ್ತದೆ ನೋಡಿ – ಅಂಗರೇಕೆ

ಅಂಗೈಹಾಂಗ

ಸಮತಟ್ಟಾದ (ಧಾರ.ಜಿ)

ಅಂಗೊಸ್ತ್ರ

ಅಂಗವಸ್ತ್ರ

ಅಂಗೊಸ್ತ್ರ

ವಲ್ಲಿ; ಉತ್ತರೀಯ

ಅಂಗೊಸ್ತ್ರ

ಚಿಕ್ಕಪಂಚೆ;ಪಾಣಿಪಂಚೆ

ಅಂಗ್‌ತಾರ‍್ಣ

ಆಕಾಶದ ಕಡೆಗೆ ಮುಖಮಾಡಿ ಮಲಗಿದ ಭಂಗಿ; ಅಂಗಾತ (ಮೈಸೂ.ಜಿ)

ಅಂಗ್ನೂಲು

ನೋಡಿ – ಅಂಗದಾರ

ಅಂಗ್‌ಮಂಗಿ

ಬೆಡಗಿ; ತಿಳಿದೂ ತಿಳಿಯದವಳಂತೆ ನಟಿಸುವವಳು

ಅಂಗ್ಯಾಳ

ಅಣ್ಣೆಕಲ್ಲು ಆಟಕ್ಕೆ ಬಳಸುವ ಹರಳು

ಅಂಗ್ರಕಡ್ಡಿ

ಹಂಗರುಕಡ್ಡಿ; ಹಂಗರುಸೌದೆ; ಗ್ರಾಮೀಣ ಪ್ರದೇಶದಲ್ಲಿ ಉರುವಲಾಗಿ ಬಳಸುವ ಒಂದು ಜಾತಿಯ ಹಸಿಗಿಡ. ಇದರಲ್ಲಿ ಎಣ್ಣೆಯ ಅಂಶ ಇರುವುದರಿಂದ ಹಸಿಗಿಡಕ್ಕೇ ಬೆಂಕಿ ಹಾಕಿದರೂ ಉರಿಯುತ್ತದೆ (ಹಾಸ.ಜಿ)

ಅಂಗ್ರು

ನೋಡಿ – ಅಂಗರ

ಹಂಗ್ರುಗುತ್ತಿ (ಮೈಸೂ.ಜಿ)

ಅಂಗ್ಲಾಪು

ಅಂಗಲಾಚು; ಹಂಬಲಿಸು

ಅಂಗ್ಳಗುಳ್ಳಿ

ಅಂಗಳ ಗುಳ್ಳಿ; ನಾಲಿಗೆ ಕೆಳಗಿನ ಗುಳ್ಳಿ

ಅಂಗ್ಳಶುಧಿ

ಅಂಗುಳ ಶುದ್ಧಿ; ಗೊರವರಲ್ಲಿ, ಹುಟ್ಟಿದ ಮೂರನೆ ದಿನದಂದು ಮಗುವಿಗೆ ಮಾಡುವ ನಾಲಿಗೆಶುದ್ಧಿಯ ಆಚರಣೆ (ಬೆಂಗ.ಜಿ)

ಅಂಚ

ಹೂವು

ಅಂಚ

ತುದಿ

ಅಂಚ

ಹಂಚು

ಅಂಚಡಿ

ಚಿಂದಿಬಟ್ಟೆ