ಅಂಕೆಹಾಕುವುದು/ಅಂಕೆಗೆ ಹಾಕುವುದು

ಶಿರಸಿಯ ಮಾರಿಕಾಂಬ ದೇವಸ್ಥಾನದ ಜಾತ್ರೆಗೆ ಸಂಬಂಧಿಸಿದ ಒಂದು ಆಚರಣೆ. ಜಾತ್ರೆಗೆ ಮುಂಚೆ ದೇವಿಯ ಮದುವೆ ನಿಶ್ಚಿತಾರ್ಥದ ಶಾಸ್ತ್ರಮಾಡಿ, ಅಣಿಮಾಡಿದ ವೇಇಕೆಯ ಬಳಿ ಸಣ್ಣ ಸಣ್ಣ ಗಡಿಗೆಗಳನ್ನು ಜೋಡಿಸಿಟ್ಟು, ಮಧ್ಯದಲ್ಲಿ ದೀಪ ಹಚ್ಚುತ್ತಾರೆ. ನಂತರ ಪಟ್ಟದ ಕೋಣದ (ನೋಡಿ – ಪಟ್ಟದ ಕೋಣ) ಕುಂಭಕ್ಕೂ ಉತ್ಸವದ ಪ್ರಮುಖರಿಗೂ ಕಂಕಣ ಕಟ್ಟುತ್ತಾರೆ

ಅಂಕೆಹಾಕುವುದು/ಅಂಕೆಗೆ ಹಾಕುವುದು

ಗ್ರಾಮದೇವತೆಗಳ ಜಾತ್ರೆಯಲ್ಲಿ ಕಂಡುಬರುವ ಒಂದು ಆಚರಣೆ

ಅಂಕೆಹಾಕುವುದು/ಅಂಕೆಗೆ ಹಾಕುವುದು

ನಂಬುಗೆ ಸ್ವೀಕರಿಸುವುದು

ಅಂಕೆಹಾಕುವುದು/ಅಂಕೆಗೆ ಹಾಕುವುದು

ಮದುವೆಯ ಕೂಸು ನಿಶ್ಚಯಿಸಿ ಕಂಕಣಕಟ್ಟಿ ವ್ರತಬದ್ಧರಾಗುವುದು

ಅಂಕೆಹಾಕುವುದು/ಅಂಕೆಗೆ ಹಾಕುವುದು

ಬಲಿಕೊಡಲು ಕಟ್ಟಿಹಾಕಿದ ಕೋಣನಿಗೆ ಐದು ಅಥವಾ ಒಂಬತ್ತು ದಿನ ಸುಣ್ಣದ ನೀರನ್ನು ಸ್ವಲ್ಪ ಪ್ರಮಾಣದಲ್ಲಿ ಕುಡಿಸುವುದು (ಚಿತ್ರ.ಜಿ)

ಅಂಕೊಂಡಿ

ಕೂರಿಗೆಯ ದಿಂಡಿಗೆ ಕಟ್ಟಲು ಬಳಸುವ ಚರ್ಮದ ಪಟ್ಟಿಗೆ ಜೋಡಿಸಿರುವ ಚಿಕ್ಕ ಮೊಳೆ (ರಾಯ.ಜಿ)

ಅಂಕೊಜಿ

ನೋಡಿ – ಅಂಕೊಣಿ

ಅಂಕೊಡಿ

ನೋಡಿ – ಅಂಕೊಣಿ

ಅಂಕೊಣಿ/ಅಂಕೊಜಿ/ಅಂಕೊಡಿ

ಕತ್ತಿ ತೂಗುಹಾಕುವ ಮರದ ಅಥವಾ ಬಿದಿರಿನ ರಚನೆ

ಅಂಕೊಣಿ/ಅಂಕೊಜಿ/ಅಂಕೊಡಿ

ಸೊಂಟಪಟ್ಟಿ ಅಥವಾ ಕೊಕ್ಕೆ (ದಕ.ಜಿ)

ಅಂಕೋಲಧಾರೆ

ಶೇರುದಾರ ಜನಾಂಗದವರಲ್ಲಿ ವಿಧುರತ್ವ ಪ್ರಾಪ್ತವಾಗದಿರಲೆಂದು ಮಾಡುವ ಅನಿಷ್ಟ ನಿವಾರಣೆಯ ಆಚರಣೆ (ಉಕ.ಜಿ)

ಅಂಕೋಲೆ/ಅಂಕಾಲೆ

ಆಲ್ಯಾಂಜಿಯಮ್ ಲಮಾರ್ಕಿಐ: ಉದ್ದವಾದ ಮುಳ್ಳಿರುವ ಒಂದು ಬಗೆಯ ಮರ. ಸಂಕ್ರಾಂತಿ ಹಬ್ಬದ ಹಿಂದಿನ ದಿವಸ ಇದರ ಕಡ್ಡಿಯನ್ನು ಮನೆಗಳಲ್ಲಿ, ಹುಲ್ಲಿನ ಮೆದೆಗಳಲ್ಲಿ ಸಿಕ್ಕಿಸುತ್ತಾರೆ. ಮಾಟಮಂತ್ರ, ಭೂತಪಿಶಾಚಿಗಳ ಕಾಟವನ್ನು ನಿವಾರಿಸುತ್ತದೆಂಬ ನಂಬಿಕೆಯಿಂದ ಮಕ್ಕಳ ತೊಟ್ಟಿಲಿಗೆ ಕಟ್ಟುತ್ತಾರೆ. ಮೈನೆರೆದ ಹೆಣ್ಣುಮಕ್ಕಳ ಕೋಣೆಯಲ್ಲಿ ಇಡುತ್ತಾರೆ. ಈ ಮರದಿಂದ ವಾಸ್ತುಪುರುಷನನ್ನು ಮಾಡಿ ಗೃಹಪ್ರವೇಶ ಸಂದರ್ಭದಲ್ಲಿ ಮನೆಯ ಈಶಾನ್ಯದಿಕ್ಕಿನಲ್ಲಿ ನವರತ್ನಗಳೊಂದಿಗೆ ಹೂಳುವ ಸಂಪ್ರದಾಯವಿದೆ.

ಹೊಡ್ಗೆಗಡ (ತುಮ.ಜಿ), ಊಡುಗಮರ (ಕೋಲಾ.ಜಿ) (ಚಿತ್ರ ನೋಡಿ)

ಅಂಕ್‍ಪಂಕ್ಲರೋಗ

ಸಣ್ಣಪುಟ್ಟ ಕಾಯಿಲೆ; ಇಂತಹುದೇ ಎಂದು ಹೆಸರಿಸಲಾಗದ ಒಂದು ಸಣ್ಣ ಅನಾರೋಗ್ಯ ಸ್ಥಿತಿ

ಕಸಗಲು (ಮಂಡ್ಯ.ಜಿ/ಬೆಂಗ್ರಾ.ಜಿ)

ಅಂಕ್ಲ

ನೋಡಿ – ಅಂಕಣ

ಅಂಕ್ಲು

ಮಳೆ ಆಶ್ರಯದ ಜಮೀನು (ಶಿವ.ಜಿ).

ಬೆದ್ಲು

ಅಂಗ

ದೇಹದ ಒಂದು ಭಾಗ

ಅಂಗ

ಹಂಗ; ಶುಭ ಅಶುಭಗಳನ್ನು ಸೂಚಿಸುವುದೆಂದು ನಂಬಲಾದ ನೀಲಬಣ್ಣದ ಪಕ್ಷಿ; ಶಕುನದಹಕ್ಕಿ (ಬಳ್ಳಾ.ಜಿ)

ಅಂಗ

ದೋಣಿ ನಡೆಸುವ ಜನಾಂಗ; ಅಂಬಿಗ (ಉಕ.ಜಿ)

ಅಂಗಾಡಕ/ಅಂಗಾಡ್ಕ

ಓರಣ; ಲಕ್ಷಣ; ಅಚ್ಚುಕಟ್ಟು (ಮೈಸೂ.ಜಿ)

೧. ಮಾಡೋ ಕೆಲಸ್ದಾಗೆ ಒಂದು ಅಂಗ ಅಡ್ಕಇರ‍್ಬೇಕು

ಅಂಗಾಡಕ/ಅಂಗಾಡ್ಕ

೨. ಏನೇ ಮಾತಾಡಿದ್ರೂವೇ ಅದ್ರಲ್ಲಿ ಒಂದು ಅಂಗ ಅಡ್ಕ ಇರ‍್ಬೇಕು