Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

English-Kannada Nighantu

A B C D E F G H I J K L M N O P Q R S T U V W X Y Z

Please click here to read PDF file English-Kannada Nighantu

last

ಗುಣವಾಚಕ ಪದಗುಚ್ಛ ನುಡಿಗಟ್ಟು

ಕೊನೆಯ; ಕಡೆಯ; ಅಂತ್ಯದ; ಅಂತಿಮ; ಆಖೈರಿನ; ಇತರ ಎಲ್ಲವೂ ಆದ ತರುವಾಯದ; ಕೊನೆಯಲ್ಲಿ ಬರುವ: the last two ಕಡೆಯ ಎರಡು. the last to be consulted ಸಲಹೆ ಕೇಳಿದವರ ಪೈಕಿ ಕಡೆಯವನು.

(ಈಗ ಹೇಳುತ್ತಿರುವ ಯಾ ಸೂಚಿಸುತ್ತಿರುವ ಕಾಲಕ್ಕೆ) ಹಿಂದಿನ; ಪೂರ್ವದ; ಹೋದ; ಕಳೆದ; ಸಂದ: in the last fortnight ಕಳೆದ ಪಕ್ಷದಲ್ಲಿ. last Christmas ಹಿಂದಿನ ಕ್ರಿಸ್‍ಮಸ್‍ ಹಬ್ಬದಲ್ಲಿ. last week ಹೋದ ವಾರ.

(ಕ್ರಮದಲ್ಲಿ) ಹಿಂದಿನ; ಮುಂಚಿನ; ಮೊದಲಿನ: got on at the last station ಹಿಂದಿನ ನಿಲ್ದಾಣದಲ್ಲಿ ಹತ್ತಿಕೊಂಡ. the last letter ಮುಂಚಿನ ಕಾಗದ; ಹಿಂದಿನ ಪತ್ರ. the last baby ಹಿಂದಿನ ಮಗು.

ಕೊಟ್ಟಕೊನೆಯದಾದ; ಕಟ್ಟಕಡೆಯ; ಆಖೈರಿನ (ಎಲ್ಲವೂ ಆಗಿ) ಕೊನೆಯದಾಗಿ ಉಳಿದಿರುವ: the last biscuit ಕೊನೆಯ ಬಿಸ್ಕತ್ತು. our last chance ನಮ್ಮ ಕಟ್ಟಕಡೆಯ ಯಾ ಅಂತಿಮ ಅವಕಾಶ.

ತೀರಾ ಅಸಂಭವದ; ಎಳ್ಳಷ್ಟೂ ಇಷ್ಟವಿಲ್ಲದ; ಸ್ವಲ್ಪವೂ ಉಚಿತವಲ್ಲದ. ತಕ್ಕುದಲ್ಲದ: I should be the last to do it ಅಂಥದನ್ನು ಮಾಡಲು ನನಗೆ ಎಳ್ಳಷ್ಟೂ ಮನಸ್ಸಿಲ್ಲ.

(ದರ್ಜೆಗಳಲ್ಲಿ) ಕಡೆಯ; ಕೊನೆಯ; ಅಂತಿಮ; ಅತ್ಯಂತ, ತೀರ – ಕೆಳಗಿನ, ಕೆಳಮಟ್ಟದ, ಕೀಳಾದ: the last place ಕೊನೆಯ ಸ್ಥಾನ.

(ಮುಖ್ಯವಾಗಿ ಬಾಳಿನ ಯಾ ಐಹಿಕ ಪ್ರಪಂಚದ) ಕೊನೆಯ; ಅಂತ್ಯದ; ಅವಸಾನದ: last days (ಬಾಳಿನ) ಕೊನೆಯ ದಿನಗಳು; ಅವಸಾನಕಾಲ.

(ನಿರ್ಣಾಯಕ, ಅಸಂದಿಗ್ಧ ಎಂಬ ಅರ್ಥಗಳಲ್ಲಿ) ಕಡೆಯ; ಆಖೈರಿನ; ಕೊನೆಯ; ಅಂತ್ಯ; ಅಂತಿಮ: has said the last word in the matter ಈ ವಿಷಯದಲ್ಲಿ ಅವನು ಹೇಳಿದ್ದೇ ಕೊನೆಯ ಮಾತು.

ಇತ್ತೀಚಿನ; ಇದೀಗಿನ; ಸದ್ಯದ; ಇದೀಗ ಬಳಕೆಯಲ್ಲಿರುವ: the last thing in shirts ಷರ್ಟುಗಳ ಹ್ಯಾಷನ್ನಿನಲ್ಲಿ ಇತ್ತೀಚಿನದು.

ಅತ್ಯಂತ; ತೀರ; ಎಲ್ಲಕ್ಕಿಂತಲೂ ಮುಖ್ಯವಾದ: it is of the last importance ಅದು ಅತ್ಯಂತ ಮುಖ್ಯವಾದದ್ದು.

Transliterate :

last

ಕ್ರಿಯಾವಿಶೇಷಣ

ಎಲ್ಲ ಆದ ಮೇಲೆ; ಕೊನೆಗೆ; ಕೊನೆಯಲ್ಲಿ; ಕಡೆಗೆ; ಎಲ್ಲರ ಯಾ ಎಲ್ಲದರ ನಂತರ, ತರುವಾಯ: last came and last did go (ಎಲ್ಲರೂ ಆದ ಮೇಲೆ) ಕೊನೆಯಲ್ಲಿ ಬಂದ, ಕೊನೆಯಲ್ಲಿ ಹೋದ; ಕೊನೆಗೆ ಬಂದು ಕೊನೆಗೆ ಹೋದ.

ಹಿಂದೆ; ಈ ಮೊದಲು; ಇದಕ್ಕೆ ಮುಂಚೆ; ಪ್ರಕೃತಕಾಲಕ್ಕೆ ಹಿಂದಿನ ಸಂದರ್ಭದಲ್ಲಿ; when did you see him last? ಇದಕ್ಕೆ ಮುಂಚೆ ಅವನನ್ನು ನೀನು ನೋಡಿದ್ದು ಎಂದು?

(ಎಣಿಕೆಯಲ್ಲಿ) ಕಡೆಯದಾಗಿ; ಕೊನೆಯದಾಗಿ; ಅಂತಿಮವಾಗಿ: in the last place ಕಡೆಯದಾಗಿ; ಕೊನೆಯದಾಗಿ.

Transliterate :

last

ನಾಮವಾಚಕ

(ಸ್ಥಳದಿಂದ ಸ್ಥಳಕ್ಕೆ, ಸರಕಿನಿಂದ ಸರಕಿಗೆ ಬೇರೆ ಬೇರೆಯಾಗಿರುವ) ಯಾವುದೇ ತೂಕ, ಗಾತ್ರ, ಪ್ರಮಾಣ ಇವುಗಳ ವಾಣಿಜ್ಯದ ಅಳತೆ, ಮಾನ: last of wool ಉಣ್ಣೆಯ 12 ಮೂಟೆಗಳು ಯಾ 4368 ಪೌಂಡುಗಳು. last of herrings ಹೆರಿಂಗ್‍ ಮೀನುಗಳ 12 ಬ್ಯಾರಲ್ಲುಗಳು. last of malt ಮೊಳಕೆ ಧಾನ್ಯದ 10 ಕ್ವಾರ್ಟರು (200 ಪೌಂಡು) ಯಾ 80 ಬುಷಲ್‍ಗಳು (640 ಗ್ಯಾಲನ್‍).

Transliterate :

last

ನಾಮವಾಚಕ ನುಡಿಗಟ್ಟು

ಕೊನೆಯದು; ಕೊನೆಯಲ್ಲಿ ಹೇಳಿದ, ಸೂಚಿಸಿದ – ವ್ಯಕ್ತಿ, ವಸ್ತು ಯಾ ವಿಷಯ: the last (person, thing) ಕೊನೆಯಲ್ಲಿ ಹೇಳಿದ (ವ್ಯಕ್ತಿ ಯಾ ವಸ್ತು).

ಹಿಂದಿನದು; ಇತ್ತೀಚಿನದು (ಪತ್ರ ಮೊದಲಾದವು): as I said in my last ಹಿಂದಿನ ಕಾಗದದಲ್ಲಿ ನಾನು ಹೇಳಿದಂತೆ.

ಕೊನೆಯ ಮಾತು; ಅಂತಿಮ ಪ್ರಸ್ತಾಪ: shall never hear the last of it ಈ ವಿಷಯದಲ್ಲಿ ಕೊನೆಯ ಮಾತನ್ನು ಎಂದಿಗೂ ಕೇಳುವಂತೆಯೇ ಇಲ್ಲ; ಇದಕ್ಕೆ ಕೊನೆಯೇ ಇಲ್ಲ; ಈ ವಿಷಯ ಮುಗಿಯುವಂತೆಯೇ ಇಲ್ಲ.

ಕೊನೆಯ ನೋಟ; ಅಂತಿಮ ದರ್ಶನ: that was the last I ever saw him ಅದೇ ನಾನು ಅವನನ್ನು ಕೊನೆಯ ಬಾರಿಗೆ ಕಂಡದ್ದು; ನನಗೆ ಅದೇ ಅವನ ಕಡೆಯ ದರ್ಶನ.

ಕೊನೆಯ, ಅಂತಿಮ – ಕ್ರಿಯೆ; ಕೆಲವು ಕ್ರಿಯೆಗಳ ಅಂತಿಮ ಆವೃತ್ತಿ: breathe one’s last ಕೊನೆಯ ಉಸಿರೆಳೆ; ಕಡೆಯ ಬಾರಿ ಉಸಿರೆಳೆ. look one’s last ಕೊನೆಯ, ಅಂತಿಮ ನೋಟ ನೋಡು; ಸಾಯು.

ಕೊನೆ; ಅಂತ್ಯ; ಅಂತಿಮ ಕ್ಷಣ.

ಸಾವು; ಮರಣ.

Transliterate :

last

ಅಕರ್ಮಕ ಕ್ರಿಯಾಪದ ನುಡಿಗಟ್ಟು

last out ಹಿಂದೆ ಹೇಳಿದಷ್ಟು ಕಾಲದವರೆಗೂ ಯಾ ಸೂಚಿತವಾದಷ್ಟು ಕಾಲದವರೆಗೂ ಸಾಕಾಗು ಯಾ ಇರು.

ಸಾಕಾಗು; ಬಾಳು; ಬಾಳಿಕೆಬರು; ಒಂದು ನಿರ್ದಿಷ್ಟ ಯಾ ಸಾಕಷ್ಟು ಕಾಲದವರೆಗೆ ಉಳಿದಿರು ಯಾ ಸಾಕಾಗುವಂತಿರು ಯಾ ಜೀವದಿಂದಿರು: will last out ಅಷ್ಟು ಕಾಲವೂ ನಡೆಯುತ್ತದೆ; ಅಷ್ಟು ಕಾಲಕ್ಕೂ ಸಾಕಾಗುತ್ತದೆ, ಬಾಳಿಕೆ ಬರುತ್ತದೆ. enough food to last us a week ನಮಗೆ ಒಂದು ವಾರಕ್ಕೆ ಸಾಕಾಗುವಷ್ಟು ಆಹಾರ. the battery lasts and lasts ಬ್ಯಾಟರಿ ಬಹಳ ಕಾಲ ಬಾಳಿಕೆ ಬರುತ್ತದೆ.

ನಡೆ; ಸಾಗು; ನಡೆದು ಬರು: ಒಂದು ನಿರ್ದಿಷ್ಟ ಕಾಲದವರೆಗೆ ಆಗು, ಮುಂದುವರಿ: the journey lasts an hour ಪ್ರಯಾಣ ಒಂದು ಗಂಟೆಯವರೆಗೆ ಆಗುತ್ತದೆ. will last me eight months ನನಗೆ (ಅದು) ಎಂಟು ತಿಂಗಳ ಕಾಲ ಬರುತ್ತದೆ, ಎಂಟು ತಿಂಗಳಿಗೆ ಆಗುತ್ತದೆ. will last my time ನಾನು ಬದುಕಿರುವವರೆಗೆ ಇರುತ್ತದೆ.

Transliterate :

last

ನಾಮವಾಚಕ ನುಡಿಗಟ್ಟು

ಮೋಚಿಯಚ್ಚು; ಕೆರ, ಜೋಡು, ಮೊದಲಾದವಕ್ಕೆ ಆಕಾರ ಕೊಡಲು ಯಾ ಅವನ್ನು ರಿಪೇರಿ ಮಾಡಲು ಮೋಚಿಯವನು ಬಳಸುವ ಮರದ ಯಾ ಲೋಹದ ಅಚ್ಚು. stick to one’s last ಗೊತ್ತಿದ್ದಷ್ಟೇ ಮಾಡು; (ತನಗೆ) ತಿಳಿಯದ ವಿಷಯಕ್ಕೆ ಕೈ ಹಾಕದಿರು, ಕೈಹಚ್ಚದಿರು ಯಾ ಪ್ರಯತ್ನಿಸದಿರು; ತಾನು ದಕ್ಷ ಯಾ ಕುಶಲನಾಗಿರುವ ಕೆಲಸ, ವೃತ್ತಿ ಯಾ ಕ್ಷೇತ್ರದಲ್ಲಿಯೇ ಮುಂದುವರಿ.

Transliterate :

last

ನಾಮವಾಚಕ

ತಡೆತ; ತ್ರಾಣ; ಬಾಳುವ ಶಕ್ತಿ.

Transliterate :

last agony

ನಾಮವಾಚಕ

ಮರಣ ಸಂಕಟ; ಪ್ರಾಣಸಂಕಟ; ಸಾವು ಸನ್ನಿಹಿತವಾಗುವಾಗ ಉಂಟಾಗುವ ನೋವು, ಸಂಕಟ.

Transliterate :

Last Day

ನಾಮವಾಚಕ

(ಕ್ರೈಸ್ತಧರ್ಮ) ಕಡೆಯ ತೀರ್ಪಿನ ದಿನ; (ಪ್ರಳಯದ ತರುವಾಯ ದೇವರು ಮೃತರ ಬಗ್ಗೆ ನಡೆಸುವ) ಅಂತಿಮ ವಿಚಾರಣೆ ದಿನ.

Transliterate :

Last Judgement

ನಾಮವಾಚಕ

ಅಂತಿಮ ಮಹಾ ವಿಚಾರಣೆ; (ಕೆಲವು ನಂಬಿಕೆಗಳಲ್ಲಿ) ಪ್ರಪಂಚದ ಅಂತ್ಯದಲ್ಲಿ ದೇವರು ನಡೆಸುವ ಮಹಾ ವಿಚಾರಣೆ.

Transliterate :

<< First << Prev < 71 72 73 74 75 76 77 78 79 80 81 82 83 84 85 86 87 88 89 90 91 92 ........359 > Next >> Last >>