भारतीय भाषाओं द्वारा ज्ञान

Knowledge through Indian Languages

Dictionary

Odiya Loka Sanskruti Sabdakosa

Odisha Sahitya Akademi

ଶବ୍ଦକୋଷର ପରିଚୟାତ୍ମକ ପୃଷ୍ଠାକୁ ଦେଖିବା ପାଇଁ ଦୟାକରି ଏହିଠାରେ କ୍ଲିକ କରନ୍ତୁ।
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

< previous123Next >

ଠ ଠା ଠି

ଦୁରବସ୍ଥା, ଶୋଚନୀୟ ଅବସ୍ଥା l

ଠକରା

ଠକ୍‌ ଠକ୍‌ ଶବ୍ଦ ସୃଷ୍ଟି କରୁଥିବା ବାଉଁଶ ତିଆରି ଏକ ପ୍ରକାରର ବାଦ୍ୟ l

ଠଣା

୧. କଣମୁଛା, କାନ୍ଥକୁରା; ମାଟି କାନ୍ଥରେ କୌଣସି ଜିନିଷ ରଖିବା ନିମିତ୍ତ କରାଯାଇଥିବା ଖୋପ l ୨. ଛାଉଣି, ଶିବିର l

ଠସ

ଲୁହା, ତମ୍ବା, କଂସା, ପିତଳ, ସୁନାରୁପା ଆଦି ଧାତୁ ତିଆରି କରିବା ନିମିତ୍ତ ବ୍ୟବହୃତ ଛାଞ୍ଚ l

ଠାଆ

୧. ସ୍ଥାନ l ୨. ଖାଇବା ସ୍ଥାନରେ ଜଳପାତ୍ର ଇତ୍ୟାଦି ରଖିବା ନିମିତ୍ତ ଭୂମିରେ ମୁରୁଜ ଦ୍ଵାରା ଲେଖାଯିବା ଚିତ୍ର l

ଠାଆପିଢ଼ା

ଖାଇବା ସ୍ଥାନକୁ ପରିଷ୍କାର ପରିଚ୍ଛନ୍ନ କରି, ମୁରୁଜ ପକାଇ, ଖାଇ ବସିବା ନିମିତ୍ତ ପିଢ଼ା ପକାଇବା l

ଠାଆବଢା

ଖାଇବା ସ୍ଥାନରେ ସଜ୍ଜା ଯାଇଥିବା ଖାଦ୍ୟ ସାମଗ୍ରୀ l

ଠାଆସଜ

ଖାଇବା ପାଇଁ ଉଦ୍ଦିଷ୍ଟ ବାସନ, ଜଳପାତ୍ର, ପିଢ଼ା ଇତ୍ୟାଦି ସରଞ୍ଜାମ l

ଠାଉଆ

ଆଗରୁ କୌଣସି ଜିନିଷ ଠାବ କରି ପରେ ଚୋରି କରୁଥିବା ଛୋଟ କାଟିଆ ଚୋର l

ଠାକରା

୧. ତୁମ୍ବବାଣ | ୨. ଦେ‌ଉଳ ଉପରେ ସର୍ବଶେଷରେ ମୁଦା ଯାଉଥିବା ପଥରଖଣ୍ଡ l ୩. ଚୁଲିଝିଙ୍କା l ୪. ଖପରା l

ଠାକୁର

ଦିଅଁ, ଦେବତା, ପୁରୋହିତ, ବ୍ରାହ୍ମଣ l

ଠାକୁରରାଜା

ପୁରୀର ରାଜା l ପୁରୀର ଗଜପତି ବଂଶୀୟ ରାଜା l ହିନ୍ଦୁ ଜାତିର ଉପାସ୍ୟ ଦେବତା ଶ୍ରୀ ଜଗନ୍ନାଥଙ୍କର ପରମ ସେବକ ଓ ମାର୍ଫତଦାର ହୋ‌ଇଥିବାରୁ ତାଙ୍କୁ ଠାକୁରରାଜା କୁହାଯାଏ l

ଠାକୁରାଣୀ

୧. ଦେବୀ l ୨. ଗ୍ରାମଦେବତୀ l ୩. ଶୀତଳା ଦେବୀ l ୪. ବସନ୍ତ ରୋଗ l ବସନ୍ତ ଭଳି ବାୟୁବାହିତ ସଂକ୍ରାମକ ରୋଗକୁ ଲୋକେ ଠାକୁରାଣୀ ବା ବସନ୍ତେଇ ବିଜେ ହେଲେ ବୋଲି କହନ୍ତି ଓ ପଣାପାଣି ସମର୍ପଣ କଲେ ଏଇ ରୋଗରୁ ମୁକ୍ତି ମିଳେ ବୋଲି ବିଶ୍ଵାସ କରନ୍ତି l

ଠାକୁରାଣୀ ଲାଗିବା

କାଳିସୀ ଲାଗିବା, ଠାକୁରାଣୀ ଉଭା ହେବା, ମଣିଷ ଦେହରେ ଗ୍ରାମଦେବୀଙ୍କର ଆବିର୍ଭାବ l ଠାକୁରାଣୀ ସବାର ସାଜିଥିବା ଲୋକକୁ କାଳିସୀ କୁହାଯାଏ l ତା’ର ଅଦ୍ଭୁତ ଆଚରଣ ଦେଖାଦିଏ l ସେ ଜିଭ କାଢ଼େ, ଅସ୍ଥିର ପଦରେ ନୃତ୍ୟ କରେ, ଠାକୁରାଣୀ ଓହ୍ଲାଇଯିବା ପରେ ସ୍ଵାଭାବିକ ଅବସ୍ଥାକୁ ଫେରିଆସେ l

ଠାକୁରାଣୀଗାଧୁଆ

୧. ଠାକୁରାଣୀ ମାଜଣା l ୨. ତିନିଦିନ ରଜ ପାଳିବା ପରେ ଦେବୀ ବସୁମତୀଙ୍କୁ ସ୍ନାନ କରାଇ ପୂଜା ଓ ବନ୍ଦାପନା କରିବା l ୩. କୌଣସି ମାନସିକ ପୂରଣ ପାଇଁ ଦେବୀଙ୍କୁ ହଳଦୀପାଣି, ଚୂଆ, ଚନ୍ଦନାଦି ଦେଇ ସ୍ନାନ ପରେ କଳା, ସିନ୍ଦୂର, ନୂଆ ବସ୍ତ୍ର ପ୍ରଦାନାଦି ବିଧି l

ଠାକୁରାଣୀଯାତ୍ରା

ଫଗୁଣ ଶୁକ୍ଳ ଦ୍ଵିତୀୟାଠାରୁ ଚୈତ୍ର ମାସ ଶେଷ ପର୍ଯ୍ୟନ୍ତ ଅନୁଷ୍ଠିତ ଦେବୀ ଉପାସନା ଉତ୍ସବ l ଏଥିପାଇଁ ବ୍ରହ୍ମପୁର ପ୍ରସିଦ୍ଧ l ଏଇ ଉଦ୍ଦେଶ୍ୟରେ କାଠ ଖୁମ୍ବ ପୋତାଯାଏ, ଚୈତ୍ର ମାସର ମଙ୍ଗଳବାର ଦିନ ତାରା-ତାରିଣୀ ଦେବୀଙ୍କ ପୂଜା କରାଯାଏ ଓ ଶେଷରେ ପଶୁ ପକ୍ଷୀ ବଳି ଦିଆଯାଏ l

ଠାପୁଆ

କାମରେ ଠକୁଥିବା ଲୋକ l

ଠାୟାଁ

ବିଧବା ନାରୀକୁ ପୁନର୍ବିବାହ କରିଥିବା ପୁରୁଷ l ଠାୟାଁ, ଠାୟାଁଣିଙ୍କ ଗର୍ଭଜାତ ପୁତ୍ର l

ଠାୟାଁଣି

ପୁଣି ବାହା ହୋ‌ଇଥିବା ବିଧବା l

ଠାର

ଲୋକ ସମାଜରେ ପ୍ରଚଳିତ ଠାର ଭାଷା, ସଂକ୍ଷିପ୍ତ ସ୍ଵତନ୍ତ୍ର ଭାଷା l ଯଥା : ଶଶିଠାର, କପ୍ନଣଠାର l
– ମୁଁ ପ୍ନୁ କାପ୍ନାହିଁକି ତୁପ୍ନମ ଘପ୍ନରକୁ ଯିପ୍ନିବି ?
– ମୁଁ କାହିଁକି ତୁମ ଘରକୁ ଯିବି ?
ପ୍ରଥମ ବାକ୍ୟରୁ ‘ପ୍ନୁ’, ‘ପ୍ନା’, ‘ପ୍ନ’, ‘ପ୍ନି’ ଇତ୍ୟାଦି କଟିଛି l
< previous123Next >

Languages

Dictionary Search

Loading Results

Quick Search

Follow Us :   
  भारतवाणी ऐप डाउनलोड करो
  Bharatavani Windows App