Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

Navakarnataka Vijnana Tantrajnana Padasampada (2011)

ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಱ ಲ ಳ ವ ಶ ಷ ಸ ಹ

Please click here to read PDF file Navakarnataka Vijnana Tantrajnana Padasampada (2011)

ಉಂಡೆ ಮಣ್ಣು

(ಭೂವಿ) ನಯರಚನೆ ಇರುವ ಪ್ಲಾಸ್ಟಿಕ್ ಸದೃಶ ಕುಂಬಾರಮಣ್ಣು. ಉಂಡೆಗಳಲ್ಲಿ ಪೂರೈಕೆ ಆಗುವುದರಿಂದ ಈ ಹೆಸರು. ನೋಡಿ: ಕುಂಬಾರ ಜೇಡಿ

ball clay

Transliterate :

ಉಂಡೆ ಮೀನು

(ಪ್ರಾ) ದೊಡ್ಡ ಮೂಳೆ ಮೀನು. ಕಶೇರುಕ. ದೇಹವನ್ನು ಬಲೂನಿನಂತೆ ಉಬ್ಬಿಸಿಕೊಳ್ಳಬಲ್ಲದು. ಉಷ್ಣವಲಯ ಪ್ರದೇಶ ಗಳಲ್ಲಿ ಕೆರೆ ನೀರಿನಲ್ಲಿ ವಾಸ. ಉರುಳೆ ಆಕಾರದ ಮೈ. ಉದ್ದ ಮೊನಚು ಮುಳ್ಳು ಗಳಿವೆ. ದಪ್ಪ ತಲೆ. ಉಬ್ಬು ಹಲ್ಲು. ಈ ಗುಂಪಿನ ನಾಲ್ಕು ಹಲ್ಲುಗಳ ಟೆಟ್ರೊಡಾನ್ ಹಾಗೂ ಎರಡು ಹಲ್ಲುಗಳ ಡಿಯೊಡಾನ್ ಭಾರತದಲ್ಲೂ ಕಂಡುಬರುತ್ತವೆ. ವಿಷಪೂರಿತವಾದ್ದರಿಂದ ಆಹಾರಯೋಗ್ಯವಲ್ಲ. ಉಬ್ಬುಮೀನು, ಡಿಯೊಡಾನ್ ಹಿಸ್ಟ್ರಿಕ್ಸ್. ಬುದ್ದಲಿ ಮೀನು. ಬುರುಡೆ ಮೀನು. ನೋಡಿ : ಪಫರ್ ಮೀನು

globe fish

Transliterate :

ಉಕ್ಕು

(ತಂ) ಕಬ್ಬಿಣ ಮತ್ತು ಶೇ. ೨ಕ್ಕಿಂತ ಕಡಿಮೆ ಪ್ರಮಾಣದಲ್ಲಿ ಕಾರ್ಬನ್ ಒಳಗೊಂಡಿರುವ ಮಿಶ್ರಲೋಹ. ಮ್ಯಾಂಗನೀಸ್, ಸಿಲಿಕಾನ್, ತಾಮ್ರ, ರಂಜಕ ಮತ್ತು ಗಂಧಕಗಳೂ ವಿವಿಧ ಪ್ರಮಾಣಗಳಲ್ಲಿ ಇರಬಹುದು. ಉಕ್ಕಿನ ಬಿಗಿತ, ಗಡಸುತನ ಮತ್ತು ಸಾಮರ್ಥ್ಯ ಅದರಲ್ಲಿರುವ ಕಾರ್ಬನ್ ಅಂಶವನ್ನು ಅವಲಂಬಿಸಿವೆ

steel

Transliterate :

ಉಕ್ಕೇರು

(ಭೌ) ವಿದ್ಯುತ್ ಪ್ರವಾಹದ ವೋಲ್ಟೇಜ್‌ನಲ್ಲಾದ ಅತಿ ಉನ್ನತ ಆದರೆ ಕ್ಷಣಿಕ ಹೆಚ್ಚಳ

surge

Transliterate :

ಉಕ್ತವಾಣಿ

(ತಂ) ಮಾತನ್ನು ದಾಖಲಿಸಿಕೊಂಡು ಅವಶ್ಯವಾದಾಗ ಪುನರುಚ್ಚರಿಸುವ ಸಲಕರಣೆ

dictaphone

Transliterate :

ಉಕ್ತಿ

(ಗ) ಗಣಿತ ತರ್ಕಶಾಸ್ತ್ರದಲ್ಲಿ ನಿಜ ಮೌಲ್ಯವನ್ನು ನಿರ್ಧರಿಸಬಹುದಾದ ಸೂತ್ರ. ಉದಾ: ೧+೧=೨; ೫+೪=೦ ಮೊದಲನೆಯದರ ನಿಜ ಮೌಲ್ಯ ೧, ಎರಡನೆಯದರ ನಿಜ ಮೌಲ್ಯ ೦. ನೋಡಿ: ಹೇಳಿಕೆ

sentence

Transliterate :

ಉಕ್ತಿ

(ಗ) ನೋಡಿ: ಗಣಿತೋಕ್ತಿ

expression

Transliterate :

ಉಗಿ ಎಂಜಿನ್

(ತಂ) ಉಗಿಯಲ್ಲಿ ಇರುವ ಉಷ್ಣ ಶಕ್ತಿಯನ್ನು ಯಾಂತ್ರಿಕ ಶಕ್ತಿಯಾಗಿ ಪರಿವರ್ತಿಸುವ ಸಾಧನ. ಇದು ಆವಿಯ ಸ್ಥಿತಿಸ್ಥಾಪಕ ಗುಣವನ್ನೂ ಅದರ ವಿಸ್ತರಣ ಅಥವಾ ಶೀಘ್ರ ದ್ರವೀಭವನ ಗುಣವನ್ನೂ ಉಪಯೋಗಿಸಿಕೊಂಡು ಕೆಲಸ ಮಾಡುತ್ತದೆ. ಇದರ ಪ್ರಮುಖ ಬಿಡಿಭಾಗಗಳು: ನಾಳಿ (ಸಿಲಿಂಡರ್) ಮತ್ತು ಇದರೊಳಗೆ ಹಿಂದಕ್ಕೂ ಮುಂದಕ್ಕೂ ಚಲಿಸುವ ಆಡುಬೆಣೆ/ಕೊಂತ (ಪಿಸ್ಟನ್). ಈ ಆಡುಬೆಣೆ ದಂಡವನ್ನು ವೃತ್ತಾಕಾರದ ಗಾಲಿಯ ಮಗ್ಗುಲಿಗೆ ಜೋಡಿಸಿದೆ. ೧೯ನೆಯ ಶತಮಾನದ ಕೊನೆಯ ಭಾಗದಲ್ಲಿ ಹೆಚ್ಚು ಬಳಕೆಯಲ್ಲಿತ್ತು. ಈಗ ಇದರ ಬದಲು ಉಗಿತಿರುಬಾನಿ ಹಾಗೂ ಅಂತರ್ದಹನ ಎಂಜಿನ್‌ಗಳು ಹೆಚ್ಚಾಗಿ ಬಳಕೆಗೆ ಬಂದಿವೆ

steam engine

Transliterate :

ಉಗಿ ಬಟ್ಟೀಕರಣ

(ರ) ನೀರಿನಲ್ಲಿ ವಿಲೇಯ ವಾಗದಂಥ ದ್ರವಗಳ ಮೂಲಕ ಉಗಿಯನ್ನು ಹಾಯಿಸಿ ಬಟ್ಟೀಕರಿಸುವ ಒಂದು ವಿಧಾನ. ಪರಸ್ಪರ ವಿಲೇಯವಾಗದಂಥ ಎರಡು ದ್ರವಗಳ ಮಿಶ್ರಣದ ಆವಿ ಒತ್ತಡ ಶುದ್ಧ ರೂಪ ದ್ರವದ ಆವಿ ಒತ್ತಡಕ್ಕಿಂತ ಕಡಿಮೆಯಾಗಿರುತ್ತದೆ ಎಂಬ ಅಂಶವನ್ನು ಇದು ಆಧರಿಸಿದೆ

steam distillation

Transliterate :

ಉಗುರು

(ಪ್ರಾ) ಮೇಲ್ವರ್ಗದ ಸ್ತನಿಗಳಲ್ಲಿ ಬೆರಳುಗಳ ತುದಿ ಗಳಲ್ಲಿ ಪಂಜಗಳ ಸ್ಥಾನದಲ್ಲಿ ಬೆಳೆದ ಅಧಿಚರ್ಮ ಮೂಲದ ಕೊಂಬಿನಂಥ ಫಲಕ. ನಖ

nail

Transliterate :

<< First << Prev < 132 133 134 135 136 137 138 139 140 141 142 143 144 145 146 147 148 149 150 151 152 153 ........1107 > Next >> Last >>