Bharatavani is a project with an objective of delivering knowledge in and about all the languages in India using multimedia (i.e., text, audio, video, images) formats through a portal (website)

English-Kannada Nighantu

A B C D E F G H I J K L M N O P Q R S T U V W X Y Z

Please click here to read PDF file English-Kannada Nighantu

bag

ನಾಮವಾಚಕ ಪದಗುಚ್ಛ ನುಡಿಗಟ್ಟು

ಚೀಲ; ಸಂಚಿ; ಹಡಪ: green or blue bag (ಬ್ರಿಟಿಷ್‍ ಪ್ರಯೋಗ) ವಕಾಲತು ಚೀಲ; ವಕೀಲರು ಕೇಸಿಗೆ ಸಂಬಂಧಪಟ್ಟ ಕಾಗದ ಪತ್ರಗಳನ್ನು ಇಟ್ಟುಕೊಳ್ಳುವ ಚೀಲ.

ದುಡ್ಡಿನ ಚೀಲ.

ಷಿಕಾರಿ ಚೀಲ.

ಚೀಲದಲ್ಲಿರುವ ವಸ್ತು, ಸಾಮಗ್ರಿ.

(ರೂಪಕವಾಗಿ ಸಹ) ಬೇಟೆ; ಒಟ್ಟು ಷಿಕಾರಿ; ಬೇಟೆಗಾರ ಒಂದು ಬೇಟೆಯಲ್ಲಿ ಪಡೆದ ಸಮಸ್ತ ಪದಾರ್ಥ.

ಕೆಚ್ಚಲು.

(ಪ್ರಾಣಿಗಳ ದೇಹದಲ್ಲಿ, ಜೇನುತುಪ್ಪ, ವಿಷ, ಮೊದಲಾದವುಗಳಿರುವ) ಚೀಲ; ಕೋಶ.

(ನಿದ್ರೆಯ ಕೊರತೆ, ಅತಿ ನಿದ್ರೆ ಯಾ ಅಳು, ಮೊದಲಾದವುಗಳಿಂದ ಆದ) ಕಣ್ಣಿನ ಚೀಲ; ಕಣ್ಣಿನ ಕೆಳಗಣ ಉಬ್ಬಿಕೆ.

(ಬ್ರಿಟಿಷ್‍ ಪ್ರಯೋಗ, ಬಹುವಚನದಲ್ಲಿ) ಷರಾಯಿ.

(ಬಹುವಚನದಲ್ಲಿ ಅಶಿಷ್ಟ) ಸಿರಿ; ಸಮೃದ್ಧಿ; ಯಥೇಚ್ಛತೆ; ಬಹಳವಾಗಿರುವುದು: bags of room ಯಥೇಚ್ಛ ಅವಕಾಶ; ಅವಕಾಶ ಯಥೇಚ್ಛವಾಗಿರುವುದು. bags of money ಥೈಲಿಗಟ್ಟಲೆ ಹಣ; ಹಣ ಬಹಳವಾಗಿರುವುದು.

ಸೂಟ್‍ಕೇಸು; ಪ್ರಯಾಣದ ಚೀಲ.

(ಚರ್ಮ, ಬಟ್ಟೆ, ಮೊದಲಾದವುಗಳಲ್ಲಿನ) ಜೋಲು; ನೇಲು.

ಕೈಚೀಲ.

ಅಂಚೆ, ಪ್ರಯಾಣ, ಮೊದಲಾದವುಗಳ ಚೀಲ.

= mixed bag.

(ಅಶಿಷ್ಟ, ಹೀನಾರ್ಥಕ ಪ್ರಯೋಗ) ಹೆಂಗಸು; ಹೆಣ್ಣು: old bag ಮುದಿ ಹೆಂಗಸು.

(ಅಶಿಷ್ಟ) (ಒಬ್ಬನ ಸದ್ಯದ, ಈಗಿನ) ಆಸಕ್ತಿ; ಖಯಾಲಿ.

(ಅಶಿಷ್ಟ) (ಮುಖ್ಯವಾಗಿ ಜಾ) ವಾದನದ ಒಂದು ನಿರ್ದಿಷ್ಟ ಶೈಲಿ, ರೀತಿ ಯಾ ವಾದನ ಮಾಡುವಾಗಿನ ಒಂದು ನಿರ್ದಿಷ್ಟ ವರ್ತನೆ, ಹಾವಭಾವ.

Transliterate :

bag

ಕ್ರಿಯಾಪದ ಸಕರ್ಮಕ ಕ್ರಿಯಾಪದ ಅಕರ್ಮಕ ಕ್ರಿಯಾಪದ

(ಭೂತರೂಪ ಮತ್ತು ಭೂತಕೃದಂತ bagged, ವರ್ತಮಾನ ಕೃದಂತ bagging)

ಉಬ್ಬಿಸು; ಊದಿಸು.

ಬೇಟೆಯನ್ನು ಚೀಲಕ್ಕೆ ಸೇರಿಸು.

(ಬೇಟೆಯನ್ನು) ಹೊಡೆ; ಹಿಡಿ ಯಾ ಕೊಲ್ಲು (ರೂಪಕವಾಗಿ ಸಹ).

ಪಡೆ; ವಶಪಡಿಸಿಕೊ; ಹಿಡಿ; ಆಕ್ರಮಿಸು: bagged the most comfortable chair ಬಹಳ ಆರಾಮವಾದ ಕುರ್ಚಿಯನ್ನು ಹಿಡಿದ.

(ಸೌಮ್ಯೋಕ್ತಿ) ಜೇಬಿಗೆ ಬಿಡು; ಎಗರಿಸು; ಕದಿ.

(ಬ್ರಿಟಿಷ್‍ ಪ್ರಯೋಗ, ಶಾಲಾಮಕ್ಕಳ ಅಶಿಷ್ಟ) ಹಕ್ಕನ್ನು ಮಂಡಿಸುವುದರಲ್ಲಿ ಮೊದಲಿಗನಾದ ಕಾರಣ ಹಕ್ಕು ತನ್ನದೆಂದು ಸಾಧಿಸು: ಸಾಮಾನ್ಯವಾಗಿ bags I ಯಾ I bags, first innings! ಮೊದಲಿಗ ನಾನು, ಹಕ್ಕು ನನ್ನದು.

(ಗೋಧಿ ಮೊದಲಾದವನ್ನು ಕುಡುಗೋಲಿನಿಂದ) ಕೊಯ್ಯು; ಕಟಾವು ಮಾಡು; ಕಟಾಯಿಸು.

Transliterate :

bag fox

ನಾಮವಾಚಕ

ಚೀಲದ ನರಿ; ನಾಯಿಗಳ ಮುಂದೆ ಬಿಡಲು ಚೀಲದಲ್ಲಿ ಹಿಡಿದು ತಂದ ಜೀವಂತ ನರಿ.

Transliterate :

bag sleeve

ನಾಮವಾಚಕ

ಚೀಲತೋಳು; ಮಣಿಕಟ್ಟಿನಲ್ಲಿ ಬಿಟ್ಟು ಉಳಿದೆಡೆ ಸಡಿಲವಾಗಿರುವ ತೋಳುಡುಪು.

Transliterate :

bag-wig

ನಾಮವಾಚಕ

ಕೂದಲಚೀಲ; ಹಿಂಗೂದಲನ್ನು ಒಳಸೇರಿಸಲು 18ನೇ ಶತಮಾನದಲ್ಲಿ ಉಪಯೋಗಿಸುತ್ತಿದ್ದ ಚೀಲ.

Transliterate :

bagarre

ನಾಮವಾಚಕ

ಜಗಳ; ಕಾದಾಟ; ಬಡಿದಾಟ; ಹೊಡೆದಾಟ.

Transliterate :

bagasse

ನಾಮವಾಚಕ

(ರಸವನ್ನು ತೆಗೆದ ಮೇಲೆ ಉಳಿಯುವ) ಅಳ್ಳಟ್ಟೆ; ಕಬ್ಬಿನ ಯಾ ಸಕ್ಕರೆ ಬೀಟು ಸಸ್ಯದ – ಸಿಪ್ಪೆ, ಹಿಪ್ಪೆ.

ಅಳ್ಳಟ್ಟೆ ಕಾಗದ; ಕಬ್ಬಿನ ಸಿಪ್ಪೆ ಕಾಗದ.

Transliterate :

bagatelle

ನಾಮವಾಚಕ

ಅಲ್ಪ, ಸಣ್ಣ, ಕ್ಷುಲ್ಲಕ, ಕ್ಷುದ್ರ, ಲೆಕ್ಕಕ್ಕೆ ಬಾರದ – ವಿಷಯ, ವಸ್ತು, ಮೊತ್ತ.

(ಸಾಮಾನ್ಯವಾಗಿ ಪಿಯಾನೋಗೋಸ್ಕರ ಹಾಡುವ) ಲಘುಗೀತ.

ಬಿಲಿಯಡ್‍’ ಬಗೆಯ ಸಣ್ಣ ಗೋಲಿ ಆಟ.

Transliterate :

bagel

ನಾಮವಾಚಕ

(ಅಮೆರಿಕನ್‍ ಪ್ರಯೋಗ ಉಂಗುರದ ಆಕಾರದ, ಗಟ್ಟಿಯಾದ) ಉರುಳೆ ಬ್ರೆಡ್ಡು.

Transliterate :

bagful

ನಾಮವಾಚಕ

ಚೀಲ:

ಚೀಲಭರ್ತಿ; ಚೀಲ ಹಿಡಿಸುವಷ್ಟು ಯಾ ತುಂಬಲು ಬೇಕಾಗುವಷ್ಟು ಪ್ರಮಾಣ ಯಾ ಮೊತ್ತ.

ಚೀಲದಲ್ಲಿ ತುಂಬಿದ ಪದಾರ್ಥ.

Transliterate :

<< First << Prev < 32 33 34 35 36 37 38 39 40 41 42 43 44 45 46 47 48 49 50 51 52 53 ........581 > Next >> Last >>