भारतीय भाषाओं द्वारा ज्ञान

Knowledge through Indian Languages

Dictionary

Navakarnataka Vijnana Tantrajnana Padasampada (2011)

Navakarnataka Publications Private Limited

< previous12345Next >

ಏಕಕ

(ಸಾ) ನೋಡಿ: ಏಕಮಾನ

ಏಕಕ ಮಾತೃಕೆ

(ಗ) ಈ ಮುಂದಿನ ನಿರ್ಬಂಧಗಳನ್ನು ತೃಪ್ತಿಪಡಿಸುವ ಒಂದು ಚೌಕ ಮಾತೃಕೆ : ೧. ಪ್ರಧಾನ ಕರ್ಣದ ಪ್ರತಿಯೊಂದು ಧಾತುವೂ, ಅಂದರೆ, ಮೇಲು-ಎಡದಿಂದ ತಳ-ಬಲದವರೆಗೆ ಪ್ರಧಾನ ಕರ್ಣದ ಮೇಲಿನ ಎಲ್ಲ ಧಾತುಗಳೂ

ಏಕಕವಾಟಿ

(ಪ್ರಾ) ಬಸವನಹುಳು, ಶಂಖಹುಳು ಮೊದಲಾದವುಗಳಲ್ಲಿರುವಂತೆ ಒಂದೇ (ಇಡೀ) ಚಿಪ್ಪು (ಒಂದೇ ಒಂದು ಕವಾಟ) ಇರುವ (ಮೃದ್ವಂಗಿ)

ಏಕಕಾಲಿಕ ಸಮೀಕರಣಗಳು

(ಗ) ಏಕಕಾಲದಲ್ಲಿ ಸಿಂಧುವಾಗುವ ಎರಡು ಅಥವಾ ಹೆಚ್ಚು ಸಮೀಕರಣ ಗಳು. ಉದಾ: 2x+y=3, 3x+4y=2 ಸಮೀಕರಣಗಳು x=2, y=-1 ಬೆಲೆಗಳಿಗೆ ಸಿಂಧು. ಇವು ಈ ಸಮೀಕರಣಗಳ ಪರಿಹಾರಗಳು

ಏಕಕಾಲೀನ

(ಭೌ) ಒಂದೇ ಕಾಲದಲ್ಲಿ ಅಸ್ತಿತ್ವದಲ್ಲಿ ಇರುವ. ಒಂದೇ ಕಾಲದ

ಏಕಕೇಂದ್ರೀಯ

(ಗ) ಒಂದೇ ಕೇಂದ್ರ ಅಥವಾ ಮಧ್ಯಬಿಂದು ಇರುವ (ವೃತ್ತ, ಇತ್ಯಾದಿ)

ಏಕಕೋಶ

(ಗ) ಸಮಾಂತರ ಚಲನೆಗಳ ಪ್ರಭಾವದಲ್ಲಿ ವ್ಯತ್ಯಯವಾಗದಂತೆ ಇರುವ ಸ್ಫಟಿಕ ಜಾಲಕದ ಸಮಸ್ತ ಪ್ರದೇಶವನ್ನೂ ತುಂಬುವಂತಹ ಸಮಾಂತರ ಷಟ್ಫಲಕ. (ಭೌ) ಸ್ಫಟಿಕ ಜಾಲಕದ ಒಳಗೆ ಮೂರು ಆಯಾಮಗಳಲ್ಲಿ ಪುನರಾವರ್ತಿತವಾಗುವ ಅಣು ಅಥವಾ ಅಯಾನ್ ಅಥವಾ ಪರಮಾಣುಗಳ ಗುಂಪು

ಏಕಕೋಶೀಯ

(ಜೀ) ಒಂಟಿಕೋಶವಿರುವ ಅಥವಾ ಒಂದೇ ಜೀವಕಣವಿರುವ ಪ್ರಾಣಿ. ಉದಾ: ಅಮೀಬ

ಏಕಕೋಶೋದ್ಭವ

(ಜೀ) ಪ್ರತಿಯೊಂದು ಸಸ್ಯ/ಪ್ರಾಣಿ ಒಂದೇ ಜೀವಕೋಶದಿಂದ ವಿಕಾಸಗೊಳ್ಳುತ್ತದೆಂಬ ಸಿದ್ಧಾಂತ. (ಪ್ರಾ) ಅಲೈಂಗಿಕ ಸಂತಾನಾಭಿವೃದ್ಧಿ; ರೂಪಾಂತರವಿಲ್ಲದೆ ವಿಕಾಸ

ಏಕಚಕ್ರೀಯ

(ಸ) ಒಂದೇ ಪುಷ್ಪ ವಲಯದಲ್ಲಿರುವ ಕೇಸರಗಳು ಅಥವಾ ಇತರ ಪುಷ್ಪ ಭಾಗಗಳು. (ರ) ಪರಮಾಣುಗಳ ಒಂದೇ ಉಂಗುರದಿಂದಾದ

ಏಕಚರೀಯ ಪರಿಕರ್ಮ

(ಗ) ಏಕಮಾತ್ರ ಫಲಿತಾಂಶ ಪಡೆಯಲು ಕೇವಲ ಒಂಟಿ ಪರಿಕರ್ಮ ಅವಶ್ಯ ವಾಗುವ ಪರಿಕರ್ಮ. ಉದಾ : ನಕಾರೀಕರಣ, ಪೂರಕೀಕರಣ, ವರ್ಗಮೂಲ, ಪರಿವರ್ತ

ಏಕತತ್ತ್ವವಾದ

(ಸಾ) ಒಂದೇ ರೀತಿಯ ವಸ್ತು ಅಥವಾ ಸತ್ತ್ವ ಅಸ್ತಿತ್ವದಲ್ಲಿದೆ, ಮನಸ್ಸೂ (ಮನೋದ್ರವ್ಯ) ವಸ್ತುವೂ (ಭೌತದ್ರವ್ಯ) ಎರಡೂ ಒಂದೇ ಎಂಬ ನಂಬಿಕೆ. ಅದ್ವೈತ

ಏಕದಂತಿ

(ಜೀ) ಉದ್ದವಾದ ಹಲ್ಲುಳ್ಳ ಪ್ರಾಣಿ. ಈ ಹಲ್ಲು ಕೋರೆಹಲ್ಲಿನ ರೂಪ ತಳೆದಿರುತ್ತದೆ. ಉದಾ : ಆರ್ಕ್ಟಿಕ್ ಸಮುದ್ರದ ನಾರ್ವಲ್ ಎಂಬ ತಿಮಿಂಗಿಲ

ಏಕದಳ

(ಸ) ಒಂಟಿ ಬೀಜದಳವುಳ್ಳ ಸಸ್ಯ. ಉದಾ: ರಾಗಿ, ಜೋಳ

ಏಕದಳ ಧಾನ್ಯ

(ಸ) ಅಕ್ಕಿ, ಗೋದಿ ಮುಂತಾದ ಹುಲ್ಲಿನ ಜಾತಿಯ ಸಸ್ಯಗಳಿಂದ ದೊರೆಯುವ ಬೇಳೆಯಾಗದ ಕಾಳು

ಏಕದಿಶೀಯ

(ಭೌ) ಏಕಮುಖ ವಿದ್ಯುತ್ ಪ್ರವಾಹದಂತೆ ಒಂದೇ ದಿಶೆಯಲ್ಲಿ ಹರಿಯುವ. ಒಂದೇ ದಿಶೆಯಲ್ಲಿ ವಿಕಿರಣ ಪ್ರಸಾರ ಮಾಡುವ

ಏಕದಿಷ್ಟ

(ಗ) ಬೇರೊಂದು ಪರಿಮಾಣದ ಫಲನವಾಗಿ ಯಾವತ್ತೂ ಹೆಚ್ಚಾಗದ (ಅಥವಾ ಯಾವತ್ತೂ ಕಡಿಮೆಯಾಗದ) ಯಾವುದೇ ಪರಿಮಾಣ. ಏಕಮುಖೀಯ

ಏಕಧ್ರುವ

(ಭೌ) ಎಲ್ಲ ದಿಶೆಗಳಲ್ಲಿಯೂ ಸಂಜ್ಞೆಗಳನ್ನು ಸಮವಾಗಿ ಪರಿಗ್ರಹಿಸುವ ಇಲ್ಲವೇ ಪ್ರಸರಿಸುವ (ತಾತ್ತ್ವಿಕವಾದರೂ ಆಚರಣೆಗೆ ತರಲಾಗದ) ಒಂದು ಆಂಟೆನಾ

ಏಕನತ ವ್ಯವಸ್ಥೆ

(ಭೂವಿ) ಸ್ಫಟಿಕ ರಚನೆಯ ಒಂದು ಶೈಲಿ. ಇದರಲ್ಲಿ ಮೂರು ಅಸಮ ಅಕ್ಷಗಳಿದ್ದು ಆ ಪೈಕಿ ಒಂದು ಓರೆ ಛೇದಕವಾಗಿ ಇದ್ದು ಉಳಿದ ಎರಡು ಪರಸ್ಪರ ಲಂಬವಾಗಿ ಇರುತ್ತವೆ. ಇದನ್ನು ಓರೆ ಸ್ಫಟಿಕ ವ್ಯವಸ್ಥೆ ಎಂದೂ ಕರೆಯಲಾಗುತ್ತದೆ

ಏಕನತೀಯ

(ಭೂವಿ) ೧. ಎರಡು ಸಮತಲ ಭಾಗಗಳನ್ನು ಜೋಡಿಸುವ ಒಂದೇ ಇಳುಕಲಿರುವ ಶಿಲಾಮಡಿಕೆ. ೨. ಖನಿಜಗಳು ಸ್ಫಟಿಕೀಕರಣಗೊಳ್ಳುವ ಆರು ವ್ಯವಸ್ಥೆಗಳಲ್ಲಿ ಒಂದು. ಇಂಥ ಸ್ಫಟಿಕ ಗಳಲ್ಲಿ ಒಂದು ಅಕ್ಷ ಬಾಗಿರುತ್ತದೆ. ಉದಾ : ಮಾನಜೈಟ್
< previous12345Next >

Languages

Dictionary Search

Loading Results

Quick Search

Follow Us :   
  भारतवाणी ऐप डाउनलोड करो
  Bharatavani Windows App